صور عفن مطعم كودو
4 مرفق
بسم الله الرحمن الرحيم السلام عليكم ورحمة الله وبركاته صباحكم / مسسائكم راحة بال .. قصتي متكرره مع البعض أجزم ان البعض مرّ بها المهم ندخل في الموضوع يوم الثلاثاء بتاريخ :3-4-1432هـ: طلعت من الكولج وانا جوعانه واصله معي من قوه الجوع يعني بهاللحظه صرت أسد الي جاي يمرن من الكليه أخو العزيز أبو وليد..طبعا انا بكليه العلوم والآداب بالاسكان في بريده.. وانا راجعه مريت من عند مطعم كودو الي جنب العثيم مول.. قلت لأبو وليد تكفى ترا تكفى تهز الرجاجيل~~~لو لا ظروف الجوع ماقلت تكفى.. المهم وقفنا عند كودو ..وطلبت كلوب الي أنا أعشقه عشق بس موب عاده أطلبه الظهر أول مره أطلبه الظهر وجلسنا ننتظر وطول أبو الشباب ماجاب لنا الطلب مايدري ان عصافير بطني تصيح من الجوع المهم بعد دقائق وصل الطلب وحركنا رجعنا للبيت .. وصليت البيت وصليت الظهر وجلست أبي أتغدى <تاركتن غداء البيت :zx: يوم طلعت الطلب من الكيس وبدت حركات التميلح والتصوير اقاله ابداع.. وهذي من زوم آخر ..^^^^ المهم يوم خلصت من التصوير قلت يالله يالوفيه سمي بالله وأبدي بالغداء الا وتجين ذيك الصدمه الي مدري شلون قسسسسم للحين مدري شلون شوفوا معي الصوره ملف مرفق 4887 .. شوفوا كيف التوست معفن يعني كم له من يوم مسوينه احلف وابصم انه له أكثر من أسبوع عندهم مايخافون من الله بيموتون الناس حسبي الله عليهم وماغير نهب من الفلوس ليته على سنع ونظافه كان حلال عليكم حسبي الله عليكم من بنقاليه وفلبينيين وسخين وأردى منكم المسؤوولين عن المطعم لا رقابه ولا شي للحين أتخيل لو انا أكلته كان الحين أنا على السرير الأبيض لا ويوم رجعنا الطلب لهم قاموا يحشموننا عشان الفضيحه صدق شين وقوه عين انشروا الموضوع بالمنتديات والايملات خلوا الناس تبعد عن المطعم هالوسخ المقرف تمنياتي لكم بسلامه دائمه .. كنتم مع بطلة القصه ..الوفية (سوسي) :D.. منقول |
و من كم يوم كودو رفع اسعاره ؟
|
رفع أسعارة لانة اكلة معفن
أبعدو عن المطاعم وشوفو الصحة كيف تصير |
اخر مرة جيت كودو لما كانت الوجبة بـ14 ريال!!
|
كل يوم طالع لنا واحد ينشر قذاره هالمطاعم ونعلق ونقول ونقول ومافيه فايده بس انا استغرب هالناس لحد الحين ماتعودت علي هالاكل المعفن من المفروض ان الناس خلاص جسمها تعود علي السموم والبركه بلرقابه والمفروض نشكرها لان الرقابه تشوف شغلها بالمشمش واضربو روسكم بالجدار تشتكون علي مين بالعاميه (طزززززززززززززز) طيب الحل لازم من الاكل من المطاعم اذا الحل الجسم يتعود علي السموم والقذاره تبون اهلا وسهلا ونطموا ماتبون ماحد غصبكم ترحون للمطعم وتاكل برا اذا صرنا مثل اللي حولنا بالرقابه تعالوا تشكون اما علي هالحاله انطموا
|
الله لا يحدنا لهالمطاعم ويخلي لنا من تسنع لنا الأكل الطيب في البيت
والله يا أكثر المطاعم عندنا إن لم تكن جميعها نظافتها الله أعلم بها |
لظروف العمل أضطريت للأكل من المطاعم السريعة 3 أعوام 2004 - 2006م
حالتي الصحية تدهورت بشكل غريب وبدون سبب يشخصة الأطباء حتى النفسية والأحساس بالحياة أصبح غريب :blink: بعدين زالت الظروف وتم تجهيز مطعم خاص بالشركة تحت أشراف الهيئة الملكية والحمدللة أستعدت صحتي وحياتي بشكل كبير والمطاعم السريعة أصبحت أكل منها فقط 4 أو 5 مرات بالسنة وتحت الظروف القاهرة .. ولاننسى توفير المال كذلك طبعاً توفير الصحة وهي الأهم ويازين أكل البيت ولمة العايلة على الطاولة :clap_1: تحياتي |
لا لا هذ واضح عليها من الصور الإفتراء و إفتعال مشكله
تبيت عندك الوجبه كم يوم عشان تعفن وتجي تقول شوفو وجبات كودو كيف عفنت يا أخي حرام عليك الله ما يرضى بالظلم |
مافيه مشكلة هذي بكتيريا غير مضره يعني لو أكلتيها ماراح يجيك شيء
المشكلة في عجز الحريم وهن سبب ذهابنا للمطاعم بعدين أحد يطلب كلوب ساندوتش الظهر ( حامت تسبدي ) علشان كذا عطوكي اللي مخزن من أمس ودايم اللي يروح مطعم لايطلب إلا من اللي يشوفه شغال قدامه لا تاخذ المنيو وتفكر وتطلب شيء غير جاهز ولا حسبو حساب إن احد بيطلبه خلك مع الناس |
عاد في احد السنوات اخذ انظف مطعم بالرياض
|
| الساعة الآن 07:23 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by