احتاج مساعده نموذج خطاب تقديم شكوا ضد شركة الاتصالات .... تكفوون فزعتكم
السلام عليكم ورحمة الله وبركاته.
اخواني واحبتي وبيتي الثاني اعضاء منتدى مقاطعه, لطالما قدمنا لكم من مواضيع ومشاركات في هذا المنتدى الرااااائع. طلب هو: احتاج كتابة صيغه للتقديم شكوا ضد شركة الاتصالات السعوديه لا بارك الله فيها حسبي الله عليهم. وراح اذكر لكم مشكلتي حتى تسهل صيغة الخطاب. وهي كتالي: الحد الاتماني هو 500 ريال, وفي بداية كل شهر مع استلام الراتب دائما اشيك على الرصيد واسدد يعني مو لازم يفصل الخط. المهم قبل قرابة ثلاث شهور جيت اسدد وطلع المبلغ 700 ريال وكم خرده, قلت بعد اسبوع اسدد, جيت مره ثانيه ومقرر اسدد لكن تفاجئت ان المبلغ زاد إلى 19200 وعليها, اتصلت على الرقم المجاني (( مثل قلته )) وقدمت شكواي واعتراضي على مازاد عن الحد الاتماني, وقلت للموظف اللي مابيده حل ولا ربط مجرد واجه أولى لأمتصاص هجمات وسب وشتم العميل حتى يروق على حساب كرامة الموظف المسكين: مازاد عن الفاتوره الرسوم الشهريه ما اتحملها, قال انا قدمت اعتراضك و خلال 72 ساعه بيجيك الرد,,, مالكم بالطويله من ثلاث اشهر وانا كل شوي اراجعهم ويقولون راح يجيك الرد خلال 72 ساعه, انا ابي اعرف متى تخلص هالـ 72 ساعه. ((( اعتراااااضي على مازاد عن الحد الاتماني انا كا عميل مانيب مجبور اسدد والنظام في صفي ومن حقي اعترض عليه )))) وبكل بروده يقول لي الموظف خلاص راح نحولها لك اقساط. ((( حسبي الله عليكم من اكلين اموال الناس بغير حق ))). رحت لاخوي الاصغر وشكيت له مشكلتي معهم كان يقول لي : (( انا فاتورتي جتني اكثر من 6000 الاف ريال وحده الائتماني بـ 300 ريال, والمصيبه بنفس الاسم كلنا )). رحت لأخوي الكبير وشكيت له مشكلتي مع الشركه البايخه بقوووه, قالي: وانا بعد جتني الفاتوره اكثر من 9000 الالف ريال وحدي الائتماني 800 ريال, ويقول انا رحت قدمت شكوه لهيئة الاتصالات وتقنية المعلومات وقالوا راجعنا بعد 20 يوم ((( يعني يبون يكرهونك بالشكوا وتسدد وانت كاره ))), قلت له وبعدين,؟ قال: بالنص هذا (((( الام ما تضر ولدها )))) يعني وين تبي تشتكي وعلى مين.؟ قلت وش كان ردهم.؟ قال: يقابلك موظف ((( طبعا ذكر لي مواصفاته وهو يمكن معروف ))) يقول: حنا بينا بنود ومدري إيش ومن هالخرابيط. وراني اخوي الفاتوره: من زود السخافه والنهب اول مره اشوف الرسائل اكثر من المكالمات: تكلفة الرسائل حوالي 7200 ريال :lol:والمكالمات بـ 1700 وشوي :7q7: وحاطين لك تفاصيل المكالمات لانها قليله جداً, طبعا وملفقينا بالرسايل لان مافيها تفاصيل. أقسم بالله العظيم ما زليت عليكم ولا كذبت هذا ما صار معي ومع شركة الاتصالات الرقم المجاني ومع اخواني, حتى ولد عمي موظف في شركة الاتصالات قال مالك الا تشتكي عليهم وحتى شكواك ماراح تنفعك إذا رحت واشتكيت عند الهيئة ((( لكن يجب ان يتسلسل الشكوى حتى ديوان المظالم ما يقولك ليش ما رحت للهيئة لانها هي المرجع الاول )))). بإذن الله راح اجيب لكم صوره من فاتورة اخوي ابو 9000 الالف ريال. |
قمت المهزلة
أقوول شف لك أقرب كاميرا وأرسلها لحقوق الإنسان الدولية لأنه حتى المحلية ما بيدها شيء << أخاف بيقفون معاهم كعادة مسؤولينا وبيقولوا المواطن هو السبب :( :( :( :( كان الله بعونك |
هلا فيك اخوي كبّر السالفة ووصلها لهيئة الإتصالات السعودية لأن هيئة الاتصالات السعودية مشرفة على جميع شركات الهاتف والجوال ومزودات الإنترنت انسخ اللي بكتبه لك الحين ========== بسم الله الرحمن الرحيم معالي المهندس / محمد جميل بن احمد ملا.............سلمه الله وزير الإتصالات وتقنية المعلومات ورئيس مجلس إدارة هيئة الإتصالات وتقنية المعلومات السلام عليكم ورحمة الله وبركاته أتقدم بطلبي هذا والذي يتضمن فيه تظلّمي هذا عن ما لحق بي من ضررٍ نفسي ومادي بسبب "الحد الإئتماني" . حيث اشتركت في خدمة الجوال التابعة لشركة الإتصالات السعودية وتفاجئت بمعاناة واجهتني بمبلغ تخطى الحد الإئتماني فوق الـ(500ريال) حتى بالغ رقم المبلغ في الفاتورة إلى (19200ريال) . ثم تواصلت مع دعم الجوال [902] بإتصالي لهم عن المشكلة بخصوص مبلغ الفاتورة الذي وقع الى (19200ريال) وطلبت طرح دوافع الأسباب عن صدور الفاتورة بالمبلغ الذي ذكرته الذي يستحيل أن تصل قيمة المكالمات والخدمات برسومها أيضاً في 3 أشهر بحجم المبلغ المذكور . عندئذٍ قال لي المأمور انه رفع إعتراضي إلى قسم الإعتراضات لدى الشركة للإتصالات السعودية وسوف يتواصلون معي هاتفياً خلال 72 ساعة . وحتى تحرير هذا التظلم لم يرد علي ولو برسالة عن الأسباب والدوافع التي تجعلني أدفع هذا المبلغ العجيب . معالي المهندس . أتوجه لله ثم لمعاليكم بحق الإنصاف لي ، ومساعدتي في تظلّمي هذا . حيث انني توكلت على الله ثم على هذا الجوال بفضل سبحانه ثم بفضل الحد الإئتماني ، ثم تصدر شركة الإتصالات السعودية فاتورة تجبرني بسداد (19200ريال) ؟ . وأرفق لمعاليكم ( تقرير تفاصيل المكالمات لثلاثة أشهر ) حتى الآن ، كي يظهر لمعاليكم مرآة الحق الذي يعكس على الباطل المتوجه لي كـ عميل , ووفق الله معاليكم لما يحبه ويرضاه .. إنه أكرم مسؤول مقدمــــــة الطلــب / فلان بن فلان الفلاني ===================================جوال : 0505050505 س/م : 1012345678
وعسى ربي يفتح لك ابواب التوفيق والنصر حليفك بحيل الله ولا تنساني بدعواتك |
السلام عليكم :
كان الله في عوننا وعونك يا فاضل ؛ وبخصوص شكواك ؛ وددت إخبارك أن هيئة الاتصالات وتقنية المعلومات ؛ قد اعتمدت نموذجاً محدداً للشكاوى وإجراءات معينة ... وإتماماً للفائدة ساقتبس ما ورد في موقع الهيئة بخصوص الشكاوى : اقتباس:
ا - هـ وللاطلاع على النموذج والتفاصيل أنقر هنا من فضلك. |
كان الله في عونك اخي الكريم والكل اجمع ان شركة الاتصالات خانت الامانه ودنست على الخلق وهي للاسف برأسمال شبه حكومي المؤسف انني لم اسمع حتى نصف قول من احد علمائنا حول المجزرة التي ترتكبها الاتصالات منذ رمضان الماضي |
حياك بن وائل ماقصروا الاخوان معك
واستغرب البلد بوه 3 شركات .. منتم منحدين عليها. اتركوها ,,,, ام ان تفلس او تحترم حالها وتكف يدها عن جيوبكم |
الغريب ان الكثير من عملاء هذه الشركة تركوها بسبب سوء معاملتها ونهبها لعملائها بدون وجه حق
وما زالت تكابر وماضيه في غيها وتعسفها واعتقد انها ما استمرت بهذا الاسلوب الا لعلمها بانه لا يوجد جهة بمراقبتها ومتابعتها ووقفها عن تجاوزاتها واعادة حقوق الناس المسلوبه منهم ظلما وعدوانا. حسبنا الله على كل ظالم |
اخوي في غيرك كلوها
|
استغفر الله العظيم.... هناك خطأ مطبعي في مبلغ الفاتوره وهي ((( 19200 ))) المبلغ الصحيح هو (( 1920 )) ريال, طبعاً الان زاد مع الرسوم الشهريه.
اخوي ضابط المقاطعه, جعل ايامك كلها نور في نور وهدى تام قل امين انت ومن رد علي. الله يبيض وجهك دنيا وآخره انت ومن يقرى الموضوع. المشكله انك إذا رحت للفرع وقلت ابي تفاصيل الفاتوره يصرفونك على طووول بيقولك الموظف الجهاز موقف او عطلان او من التسليك القديم ((( هذا مثل ماصار مع اخوي الكبير ))), وعلى طاري رد الاخت جمرة غضا اخوي الكبير حول لموبايلي ويقوول: مرررره كويسين والفاتوره تجيك مره معقوله على مدة المكالمات وشفافيتهم واضحه ويخدمون العميل ويسمعون شكواه يعني ماراح توصل الشكوه برا الشركه. اخوي صقوور مشكوووووور ع الاقتراااح لكن بإذن الله ماراح توصل هالمواصيل, وإذا ولا بد ماهنا غنا عنها. اخوي سعوود. الله ينور دربك والسامعين, وانا اشوووووووووووف ليش إلى الآن مافصل جوالي نهائي اثره بناء على الشرط: اقتباس:
مشرفنا الغالي لا تدف. حسبنا الله ونعم الوكيل, والله تصرف شركة الاتصالات كانها تسبح وتمرح ومااااااااااخذه راحتها على الآخر ولا حسيب ولا رقيب. تصدق انا مشترك بخط ثابت برود بان العادي مقابل مبلغ شهري ثابت بـ 249 ريال شهري, الشهر هذا جتني الفاتوره بـ 249,2 هلله وانا اخووووك ما تركتهم على طووول اتصلت على الرقم المجاني حق الشكاوي ((( مثل قلته ))) واعترض عن الـ 2 هلله, وقلت للموظف: انا ماتهمني الهللتين لكن بالنسبه للشركتكم هذي تطلع من ورى المساكين ملايييين بسبب الهللات. اختي جمرة غضا. ادام الله لك الصحه والعافيه ومن يسمع, ابشرك ان الشركه راح تنهار بشهادة كل مشترك فيها والوعد قداااام. تصدقين عاد يوم شفت الاسم قلت هذي عضوه لطشت اسمك وسوت زحمه في المنتدى. اخوي تايني. ما نقول الا حسبنا الله ونعم الوكيل, تشوووف خدمة الرد الآلي كثرت زيادة عن اللزوم لدرجه انك تبي تستفسر عن شي ما تقدر توصل لممثل الخدمه تتكلم معه بسبب تسريحهم للموظفين, لانها عارفه انها بإنهياااار شديد. اخوي ((( صاحب الاسم الصعب شوي ))) والله من دلاختنا الزايده نشوووف ربعنا اكلوها وحنا ماغير مدربينها حتى وصل لنا الدور. الله واعلم ان كل الخنبقه هذي والفواتير الزايده بسبب الشهر المجاني اللي انا بالذات ما استفدت منه شي لا كلمت ولا سلمت كثير. عموما راح يكون بيني وبين المنتدى تواصل حول الاخبار اول بأول بإذن الله. واللف شكر على من ساهم بالوقوووف معي |
>>>>>>>>> طبعاً انا اعتراضي على مازاد على الحد الائتماني <<<<<<<<
|
| الساعة الآن 03:54 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by