لا تقاطع ...لا ثم لا للمقاطعة
 

بصراحة أنا فرحان أن التجار رفعو الاسعار ..جزاهم الله الف خير وياليت يرفعونها بعد شوي

لاني حاس انها لا زالت رخيصة

أول كنت أغير سيارتي كل اربع سنوات وبعد ما رفعو أسعارها حلفت عليها يمين تقعد 10 سنوات

أول كنت اغير زيت كل 2000كم والحين بعد 10 الاف وزين

أول كنت من زبائن المطاعم ومن يوم رفعو أسعارهم تعلمت الطبخ والشاي وريحت راسي

أول كنت أشتري تموينات كل اسبوع وأنقي الاغلى والحين أدور الارخص والافضل وأتقضى بالشهر

أول كان البخاري والكبسة والدجاج واللحم طبق دائم وبكميات كبيرة وسبب لنا السمنة والحين بعد الرفع نحط بالصحن على قدنا وأقل وخفت اوزانا وبدينا في عصر الرشاقة والتوفير

أول يوم الاسعار نازلة كنا مبذرين ولا نسأل عن أي سعر خذ وامش الحين المصروف محسوب بالمللي والشراء بالهللة.

أول كنت أسافر كل سنة الحين يا زين بلدي وبس

شفتو قد ايش الاسعار نازلة لين الحين...لا ثم لا للمقاطعة

وياليت يا تجار ترفعو كل الاسعار وخاصة البيض والرز والدجاج كل ورع له بيضة في اليوم واللي يوفر له زيادة بالمصروف:p

أطالب الدولة بحماية التجار ورفع أسعارهم فلقد علمونا درس لن ولن ننساه:D

هلا بك ....
أول عقولنا سليمة الآن كثرت الأمراض النفسية والإنتحارات :(
صدقت الغلا له فائدة قيم من سلوكنا الإستهلاكي .. لكن الضعوف وش دنياهم الحين !

نعم للمقاطعة


الاسعار تقل والوعى الاستهلاكى يرتفع

لاتشترى الا ماتحتاجه فقط

ابتعد عن التبذير

يعني حنا الكسبانين بالحالتين

نعم أخي
الازمات فيها فوائد ، وفيه ضحايا ، وفيه متكسبين

بالعكس انا اشووف كل الاسعار حاليآآ رخيصه مررة وخصوصآآ اسعار السيارات

شكرآآ يالتجار لتعاونكم مع الشعب وحبكم للوطن

شكرا على هذا الموضوع ,,,

اتفق معكم بأننا لم نغير سلوكنا إلا بسبب هذه الأزمة

والحياة مدرسة ومليئة بالتجارب

الحمد لله رب كل ضارة نافعة صار الراتب فيه بركة أكثر من السابق

بسبب الازمة عرفنا الخافي وتعلمنا البحث عن الارخص والافضل
كما تعلمنا الحذر من بعض الوكلاء والمطاعم والمحلات

الحملة نورتنا على امور لانعلمها
الان الكل يقتصد حتى لو كان يمتلك المال
لاكن هناك البديل

شكرا شكرا للكاتب