لاصحاب الخبره افيدونا بخصوص تلفزيون Samsung
السلام عليكم ورحمه الله وبركاته انا طبعا اخوكم من البحرين وحبيت اسئل عن افضل المحلات الكبيرة الي بالدمام او الخبر تبيع الالكترونيات مثل اكسترا وفرست وجيان (عموما موقع هذي المحلات مو واضح لي بالضبط فيا ريت احد يفيدنا) وغيرهم من المحلات 1)ماهي افضل محلات بيع الاكترونيات من حيث الاسعار 2)واذا احد يقدر يدلنا على محل متخصص في التلفزيونات السامسونج 3) اذا احد يعرف موقع للوكيل السامسونج في الخبر او الدمام 4) اي احد عنده تجربه شخصيه عن محل ماخذ من عنده 5) يا ريت احد يوصف لي موقع فرست للكترونيات تلفزيون سامسونج LCDمن حيث الضمان ومعامله المحل امتنى احصل اجابات وافية وشافيه منكم وكلي رجاء لاني رايح للسعودية بنهاية عطله الاسبوع والله الموفق وكلي شكر لكم للي يرد على الموضوع والي يطالع ويطلع وشكرا. |
حياك أخي ولد البحرين بيننا..
كان ودي أخدمك لكني من جده. إن شاء الله إخواننا اللي في الشرقية ما راح يقصروا معاك. |
غريبه محد من الشرقيه
الي يعرف اي شي لا يقصر علينا |
السلام عليكم
با لنسبه اكسترا بالقرب كورنيش الدمام بعد ميدان الصدفه |
يا حيا الله أهل البحرين ، أقول تقهوا عندنا ثم رح قضي أمورك :p شوف يالغالي عندك السويكت بالخبر ، منتجع الإلكترونيات عنوانه : وأنت جاي من البحرين أدخل شارع الظهران ، أول إشارة لا ، ثاني إشارة لا ، ثالث إشارة امش طوالي بعدها تشوف على يسارك ( الأساسية للإلكترونيات ، والعيسائي بناسونيك ) وراهم محلات كثيييرة للالكترونيات ،، طب وتخيّر بينهم المحل الثاني : أكسترا بس تراه غالي على غير سنع !! عنوانه : ادخل مع ثالث إشارة في شارع الظهران يسار ( طريق الملك عبدالعزيز إلى الدمام ) ثم إذا جيت كوبري شارع الببسي ( طريق فيصل بن فهد و الإشارة فوق الكوبري ) لف يسار ، وأول لفة يمين(أجباري لوجود حفريات) تدخل طريق الملك فيصل ، أمشي إلين تشوف المخازن الكبرى وإكسترا يسارك ، يو ترن وأرجع لهم المحل الثالث : هومي بالدمام Homy كبير مثل إكسترا وأرخص منه سعرا ولو بفارق قليل بمتوسط 200 ريال على القطعة ، لكن لو تشتري أغراض كثير بتفرق موقعه شارع الملك عبدالعزيز بالدمام وبأحاول أوصف لك طريق سهل لأن الشارع الأأول(طريق محمد بن فهد ) مقفل ، لكن اعذرني إذا أخطأت لأني ماقد رحت له مع نفس الطريق اللي أوصفه لك ( توصيف نظري ) ، امشي على طريق الجبيل وبعدين ادخل يمين مع شارع الملك خالد ثم أول إشارة يسار (طريق الأمير نايف ) وامشي طولي إلين يجيك طريق الملك عبدالعزيز(تابع اللوحات الإرشادية ) ادخل معاه يمين وامشي تشوف هومي على يسارك وفي شركة اسمها شركة الباحة على طريق الخبر- الدمام ( طريق عبدالعزيز ) موقعهم بعد كبري الأمير سلمان ووكالة هيونداي على طول (على يمينك وأنت متجه للدمام ) |
حيا ك يا البحريني بديرتك
يعطيكم العافية بصراحة صار الموضوع مرجع مهم :) |
اقتباس:
تسلم والله وما قصرت |
سامسونج مجرب والوانه صافيه .
حياك في بلدك الثاني |
| الساعة الآن 12:00 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by