اي هذه الثلاث شركات افضل ( الاتصالات السعودية- موبايلي - زين)
دعوة للنقاش حتى نستفيد ونفيد غيرنا
اي هذه الثلاث شركات تنصح بها لانه اكيد في ناس جربوا شركه منها وما جربو الاخرى فنبغى جميع الناس يكونوا متنورين ونحسن الاختيار في الايام الجايه |
حياك اخي الكريم
سؤالك وان كان الصحيح ان تقول اي هذه الثلاث شركات الأقل سوءً من غيرها (الانفصالات - موبايلي - زين) ان اشوف الأتصالات هي الأقل سوء من البقية بصفة عامة بالرغم من أن موبايلي وزين في الشبكة افضل في منطقتي من الإتصالات وتعامل موظفيها مع العميل. (ويكفيني في شركة الإتصالات المعاملة الجافة -سابقًا- من قبل موظيفها وكأن الواحد منهم يتكرم عليك بالخدمة) |
موبايلي أفضل السيئين
من يوم ماشتركت في موبايلي ودعت الفواتير الغالية مع الانفصالات كانت فاتورتي 800 وفوق وفي موبايلي 200 وانا نفس اتصالاتي والان الحمدلله ماتتجاوز ال130 ريال |
بالنسبه لي اشوف عروض زين الاخيره حلوه مررره للبطاقات المدفوعه .
طبعا العرض للشرائج الجديده المدفوعه والعرض عباره عن تشحن يوم الخميس مثلا بـ 10 ريال وتخلصها الجمعه صباح السبت يشحنون لك بـ 20 ريال واحيانا توصل عندي لـ 25 وهذا المبلغ تصرفه خلال خلال الاسبوع يعني قبل الخميس حتى لايروح منك واذا شحنت بـ 50 تحصل 100 وهكذا والعرض مدى الحياه ... |
انا من ناااحيت افضل زين عرض نهااااية الاسبوع بس دققو وراءهم
|
شكرا للمرور
انا عني كان عندي الاتصالات السعوديه وكنت اعاني معاناه رهيبة مع الفواتير سواء وفرت في الاتصالات او ما وفرت في الاتصال ولما بدات شركة زين في العمل وبدات بعرضها الاول شهر عليك وشهر علينا قمت وغيرت جوالي وجوالات اهلي الى زين ولله الحمد صرت ما افكر في صرفيات الهاتف ابد ابد واخر شيئ يطريني حاليا هو كم صرف بنسبة لزين هناك عرض حاليا وهو جوال + شريحه + شحن 70 ريال + عرض نهاية الاسبوع والكل بمبلغ 150 ريال كلي يا انفصالات ذلحين تقدرين تقلدين هذا العرض ولا ما انتو فالحين الا في سرقتنا.. |
العلم ياخوي مافيه الى سلامتك .... ولا يهونون الربع
أنا مجرب الشرايح كلها وكلهم نصااااااااااااااااااابين أكيد أنت جالس تحك في راسك من ذا الكلام طيب تبيني أبصطهالك (( قلبت مصري خخخخخخ )) ياخوي هل تعلم أن الاتصالات السعوديه تزود في الفووواتير وألي يشتكي يعتذروله ويقولون خطا في الكمبيوتر (( الله يلعنه كمبيوتر من 20 سنه ويقولون الكمبيوتر يعلق ؟؟؟؟)):think::think: أما بالنسبه ألي مايشتكي فتمشي عليه سلام سلام هل تعلم اني أنا شخصانيا قبل فتره جتني فاتوره ب 957 والشعر الي بعده 957والي بعده 957 ؟؟؟؟ قلت غريبه ماشاء الله مثبت الدعسه خخخخخخخخخخخخخخخخخخخ:clap_1: يوم رحت للشركه تضاربت معاهم وبعد ماسحبت برنت وحسبنا وجمعنا وضربنا طلعت الفاتوره الاولى 957والثانيه 598والثالثه 805 ؟؟؟؟؟ بعد ماكعفشتهم قالو لازم نقدمك أعتذاااااار ؟؟؟؟؟:lol::lol: هل تعلم وتذكر أن الاتصالات يوم طلعت عرض بعد 5 دقايق ببلاش فيوم شفته والله أن بينصبوون على العالم بدليل ان كان فيه واحد من الشباب جالس يكلم أمه في الديره ((والله أمه مو وحده ثانيه خخخخخخخخ:D:D )) ومستانس اخونا في الله يوم تعدت الخمس دقايق فصل الخط عاااااااااااااااد الاتصال وفصل معاه تقريبا بعد 8 دقايق واما عن الثالثه صاااااااااااار يطلعه خطاء في الاتصااااااال (( والله انه نشبه وما يفهم )):lol::lol::D:D هل تعلم أن موبايلي أحسن من الاتصالات من ناحيه الفواتير أما التغطيه فالاتصالات أحسن مع الاسف ؟؟؟:blink::blink: هل تعلم أن عروض ألي في التلفزيون وفي الشواره وعلى مخابز التميس :Dأنها نصب في نصب بس يبونك تشترك هل تعلم ان أخوي مشترك في أحد خدمات موبايلي وبعد شهر يجددون الاشترك وياخذون الرسوم على كيفهم من دون علمك :crying: هل تعلم أن زين عروضها قويه بس مو لدرجه انها تكسر الحصا هل تعلم ان شريحه زين ماتشتغل في الديره:confused::confused: هل تعلم اني باقي مديون من الاتصالات السعوديه من أيام ماكانت الشريحه ب 10000 ريال أن كان لحقت عليها :blush::blush: هل تعلم أن كل شركات الاتصال في السعوديه فقاشين :rolleyes: هل تعلم انك ذكرتني بطابور الصباح (( هل تعلم )) يوم كنا في الابتدائيه يوم يطلع الولد في الاذاعه ويقعد الولد يصارخ ونص الطابور نايم ولابس ذيك الطاقيه كنا قدر ضغط وثوبه مصفر وكله مرق ومولوخيه وزين أن مافيه بطاطس يابس من ليله البارح :lol::lol::lol::lol: هل تعلم أن دجاج دو أم 1400 لحمها كثير وعضمها قليل:lol::lol::lol::lol: (( واحد متأثر من الاف أم )) هل تعلم أني بأنكب عفوشكم معي وبتقولون ليتنا ماعرفنا الكمبيوتر:D:D هل تعلمون اني طولت عليكم وشكرااااا:060::060::060: v v v v v v |
انصحك اخوي وانصح الجميع بالاشتراك في موبايلي وبلا تردد
وهذا من خلال تجربة أكثر من ثلاث سنوات مع موبايلي وبالتوفيق للجميع |
ههههههههههههههه
عيال الحارة والله قريت مشاركتك وتقطع بطني من الضحك الله يهديك!!! اخي alsareh شكرا على المرور والنصيحة |
ياخوي alsareh
شكلك شغال في موبايلي :thumbsup::thumbsup::lol: |
| الساعة الآن 11:37 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by