موبايلي نصبت عليا بفاتورة وهذا الدليل
 

السلام عليكم ورحمة الله وبركاته

اخواني و اخواتي اعضاء ومشرفين واداريين منتدى مقاطعه
حبيت اوصل لكم معاناتي مع موبايلي هذا الاسبوع والمشكله والله كبيرة وعيني عينك

ندخل في صوب الموضوع

انا عميل راقي وفاتورتي ثابته 840 ريال
ولا عندي اي اشتراك اخر في خدمة موبايلي
ولكن اتضح لي شيء والله اعلم انه لخبطه في الفواتير
اولاً
الشهر اللي فات كان نهاية اخر اسبوع في شهر 5 ميلادي كان عندي فوق 1700 دقيقه
مجانيه لاي مشغل في المملكه
وجيت قبل نهاية الشهر بثلاثة ايام ولقيت الدقايق فوق الـ 300 دقيقه
اتصلت على 1100 رد عليا الموظف سألته عنها قال ارفع لك طلب بمشكلة الدقايق لكن اتصل \
يوم 7 من بداية الشهر الجاي عشان تنزل الفاتورة في السيستم عندنا
قلت له طيب ولا يهمك
جات عليا فاتورة وسددتها كامله وبزيادة فوق الـ 500 ريال والصورة توضح كلامي
المهم قبل كم يوم ارسلت رساله فارغه على 1411 عشان اعرف كم الفاتورة وكم باقي دقايق فيها
المهم
جاتني رساله الفاتورة ويقول فيها 1900 دقيقه اللي باقي في رصيدي و الفاتورة 193 ريال ؟؟
وللمعلوميه انا حاط تحت الفاتورة اكثر من 500 ريال وعندي ما يثبت كلامي هذا
المهم اتصلت على الموظف قال لي في تحديث على الفواتير وفي مشكله في السيستم
والله قال كذا انه في مشكله في السيستم وفي تحديث عليه وان الرساله خطاء ومافي عليك اي فاتورة
وان اللي عليك تحت الحساب مايقارب الـ 140 ريال لاني استخدمتها في رسالة موبايلي مرسيدس
المهم
بعدها بيوم ,,
واحد من اصحابي قاعد يسب في موبايلي وإنهم حرااميه وزايدين عليه الفاتورة
قلت له مستحيل موبايلي مستحيل تسوي كذا
قال لي ان حده الاتماني 200 ريال وجات عليه فاتورة قبل صدورها 538 ريال
يقول اتصلت على 1100 يقول له اول ما تصدر الفاتورة ارفع شكوى اللحين ما ارفع لك شكوى لان مافي فاتورة واضحه عندي
قلت لنفسي يا ولد تأكد من فاتورتك
تخيلوا اني اتصلت على 1100 ورد الموظف وقال لي ان فاتورتي 1759 ريال ناقص الـ 500 ريال
يؤ يؤ يؤ وربي اني انفجعت
قلت له مستحيل انا عندي دقايق مجاني باقيه ما كلمت فيها ولا انتهت وعندي 300 رسال نصيه وباقي منها فوق 170 رساله نصيه
وعندي فوق 5 جيجا انترنت جوال
يعني من وين لكم تحسبونها كذا قال انت عميل راقي واقدر ارفع لك طلب بشكوى الفواتير
قلت له ابعرف اخر مبلغ تم سداده على فاتورتي كم
قال 500 ريال
ههههههههه قلت له والله اخر مبلع اضفته في الفاتوره 1500 ريال غير الـ 2000 ريال قبلها بأسبوع
قال لي هذا الواضح عندي قلت له انا اصلاً ما سددت 500 ريال انا سددت 1500 ريال
غير ان عندي نقاطي محولها على الرصيد مايقارب 150 ريال
وش اللخبطه ذي
قال ارفع لك طلب من يوم الاربعاء اللي فات
وللحين ما جاء اي رد وفاتورتي اللان فوق 1700 ريال
حسبي الله عليهم
واذا تبون تعرفون اكثر شوفوا الصورة والسداد كم
واي واحد في شركة موبايلي يبي يتأكد يراسلنيواعطيه رقمي ويتأكد بنفسه
وهذي صورة للفاتورة الاخيرة اللي تم سدادها واللي باقي لي تحت الحساب اكثر من 529 ريال

http://up.arab-x.com/Jun11/MW328162.jpg


طبعا انا راح انشر الموضوع في اكثر المنتديات اهميه

حياك اخوي ...

ردوا عليك او لسا ؟
وهل قدمت شكوى لهيئة الاتصالات ؟

كل الشركات حراميه بس مالنا غيرهن مضطرين للجوالات

اسمع وانا اخوك

ذولي لصوص وعندهم اللي يحميهم

غير مالك إلا منتدى اتصالاتي قسم موبايلي وان شاء الله تنحل مشكلتك على يد موظف ابن حلال

http://etsalati.com/vb/f3.html

هلا فيك جمرة غضا

طبعاً امس لقيت الفاتورة زايده 1041 ريال غير الـ 1700 ريال
رحعت اتصلت عليهم رد عليا الموظف (( الموظفه )) وقالت لي
انه في طلب بتعويض العميل عن فاتورة باصدار خاطئه
؟؟

قلت لها مكتوب كذا ؟؟ قالت ايه ويوم واحد راح يتم اصدار الفاتورة ولكن يوم 3 يوم السبت راح يتصل عليك مسؤول الفواتير وراح يتم تعويضك عن الاخطاء اللي صدرت


وانا اللحين انتظر السبت وعندي اجازة شهر من السبت تبداء يعني فاضي لهم

بالنسبه للشكوى لهيئة الاتصالات راح اخليها بعد السبت
وانا مجهز الفاتورة الاخيره وكل ما يثبت من اني دفعت مبالغ تحت الحساب

وان شاء الله خير

فكرة حلوة ومنتدى اول مره اعرف عنه
؟

على العموم اللحين انسخ نفس الموضوع وانزله في منتداهم

تحياتي لك ياعسل ولا عدمنا تميزك

حول للشحن احسن لك واترك عن الفواتير ووجع الراس

الله يعينا على الشركات النصب
انا مريحة راسي واستخدم مسبقة الدفع
اريح
شد حيلك ولاتسكت عن حقك
الله يوفقك اخوي

الله يعينك وانا اتوقع انك ماراح تاخذ منهم لاحق ولاباطل