شوكلاته باونتي ب1.95 بجيان لا يفوتكم
 

ذهبت البارحة الى جيان طريق خريص وشريت بعض المقاضي المنزلية ومن ضمنهن باونتي من الي بجنب الكاشير المهم شفت السعر بريال وخمس وتسعون ريال على الاستاند يوم حطيت المقاضي وحاسبت عليهن وكان اخر شي الباونتي يوم مرره بالجهاز شفت سعره 2.50 بريالان ونصف هل هذا يعقل الاستخفاف بالناس الى هذا الحد ويوم سألت الكاشير عن السعر قال قبل شوي انا حاسبه لشخص قبلك بسعر 1.95 قلتله كيف كذا قالي ان الادارة فوق يغيرون الاسعار من عندهم . انا ما فهمت كيف الطريقة بس احرصوا يا ناس من الاسواق والمراكز الكبيرة علماً طلعت الفاتورة علي بسعر 359 ريال بالعربية والمقاضي مو شي يعني شلتها كلها بسهوله واكثرها خضروات بس سلمت من الباونتي وشكلي لعبو علي بأشياء من الي شريتها .

جيان انا امس فيه وشريت عسل كان سعره 24 ريال وبعد كم غرض بس رجعت للبيت لقيته حاسبه في اربعينات
واشياء ثانيه برضوا فيها اغلاط بالحساب والفرق مو ريال او ريالين زايدين من العشرة وفوق
لكن هالمره رجعت واخذت فلوسي وعطيتهم درس مجانا هم والاداره
حجتهم غلطه من الجهاز واخذوا الفاتوره يقلون ندرسون الوضع( معامله)

انت تعتبر من المليون الي يلعبون عليهم بس ما نقول الى حسبي الله على النصابين

لاحول ولا قوه الا بالله
حسبي الله عليهم

السلام عليكم
ليه السكوت ارسل لهم على الايميل حقهم رسالة
انا مرة كتبت موضوع في المنتدى عن تلاعب كارفور وارسلت للادارة حقتهم راابط الموضوع واظنها في اوربا والشرق الاوسط
السكوت عنهم مصيبة في حد ذاتها

كل محلات الهايبر والكبيره تلعب اللعبة هذي فالافضل لكك ان ننابع معه الاسعرا على الشاشه ولا تدقق في الفاتورة قبل لا تطلع ( وانت في السياره مثلاً ) وان شفت فرق ارجع واكسره فوق روسهم

بس مشكلتنا نسكت

كل المحلات الكبيره نصابين فاحذروهم
(خبرة كبيره معهم ومتابعه لصيقه )
والحل
1- ورقه بالاغراض التي ترغب شراءها تحديدا .
2- قلم لكتابت السعر الذي تراه امام الغرض الذي في ورقتك .
3-تابع تاريخ الصلاحيه جيدا والتي في المقدمه تاريخ انتهاء اقرب .
3- يوجد اكثر من نوع باسعار متفاوته مثل الارز الكافي الطحين الزيوت الخ وذات جوده عاليه .
4- عند الكاشير رتب اغراضك حسب تسلسل ورقتك وراقب الاسعار واي اختلاف في الاسعار اطلب من الكاشير يحطه على جنب ولا يدخله في الحسبه .
5- عند الانتهاء اطلب المسؤل عن الفتره واصر على احضاره قبل الشراء لان فيه تلاعب بالاسعار وحاول يكون صوتك مسموعا لان لدى الكاشير اوامر بان الزبون اولا لكي لاياخذك بالهوشه ولكي يسمع الباقي من الزبائن .
6-عند حضور المسؤل بلغه بالتلاعب وبلغه بانك عضو في المقاطعه وسوف تنشر هذه الملاحظات بالانترنت- ياهم يخافون من الانترنت -.وسوف يعطونك اياه بسعر العرض .وهذا هو المفروض .
ملاحظه
نفس الملاحظات صارت معي في الكارفور وجيان ونفس التصرف صار بيني وبينهم .
الناس تحترم قوة المنطق ويهمهم سمعتهم .

دائما جيان هذي حركاتهم القذرة ( جيان احد مجموعات فواز الحكير)