أقتراح تحويل المطاعم الى مستثمرين أجانب!
 

السلام عليكم ورحمة الله وبركاته
بعد اقتراحي السابق https://www.mqataa.co/vb/showthread.php?t=36315
والذي دعمه موقع مقاطعة وطبق ولو بشكل آخر
تشجعت أني أطرح اقتراحي الثاني وهو تحويل قطاع المطاعم الى مستثمرين :)
قبل كم يوم وأنا افكر في موضوع رسوم 2400ريال حقت العمالة (مع اني مؤيد ومعارض في نفس الوقت)
يعني لو كان في آليه وتنظيم في هذا القرار كان تمام اما ترمي لي قرار وتقول للتجار روح أشتكي ديوان المظالم وتخلينا ناكلها مع التجار هذي مشكلة .. الحديث يطول مع هذا القرار )
المهم مالكم بالطويلة اقتراحي ياطويلين العمر
تحويل قطاع المطاعم والبوفيات الى مستثمرين :thumbsup:
مثل ماتعرفون أن أكثر مايخلص رواتبنا بعد الاجار هو الأكل وفي هالوقت صار الواحد يأكل وجبتين في المطعم ووجبه مع الأهل هذا الجيد فينا :p
والمشكلة ذالمطاعم الي تطلع ملايين من جيوبنا وين تروح الفلوس ؟؟؟؟؟؟؟؟
ياتكون للأجنبي نفسه والسعودي الي بأسمه المطعم ياخلف الله ياخذ له كم ألف
أو يكون حرامي وماكلهم أكل

طيب ليش مايتنظم القطاع وتأخذ الدولة رسوم من المطاعم (معاملة المستثمر الأجنبي)
والعامل يكون مبسوط شغال نظامي ومااحد يذله وكمان هو يدفع الرسوم المتفق عليها مع الدولة
وهذا راح يطلع دخل هائل للدولة في توقعي أقل شي بيغطي تكاليف حافز وزيادة

طبعاً هذا القرار مايشمل المطاعم الي شغالين فيها سعوديين*

عندي مزيد من التوضيح .. لكن ماودي أطول الموضوع عليكم
أتوقع الاقتراح وضح ولا ؟

وش رايكم ؟؟
:D

أتوقع أكثر المستثمرين الأجانب في بلادنا هم من فئة أصحاب المطاعم والأنشطة الصغيرة.

ما شفت حلقة داود الشريان عن الاستثمار الأجنبي؟

يوم طار في رئيس لجنة الاستثمار الاجنبي في غرفة جده وقاله نبغى استثمار ببناء مصانع ومشاريع مهو بمحلات فول وخياطة عُبي.

أسمع وأضحك .. أسمع من الدقيقة 20:20:

http://www.youtube.com/watch?v=SLwSSsEsChE


لكن قبل ما نحكم على الاقتراح ككل ياريت تحط تفاصيل أكثر حتى تتضح الصورة أكثر.

بالفعل المطاعم الكبيرة هي إستثمار أجنبي ... و خير مثال عليها " الرومانسية " و محلات أبو ريالين !!!

لدينا مشكلة عويصة تبدأ بمسؤولينا و هو عدم فهم المسمى أو " التحايل " بعدم فهم المقصود .
و عند قراءة رؤية الهيئة العامة للإستثمار :
جذب استثمارات كافية لتحقيق نمو اقتصادي سريع ومستمر باستثمار عناصر القوة التي تتميز بها المملكة العربية السعودية باعتبارها المصدر الأهم للطاقة في العالم وحلقة وصل رئيسة بين الشرق والغرب

فالهدف بإختصار :
جذب أموال من الخارج تدار بموارد المملكة ( بشرية - طبيعية ) لتعزيز إقتصاد المملكة
فهل تحقق ذلك ... أترك لك الإجابة!!!

والله مصيبه نعيشها في بلدنا لدينا المال ولدينا الخام ولدينا المستهلك ولانستطيع حسن التصرف دام
فيها طخت النهاري تنهش نهش في خيرات البلد مع تضييع الفرص للمواطن دون تطوير
تحياتي للجميع,,,