بدأت اللعبة بسابك دون علم مسبق للمواطنين.. وبحركة غير مسبوقه
الحقيقة شئ يقطع القلب عندما ترى رجل عليه اثار التعب والهم ويركض يمين وشمال يجمع قوت ابنائه بطريقه حلال ويخدم بها ابناء بلده ووطنه ويجهز لنا جيل صالح بأذن الله يخرج لنا من الصحراء.. نعم من الصحراء التي انجبت الابطال و العلماء وكثير وكثير ولكنه يتفاجئ بأرتفاع كل شئ في وجهه نعم يكافحون لسد حاجتهم وحاجه ابنائهم... وبعد اخواني ان في ارتفاع الاسعار لدينا له اثآر سلبيه على الجميع لكن مايتأثر بالمره الا اخواننا الذين يقومون بتربية الماشيه في الباديه ولايملكون مزارع بالكيلوات نعم يوم الاثنين الشعير يباع بــــــــ13 واليوم تحب خشم البنقالي(المتلاع والمستغل والمتروك له الحبل على الغارب )يالله يعطيك كيس بــــ20 لا وبعد يقول بكره سوف يكون البيع 21 وبعده 22 وبعد25 ليش ياصديق مافيه كلام ليش يبي ولاروووخ.. واخواننا الذين نرى فيها الشفقه والهم من مستقبل اغنامهم ينظرون بحزن كيف العمل الآلآن............ بس لعبت سابك بسوق الحديد ارتفع شئ لاتصدقونه لاحظووو... الحديد موردين يحتفظون بكميات كبيره ويقولون ادفع زياده مئتان ريال غير الزيادة والتسعيره نؤمنك بالمطلوب الآن ماانت دافع شئ انتظر يومين ثلاثه اكثر الله اعلم شوف كيف الحركه... حركه خبيثه على ابن البلد... الارز ذكر لي احد زملائي بأنه اشترى الرز من السوبر ماركت وجد زياده ثلاثة ريال ليش ياصديق ( خلاص صديق هو المدير وهو الكل بالكل ) قال هذا حديد وشعير زيادة انت مافيه معلوم خلاص كل شئ زياده سيم سيم... مالعمل الآن اذا كان الوضع في الخارج يختلف عنا نرى كساد ونزوول حاد في الاسعار لديهم من سيارات وحديد واطعمه وعقارات وكثيرا مانرى ونحن ماتغير شئ..!!!! نتمنى ان تتحرك وزارة التجارة والبلديات وحماية المستهلك ونرى فعلا مراقبه صارمه ومتابعه جاده ومحاسبة المتلاعبين وكشف خططهم التي تضر بكاهل المواطنين وخاصه اصحاب الدخل المحدود المساكين الذين يبحثون عن العفه ولقمة العيش الحلال لسد احتياجاتهم.. اخواني والله ماجعلني اكتب هذا الموضوع الا شئ رأيته بعيني شئ يجبرني على ان اذكر وانبه شئ اخر يقهر ويدمر البلد عماله خبيثة تتلاعب بالاسعار دون خوف من الله او من الانظمه التي تصدر بحق كل مخالف لها مع انني اعلم والكل يعلم ان حكومتنا لم تقصر والله فقد ساعدت اخواننا المحتاجين وفقها الله من اعطائهم الضمان الاجتماعي وبراتب شهري كذلك بنك التسليف وكثير والله ولاينكرها الاجاحد جاحد جاحد لكننا وندعواالله ليلا ونهارا بأن يحفظهم لنا وان يمد في اعمارهم ويصلح لهم البطانه التي تدلهم على الحق وان يحفظ هذه البلاد الطاهره من كل مكروه.......... املنا في الله كبير بأن يعاد النظر في ارتفاع الاسعار وان يحاسب كل مخالف هذا هو مطلبنا... تقبلوا تقديري |
يعطيك العافية اخوي على الموضوع الرائع ولكن لدي تعقيب على اخر كلامك هو ان الحكومة ماقصرت
مع اخواننا المحتاجين طيب تقول الضمان الاجتماعي حلو انا متفق معك بس لاحظ اشوي معي في هذه النقطة احسب معي ام + 5 بنات اصغر بنت فيهم 24 سنة يتامى غير متزوجين الام تقاعدت قبل اربع شهور البيت ايجار عارف كم ياخذون من الضمان الاجتماعي 2400 ريال يعني الشخص 400 ريال نرجع لموضوع بنك التسليف تعال على يدك دبرني لوعرفت ابي سلفة الذي اريد ان اوصلة لك ان بنك التسليف مايقرض اي واحد هناك شروط منها الزواج ومنها ترميم البيت نرجع لبداية موضوعك انا من وجهة نضري ان الحكومة مقصرة كثيرا ( راح تقولي كلامك خطير ) لابالعكس اسالك بالله وزارة التجارة + هيئة المستهلك + على هيئة المواصفات + على مصلحة الجمارك ماهم حكومة او تحت سلطة الحكومة وين الحكومة عنهم وانت عارف سبب مانعانية من زيادة الاسعار وبضائع مقلدة ومغشوشة وتلاعب في السوق هم الوزارات التي ذكرتها الحكومة مقصرة انها ماتحاسب اداراتها خلنا نكون واقعين اشوي ونتكلم بصراحة الحين على سبيل المثال عسكري مقصر او غير منتضم من المسؤل عنه اليس رئيسة واذا الرئيس مقصر اليس رئيس وزارته واذارئيس الوزارة مقصر اليس الي اعلا ثم اعلا هو المسؤل يعلم الله تعالى كيف احب وطني واعشقة ووطننا له افضال علينا وشيء يحز في نفسي عندما ارى هذا الفساد الاداري والتخاذل عن تئدية العمل لو كل وزارة شافت شغلها على اكمل وجه ماشفنا الي حنا فيه من بضائع مغشوشة ومقلدة من زيادة الاسعار بدون رقيب وحسيب من تزوير في الاقامات وغيرة وغيرة اخرتها يوم الاربعاء قالوا لي في واحد يعمل في جوازات الرياض يقدر يجدد لك اقامة عمالك بدون متأمن قلت حلو ودوني له يوم وصلت له قال ماعندي الكلام هذا وش الخرابيط الي تقولها انصدمت هذا الكلام كان عصر يوم الاربعاء طلعت ورحت عند واحد من الاخوة المصريين في نفس الحي الي فيه هذا الشخص وحكيت له الموضوع قال وش اسمه قلت فلان بن فلان قعد يضحك قال هات اقامات عمالك قلت عندي اثنتين يبون تجديد قال جبهم وجب عمولته قلت طيب وقال تعال معي بس لاتنزل من السيارة ولايشوفك ومع الاسف نفس الشخص الي رحت له هو الي راحله سلم عليه وقعد معه ويوم السبت الي هو امس جابهم لي مجددات عرفت التسيب عرفت انه لايوجد رقيب عرفت ان حكومتنا مقصرة من ناحية الرقابة على وزاراتها اسف جدا بأن لايعجبك اخي الكريم كلامي ولكن هذا واقع حاصل في مجتمعنا |
آآآآآآآآه يا بلد
يا الملك على جلالة قدره الله يطول عمره على الخير يتدخل ولا التجاره وغيرها ما تنصف المواطن |
كل الإدارات غرقانه بالرشاوي نسأل الله العفو والعافيه
المشكله ماله حل الا ان المواطن نفسه اذا شاف مثل الظاهره هذي يروح ويبلغ عنها انت ياخلودي ليش ما بلغت عن المرتشي هذا؟ انت شاركت بالمشكله وفاقمتها ما حليت المشكله مع احترامي لك |
اخوي حائط الزمن
ابلغ على مين ولا مين اذا الواحد شاف شيء غلط وبلغ الوزارة المختصة بالحدث مرة ومرتين ولا وجد منهم جدوى تتوقع ان راح كل ماشاف شيء راح يبلغ اخوي طلعت روحي وانا كنت اراسل وزارة التجارة بخصوص البضائع المقلدة ولا احد رد دعيت عليهم ولاردو قلت لهم راح تدخل بضاعة من المنفذ الفلاني مقلدة ولا احد عبرني والبضاعة دخلت السوق سألت الوزير اسألة ولارد علي ابديت استعدادي ان يرسلوا معي مندوبين من وزارتهم ووديهم وادلهم على اماكن البضائع المقلدة ولا احد عبر انت تتوقع ان موضوع الجوازات في تجديد الاقامات شخص واحد لا والله الا كثير من موظفين الجوازات يجددون والمؤسسات موقفة ارجع واقول انا على استعداد اذا كنت زعلان اثبتلك عطني مندوب من وزارة التجارة وعطني مندوب من الجوازات واروح شخصيا معهم وافرجهم على والواقع انا تحت امر الوطن يالله اخوي انت زعلان مني علشان مابلغت انت زعلان على موضوع بسيط فمابالك فيما هو اعظم طيب عطني عنوان ارسل له كل مااعرفه اتأكد من انه راح يسون شيء اخوي مابعد اني قلت لوزارة التجارة في بضاعة راح تدخل من المنفذ الفلاني مقلدة ولا احد عبر الله يرحم الحال عطني ايميل لجهة تهتم الى هذه الامور عطني ايميل لشخص واصل له كلمة |
اقتباس:
دلني عليه تكفى وارحمني يرحمك الله وربي التأمين انه استغلال مابعده استغلال.. |
الله يصلح الحال
مستحقات "الضمان الاجتماعي التقاعد " جميعها بحاجة الى زيادة |
اهم شي الاخلاق وحب الوطن :p
الله يصلح الحال ويرزقنا البطانه الصالحه |
اقتباس:
ردد ياليل مطولك :D :D والله يعيننا والله مشاكل والرشاوي لاعبه لعب :mad: :mad: الله المستعان |
كل الشكر للأخ على طرحه هذا الموضوع
وعندي تعقيب على جزئية فيه والخاصة بشركة سابك فأرتفاع أسعار الحديد سببه الرئيسي ليس سابك ولكن الموزعين أنفسهم حيث أن سابك تعطيهم حصصهم ليتم بيعها وهم يحتكرونها عندهم في المستودعات فكم واحد منكم راح للموزعين "وبدون ذكر أسماء الموزعين" ولقى المستودع مليان وقالو له ماعندنا حديد هذا حصل طبعا ومع أشخاص أعرفهم جيدا طبعا اذا زاد الطلب وقل العرض أرتفع السعر وهم هذا ألي يبونه طبعا ما أخلي وزارة التجارة من المسؤولية لأن عليها الجزأ الاكبر هي وحماية المستهلك هذا اذا كانت في شي عندنا أسمه حماية المستهلك ........ |
| الساعة الآن 07:19 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by