مقاطعة الديتول : اقتراحاتكم بالبدائل ؟
 

مصخها الديتول رغم ان ارباح الوكيل خيالية مو راضي يخفض مثل بقية السلع .


انا انبهرت بالتخفيضات الي طالت الكثير من السلع .


بقى الديتول احد من الاعضاء يقترح بديل ؟

كقوة وآمان لا أتوقع أن نجد منافس له
لكن فيه منتوجات داك مطهرة ولها رائحة منعشه
وفيه العملاق الأخضر "الاردني"
(والاسبوع الماضي كان فيه عرض على ديتول في بنده فقط عرض وليس تخفيض)

داك برائحة الصنووبر حلوووووو جربة

يعتمد على إستخدامك للديتول .. لأي غرض؟

جزاكم الله خير على الاجابة


استخدامي له متعدد - للارضيات - السيراميك - الرخام - مسح دروج المطبخ وطاولة الطعام


بس داك نهائيا ماقتنعت بمنتجاته

داك لغسيل الصحون جربته ام العيال كانك تغسل بماء عادي مصبوغ خرطي والله رجعنا لفيري اصرف


داك مطهر ارضيات نفس الشي مب هذاك الزود


منتجات داك عندي تحفظ كبير عليها لسببين

منتجاتها مخففة و تستخدم ارخص المدخلات الكيماوية وارداها بصراحة


فيه مطهرات شخصية

واحد انا استخدمته اشوفه يمكن يفي بالغرض اسمه رينتول

فيه منتجات ثانية كثيرة مثل الفا - زهرة - ...


بس للحين مالقيت بديل مناسب اقل شي لو يكون سعره وسط وجودته لا باس فيها للتعقيم


صح بسالكم وش رايكم برنتول ؟؟؟

انتاج شركة سافكو ؟

بصراحة ما استخدم الا ديتول فقط للرخام وارضيات المطابخ وانتم بكرامة للحمامات احس هو امن شي
وداك وقت الصيف اصبه في المكيف الصحراوي
العملاق الاخضر يجي منه عبوات صغيرة لا تخذونه من ابو ريالين خوفا تقليد
خذ العلبه الصغيرة واثقبوها كم ثقب وسقطها في السيفون تطهر طول الوقت

للأسف مافيه بديل قوي لديتول لذلك يتحكمون في سعره

ياجماعة اليوم اشتريت رنتول

ملاحظة فيه عرض بالعثيم 3 حبات 500 مل ب 9 ريالات

ولاحظت عند الدانوب 700 مل رنتول بـ 3.5 ريال

اللي يخليني اجرب هالمعقم شغلة

رائحته نفاذه كالديتول تماما

لونه غامق نفس درجة الديتول

جربته خارج المنزل بوضعه على عدد من الحشرات ماتت فورا من عدة قطرات منه ( يعتبر كالديتول سام ضد الصراصير وفراشات الضوء والعناكب )


جربته ايضا في بانيو الاستحمام ( غطائين صغار ) سوا رائحة و شوي رغوة .


السعر يعتبر مجاني مقارنة بالديتول فرق بين 3 ريلات وبين 15 ريال ؟؟؟

الشركة سعودية اثق بها سافكو

اعتقد انها افضل من داك بكثير لان داك سعره قريب للديتول ومنتجات داك جميعها لم ترق لي .


تعليقكم على قراري بالضغط على وكيل ديتول لتخفيض السعر ؟؟؟

نجربه و نحكم عليه...

مشكور أخي الكريم.