لاتشتري اللحم من السوبر ماركت والله تندم
في يوم من الايام كنت في سوبر ماركت ولفت نضري سعر اللحم ورحت يمه وسالت العمل وقلتله هذا السعر جديد ولا يمكن كان عليه عرض قال ايوه هذا سعر اليوم
السعر كان 18ريال للكيلو طبعا اللحم حق بقر وحق غنم وسعرها واحد قلتله متى ذبحتوا قال الصبح قلت يعني طازه رد علي وهو معصب يقول يبغى يشتري ولا روح طبعا يحسب انه رفع صوته ابي اخاف طبعا شخطت في وجهه بكم كلمه واعترف بكل شي (طبعا انا معروف بالعناد والعباطه) طلع اللحم مثلج وبطريقه معينه يبردونه وبعدين يعلقونه قدام الزبون ويغطونه بقماش ابيض يعنني طازه طبعا مو هذا اللي قاهرني اللي قاهرني ان اللحم ماينوكل وريحته الله لايسامحهم صاكه في كل مكان ورحت وطلعت لسوبر ماركت ثاني والله كلها كلها كلها يجيبون لحم خارجي ولا وله وجه يبيع لحم مفروم ويقول طازه ياناس ترا سعر اللحم في السعوديه لايقل سعره عن 35 ريال وانتبهوا وفتحوا لاتحط فلوسك الا في اللي ينفعك حتى لو غلى سعره |
أخي مواطن حتى اللحم بالسعر 35 مستورد وعلى فكره كان أقل من كذا بكثيير أقل من الـ 30
الله يا الزمن , صار السعودي ما عاد يلقى اللي يشتري لثلاجة بيته, صرنا نأخذ بالكيلو . رحت لسوبر ماركت كان عنده الكيلو بـ 30 ريال قبل رمضان , وفي رمضان رفعوا السعر إلى 35 وأسأله كان سعره 30 ليه الزيادة , قال وبكل برووووود كاااااااااان , لآنه عارف ما عندك أحد لا حمايه للمستهلك ولا شيء, وقلت خله عندك , إستغلاااااااااااااااااااااااااال , والمشكلة الناس عنده زحممممة , وهذا اللي عطاهم الجرأة في الزيادة , لأن بعضهم حتى السؤال ما يسأل لو كل واحد سأل ولم يشتري من عندهم صدقوني ليرجع لسعره ولك تحياتي . |
حياك اخوي
اقتباس:
او يبعون اللحوم الفاسده ... اللحوم اشتروها من محلات جزارة موثوقه ,, او اللي تكون تابعه لشركات مثل الوطنية ولبون وغيرها واحرصوا من بعض الهايبرات فبها الغش وبها تصرف الفاسد وبها التلاعب وهذي امثله اضغط ع الصورة https://www.mqataa.co/vb/uploaded/7180_11272995418.jpg https://www.mqataa.co/vb/uploaded/7180_11272519719.jpg https://www.mqataa.co/vb/uploaded/715_01269438437.jpg https://www.mqataa.co/vb/uploaded/715_01269439746.jpg وهنا اضغط وش مطغيهم يقولكم انحاشوا من لحوم كارفور ........ صور (https://www.mqataa.co/vb/images/style.../multipage.gif 123) |
حتى المطاعم ومحلات المشويات يعلق ذبيح زينة في وجهة المحل واللحم الي يشوية ما تعرف مصدرة !!
|
يسونها وربي ورب البيت داخل هايبر بنده ابي اشتري اغراض مالي نيه بللحم بس غرضي كان قريب من قسم اللحوم وقسم بالله بعيوني شايف فار موب طبيعي يالله يمشي من التخمه ومتربع على كبدة استرالي مجمد الطازج على قولتهم واكلم المسؤول المصري عندهم اقوله الفار يجيب الطاعون شلون تبيعونه على الناس وهو بهالشكل وين النظافه والخوف من الله عاد خذ من الفلسفه والتبريرات احنا نخاف من الله بس الفار مايعرفش ربنا عاوز تشتري اشتري مش عاوز مع السلامه لعنبو قوة العين وبعد موب عاجبه وكأنه يوزع بلاش شي جناااااااااااان ياجماعة الخير لايغركم شكل اللحم وربي موب عارفين منو اللي ذبح ومن اي مصيبه جايبينه والحيوان يجوز اكله والا مثل الجماعه اللي حولنا ياكلون اي شي واليوم الثاني يقولون حمير
|
الله يستر بستره ويحمي المسلمين من كل مكرونه
(( ما يلفظ من قول إلا لديه رقيب عتيد )) |
؟؟؟؟؟؟؟؟؟؟؟؟؟؟؟؟؟؟؟؟؟؟
|
اللحم خبري به برمضان اخر علاقتنا فيه برمضان وانقطعت
بس مو لحم من هالمراكز لا شي معروف ومضمون ونصيحه لحم مفروم او غيره لاتاخذون منهم لانه ماتتدرون من وين مصدره غير كذا الاساليب الملتويه زي صبغها بلون يوضح انها دوبها مذبوحه وغيرها من هالاساليب المكشوفه الف شكر اخوي |
| الساعة الآن 10:23 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by