مطالبة شركة الأتصالات السعودية بتسوية مبالغ الفواتير للثلاث سنوات الماضية
السلام عليكم ورحمة الله وبركاته,, بداية الموضوع اني اشتركت في باقة جود 4 اللي الفترض ان سرعة الإتصال 4 ميجا بت في الثانية لكن ما حصل,, المقسم الرئيسي أقصى دعم له هو 2 ميقا بت في الثانية ونتيجة لذلك آلاف المشكلات تحدث عندي واضطر في كل استخدام اتصل مرتين الى عدة مرات على 907 و 906 وكانوا يتعللون بخلل في التوصيل أو التسليك الداخلي, وطبعا طالبتهم بفني حتى يسوي التسليك حسب مواصفاتهم الفنية ومعاييرهم الاعتمادية والاساسية, ويتحججون انها ليست من اختصاصهم ( طبعا حالي حال الكثير من المغفلين اللي ما يدرون في بداية الأمر عن شي صدقته ) ومشى الموضوع إلى ان الله فرجها وفتحوا لي طلب فني وتم إعادة التسليك,, طبعا بعد سنتين! الفني وأغلب موظفين مركز الاتصال افادوا بالتالي,, ( المقسن الرئيسي لا يدعم سرعتك الحالية ويجب عليك تنزيل السرعة الى 2 ميجا ) وكان ردي ( غيروا المقسم الرئيسي وتنتهي المشاكل كلها ) يكون الجواب ( ما نقدر نغير المقسم لأن المسجل في النظام انه يدعم حتى سرعة 10 ميجا ) -- -- -- -- -- -- -- -- وطبعا بعد البحث والتقصي وفك غموض الإستهتار الحاصل,, * طالبت بفني فقط لأخذ لقياس دعم المقسم,, وطالبته في المكالمة انه يسجل ملاحظة الـ 2 ميجا * نزلت سرعة من جود 4 بسرعة 4 ميجا إلى جود 2 بسرعة 2 ميجا * فتحت بلاغ بتاريخ 7\3\1435 هـ مع طلب تسوية المبالغ كاملة ورغم اني حرصت على موظف ان يكتب في الطلب الرد يكون على رقم جوالي المسجل في النظام عندهم لكنهم اتصلوا على الثابت ورد عليهم الوالد وهم جحدوا الموضوع اللي هم STC جحدوا على ابوي اني رافع مطالبة بتسوية مبالغ السنين الثلاثة وحسب النظام الطلب اللي يمضي عليه اكثر من اسبوعين لي الأحقية اني اطالبه من جهة الهيئة السعودية للإتصالات ولمن حاولت ادخل موقعهم الإلكتروني خاصية البلاغات معطلة, ولمن اتصلت عليهم جاوبوني وقالوا عن طريق الموقع فقط خبرته ان الموقع مقفل فالي راح تتفعل الآن وحتى هذه اللحظة ملغية الخاصية طبعا أنا اللي ابيه الحين اني اقاضيهم في المحكمة أو ديوان المظالم او في اي جهة انتزع منهم حقي حق الوقت اللي ضيعوه مني حق المماطلة حق التصريف في السنوات الثلاث الماضية حق الفاتورة وتسوية المبالغ |
اقتباس:
والله يعينك بعد على مماطلة المحكمة وديوان المظالم |
اقتباس:
أنا مطول بالي معاهم,, عشان كذا ابي اخرشهم حتى يتسنعون,, أما مماطلة المحكمة وديوان المظالم,, تطمن هذه دواها موجود بإذن الله,, بس ابي الطريقة! كيف أبدأ اجرائات رفع قضية على STC وملحق في القضية الهيئة السعودية للإتصالات؟ وين نقطة البداية ووين المفتاح اللي ابدأ منه؟ حرام بالله أني لأخليهم يترجوني حتى وانا في قبري |
والله حالة..
لي شخصيا معاناة معهم بس لنقل خط تلفوني لعنواني الجديد.. كم شهر يماطلون في عشان الموقع مهو مجهز بعلبة ألياف بصرية وبعد ما جهزوه بدأوا يطالبوني بدفع المبالغ المتأخرة بسب عدم نقل الهاتف لإتمام النقل. أعترضت وقلت لهم أنتم من أبلغني بعدم إيقاف الرقم لحين الانتهاء من تجهيز الموقع وبعد التجيز يتم رفع طلب تسوية للمبالغ للفنرة الغير مستخدم الهاتف فيها .. والآن تطالبوني بالدفع وبعدين الاعتراض؟ و من متى بيدخل عندكم ريال ويرجع يطلع ثاني؟ المهم للآن المعاناة مستمرة .. هم يقولون أدفع وبعدين أعترض وأنا أقول حامض على بوزكم. |
| الساعة الآن 11:25 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by