منتدى مقاطعة

منتدى مقاطعة (https://www.mqataa.org/vb/index.php)
-   مناقشات المستهلك (https://www.mqataa.org/vb/forumdisplay.php?f=2)
-   -   محتاج محل موبيليا ونجار ممتاز ( الرياض ) (https://www.mqataa.org/vb/showthread.php?t=24041)

بحر 2007 08-02-2010 02:15 PM

محتاج محل موبيليا ونجار ممتاز ( الرياض )
 
السلام عليكم

اخواني واخواتي
احتاج الى من يدلني على محل نجاره وموبيليا ممتاز في الرياض لأني احتاج الى تفصيل غرف نوم للعيال ومحتاج نوعية خشب ممتازة وشغل مضمون لأنه الواحد مو كل يوم راح يفصل ويغير غرف النوم وكمان هي للعيال يعني انواع سوء الاستخدام والكل يعرف كذا

ياليت احد يدلني على محل ممتاز ويكون في الرياض

أنتظركم

جمرة غضا 08-02-2010 02:22 PM

اخوي رح لصناعيتهم "فيها معارض وعندهم كتالوجات " واختر خشب سنديان
والاهم "الرفوف والدروج وخشب الدواليب اللي من ورا "
خلها خشب سنديان واحرص لا يحطون لك ابلكاش او خشب مكبوس ترا ماتقوم شي عندكم

بحر 2007 09-02-2010 02:03 AM

جمرة غضا
شكراً للمرور

أنا أحتاج محل مجرب وأحد يدلني عليه من واقع تجربته

انتظركم

جمرة غضا 09-02-2010 02:10 AM

ان شاء الله يفيدونك الاعضاء
لكن فقط اعطيك نصيحة وانت يا تاخذبها او تتركها
السراير لا تفصلها مع الغرف
رح لسليب هاي واشتر السرير باكمله . وباقي الغرفه فصلها

بتار 09-02-2010 07:04 AM

أنا مجرب بصراحة لكن يبي لك تصير على راسه من ناحية اختيار نوعية الخشب, محلاتهم في طريق أبو بكر المرسلات فيه أكثر من 20 محل وكلهم مثل بعض اذا كنت حريص وأسعارهم معقوله اذا شديت عليهم,, أنا توي عامل غرف للعيال عندهم وشغلهم روعة بصراحة لكن ما راح أعطيك أي محل معين لأنهم كلهم مثل بعض بس يبي لك تفهم لهم يعني غرفة نوم سرير (نفر ونص) و دولاب عرض مترين ونص (تفصيلي أنا للأبواب طالبها سحاب) مع كومدينة يمين ويسار وأشكال الأسرة تختارها زي ماتبي من كتالوج كلفتني للغرفة 3500 ريال .

رب أسرة 09-02-2010 08:23 AM

عندك محلات الموبيليا العاملين فيها باكستانية وعندهم نوعيات خشب ممتاز اندونيسي أو برازيلي او ماليزي أو أم دي أف أنواع ممتازة وقوية جداً وتتحمل الأوزان ولعب الأطفال والحمل الثقيل والألوان على كيفك عندهم ألوان وكتالوج والخشب يجي جاهز من مصدره وهم يشكلونه على الموديل الذي تريده.
وسبقت وفصلت عندهم غرفة أطفال سرير وتسريحه كبيرة و2 كمدينه ودولاب 2 ذرفه 1650 ريال خشب ام دي اف.
والخشب كله مقاس (10 ملي).
غرفة نوم كبيرة سرير و2 كمدينة وتسريحة كبيرة ودولاب 6 ذرفه 2100 ريال.
انتبه/ عندهم ألوان وديكورات تجي من المصنع نفسه أو الشركة المصنعة له. والنجار مهنته فقط القص والتركيب.
واذا أردت السعر المناسب. فصل دولاب وتسريحة لحال وأذا خلص مركبه فاصله في سعر السرير.

شكراً.


الساعة الآن 03:00 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by