أحتآج رأيكم يأأخوآن لاتبخلون علي بالمشوره
السلام عليكم ورحمـة الله وبركآته بصرآحه شجعني تعآونكم أغآمر وأكتب مُشكلتي بهالقســم وإن شآء الله أجد الحل ومآتقصرون علي بشوركم وتجآربكم ... : هذ سلمكم الله سيآرتنآ توآجه بعض الأعطآل .. وبصرآحه زودتهآ .. حآلياً مرميه بالورشه تعآني من ظفيره خربآنه طبعاً من كثر أعطآل هالمملوحه صرت مآشآء الله أعرف أجزآء السيآره ... : طبعاً أبو الشبآب أتشت معآه .. وقرر يشتري سيآره إيجآر منتهي بالتمليك ولأني متآبعه لهالمنتدى الرآئع من فتره وأمر احياناً على قسم السيآرآت لقيت أن هالنظآم وبآل بالإضآفه إلى الخِلاف بحكمه الشرعي فبصرآحه مآشجعته .. طبعاً السيآره اللي كآن نآوي يشتريهآ "كيآ" والتقسيط من غير فوآيد سعرهآ تقريباً حول الـ50 الف .. وصآحب الورشه نصحه بسيآرة "هوندآ إكسنت" مدري إذآ إسمهآ كذآ صح علي أو لا يقول عمليه وأعطآلهآ قليل .. انا قلت رأيي وهو أننآ نصلح هالسيآره ونشوف بعدين وزجي يقول لا إذآ احتآجت ظفيره كآمله والله تقعد مكآنهآ انا ماالومه لأنهآ حومت كبده بصرآحه وانا محتآره مآبي نقدم على خطوه ونندم .. وخصوصاً إني فهمت من خلال موآضيعكم ان اسعآر السيآرآت للآن غآلي بالإضآفه انهآ غير عمليه .. محتآره نوروني شآكره ومقدره لكم |
حياك اختي .. تمليك منتهي بالتدبيس لا ينصح به ,,بتطلع عليكم السيارة بسعر جد غالي...
لو اجبرتم على شراء سيارة عندك طريقة افضل هو "التورق من البنوك " يعني دوروا بنك ياخذ اقل فائده و اشتروا اسهم وبيعوها وبقيمتها اشتروا سيارة وقسطوا على البنك ... |
جزآك الله خير اختي جمرة غضى والله يكتب اللي فيه خيره
|
اريد تفاعل بارك الله فيكم :(
|
مدري انا طلبت المُستحيل يوم طلبت رأيكم :(
|
هذ المواضيع يمكن تفيد ، مقارنات وصور وناس مجربين وبالتوفيق
http://www.assayyarat.com/forums/thread197970.html http://estanha.com/vb/showthread.php?t=23523 |
السلام عليم ورحمة الله وبركاته
اذا كانت السيارة قديمه وخراباتها واجد انصحكم بالتخلص منها والكيا صحيح شكلها حلو في الموديلات الجديدة وسعرها مناسب بـ 50 الف لكني سمعت انها غير عملية وماتتحمل الكرف اما الاكسنت فهي مضمونه ونص الشعب مجربها وهي عمليه ورخيصه واسعارها جديدة في السوق من 32 الف الى 36 اتمنى اني افدتكم وهذي اول مشاركه لي في هذا المنتدى المبارك واسال الله التوفيق لي ولكم |
بغض النظر عن انكم بتبيعون السياره الاولى او بتشترون بأي طريقة كانت لكن لاتفكرون لا انتي ولازوجك في سيارات كيا .. صحيح انها تطورت وشكلها حلو لكن قطع غيارها نااااااااااااار .. ووكيلها مايرحم في اسعار القطع شوفوا لكم سياره من هونداي احسن سواء اكسنت ولاالنترا ولاسوناتا لو عندكم قدره عليها افضل سؤال جانبي : وش نوع سيارتكم الحاليه المرميه بالورشه ؟ ’ |
مع رأي العميدة
|
حسب علمي الظفيرة شغلتها شغله
والأمور الكهربائية في السيارات الحديثة معقدة, أسأل الله أن يعينكم السؤال هل السيارة التي تملكونها تستحق أن تحتفظوا بها , بمعنى هل فيها مشاكل آخرى, هل موديلها حديث نوعًا ما. ثم هل في حالة البحث عن سيارة بديلة عليكم بالبحث عن مواصفاتها وهل قطع غيارها متوفره وأسعار صيانتها وقطعها معقولة, مثل هذا القرار بحاجه للتفكير وعدم الإستعجال والله يوفقكم السيارة أصبحت ضرورة مهمه جدًا .. |
| الساعة الآن 06:08 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by