فزعتكم العرس قرررب
 

السلام عليكم ورحمة الله وبركاتة

بصراحة العرس باقي له شهر ونص وانا ما شريت الادوات الكهربائية مثل ثلاجة وغسالة وفرن وبرادة ومكواة

يا ليت النصيحة من اهل الخبرة بالمحلات الافضل سعر والعروض الطيبة تكفون

ولكم مني صادق الدعوات

على البركة :)
من خبرة مهنا محل بالمجمل سعره منافس .. تلقاه يخفض على اجهزة ويرفع سعر اجهزة !
بالعربي يعني "حط من ذا على ذا "
نصيحة
1- خذ ورقه وقلم ودر عليهم وقارن بالأسعار والمواصفات والصناعات
2- خذ من الشركات المعروفه القوية لتعمر عندك الأجهزة ولا تقعد كل سنه او سنتين يا صيانه يا تغير الجهاز
3- هذا موقع للعروض وفاتحه لك صفحة عروض الاجهزة شف مايناسبك
http://www.3orod.com/categories.asp?categ_id=115

تامر امر بس انت من وين عشان نقولك المحلات الزينه :)

الله يعطيك العافية جمرة غضا

وبصراحة شيئ ابداااااع الرابط وجالس اتصفحة الان

والله يخليك لعين ترجيك يا رب

هلا والله بخاااالي

<<<<< ترى مناسب حرووووب وخوالي حروووب واعز اخوياي حروب

الحروب 50% من دمي هههههههههههههههههههههه

انا يا خالي بالرياض وما تفرق شمال او شرق او جنوب او غرب

بس انا بشمال الرياض

ونعم النصيحة يا أخت جمرة غضا وهذا ما أفعله عادةً!

ولله الحمد أطلع بنتيجة مرضية ومقنعة...

وأنصح كل من يرغب بشراء أجهزة منزلية بالآتي:

أجهزة منزلية تُشترى مرة واحدة بالعمر فاشتر الأفضل وهي:

الثلاجة فلا تشتري حجم أقل من 22 قدم

المكيفات ولا تغتر بالدعاية وخذ بالتجربة

التلفزيونات

الفرن ولا أحلى من الكهرب ماركة GE

المايكرويف خذ أكبر حجم ممكن من شركة آمنة

أما الأجهزة الإستهلاكية التي لا تعمر أكثر من 5 سنوات فهي:

الخلاطات بجميع أنواعها

برادة الموية والأفضل تغييرها كل 4 سنوات لصعوبة تنظيفها من الداخل

غسالة الملابس ممكن تبدأ بغسالة 5 كيلو ثم بعدما تكبر العائلة تلقاها أهترت وتحتاج لتغيير إلى حجم أكبر

هذا مافي جعبتي الآن

ومبروك مقدما والله يتمم عليكم بخير

مدام انك مناسب حربيه هنيالك >>>>>> يمشي بضاعته
لاوالله كفو تستاهل:blush:
والله انا مع الاخت جمره:clap_1:

الله يبارك (الولاولالاي<<< زغروطه مكتوبة :lol::clap_1:)

حبيبي أسمع مني , خذ دفتر ابو ريال (مفكرة) وسوي زي ماقالت أختنا جمرة غضا
وسوي جدول بالقوائم التالية: النوع الماركة والموديل (وركز عليه) واسم المحل ورقمه
رقم الموديل مهم خصوصًأ في التلفزيونات والماركات التي تصنع اكثر من موديل لصنف واحد( مكنسة او غسالة)
وخذ الماركات المعروفه وأسئل عن الوكيل , فالسوق فيه ماركات لاسمعه لها وليس لها وكيل صيانة متميز وقطع غيارها غير متوفره وراح تتورط إذا تعطلت .

بالنسبة لي انصحك بالتالي

الثلاجات عندك ال جي بس خذ مقاس كبير علشان يجيك كوري
وإذا تبى تكلف خذ ويرلبور امريكي وليس المكسيكي (وموعلشان انفلونز الخنازير)

المكنسة خذ سانيو في يابني سعة 150 (الحمراء)او170 او اي رقم فردي سعره غالي
ولكن قطع غيارها ارخص من هيتاشي وبانسونيك

المكيفات يقولوا نوع من ميتسوبيشي طيب وسعره اقل من جنرال
ولو لقيت دورا ياباني (وأظن مارح تلقى) خذ وانت مطمن

الغسالات في موديلات لغسالات ال جي تتوصل بالسخان واسعارها معقولها 6 كيلو بـ 980 ريال
وخذ 7,5 كيلوا للزمن ولو اكبر افضل ( بس يقولوا الأخوان وكيلها بدأ يهمل )

وانا لا أسوق لمنتج او لي هدف سوى الله عز وجل وتمنياتي لك بالأفضل
والله يوفقك ويسهل امرك وعجل ترى مابقى وقت

الله يعطيك العافية على هالمعلومات القيمة

والله يخليك لعين ترجيك