رؤيتي عن المطاعم
 

هلا وغلا
بالجميع

حبيت اطرح هذا الموضوع عن رؤيتي لبعض المطاعم من حيث السلب والايجاب

تنويه انا ساكن في بريده

من المطاعم الرائعه الي لاحظتها هو مطعم الباسل حيث سعره رخيص وطعم رائع مثال البرستد سعره 10 لم يتغير مع زيادة الاسعار كم فعلت المطاعم الاخريات

مطعم عالم البيتزا عنده اكل ممتاز وسعره في محله مثل الصاروخ على الصاج بـ5 انصحكم به

مطعم سعره غالي مدري ليه وجديد يعني لاهو مشهور عشان تقدر تقول زين او قديم ومعروف
اسعاره بـ18 و 15 والخ.. المطعم اسمه مذاقي يقدم وجبات مسروقه من مطاعم اخرى مثل التورتيلا

ذكرو الاخوان ان مطعم البحصلي بالرياض الشاورما بـ7 ليه وش الفرق
حيث كنت بالرررياض قبل فتره وعزمن واحد فيه وبالفعل نفس الكلام والي
زاد الطين بله اذا شريت شاورما من عندهم ماتاكل جو المطعم ممنوع:eek::eek:

من ملاحظاتي زيادة اسعار ماكدونالدز لريالين

وفيه واحد يقول العصير بـ 6 عند ماما نوره ومنقهر

اجل اقوله شف عمو حمزه العصير بـ9 هل يعقل

ومن المطاعم الغاليه ولاتستحق هذا الغلاء الفاحش
تشيليز ابل بيز المطعم الايطالي والقائمه تطول
صحيح طريقتهم وتعاملهم حلوه ووجباتهم ممتازه
لكن ليش كل هالغلا

اتمنى ان اشوف ردودكم وتعليقاتكم

وارجو ان تقبلوني بينكم
وهذي اول مشاركه لي
والى اللقاء

هلا بك اخوي بيننا

لب وهدف هذا الصرح الرائع هو وضع خطط للمستهلك لكي لا يتضرر من الغلاء

يجب مقاطعة اي مطعم غالي

حياك لا للخداع ويعطيك العافيه على هالموضوع
هذا مانريده التوعيه للمواطنين
وليه ماجبت طاري لمطاعم عنيزة :)

شكرا لردودكم ومروركم
بالنسبه لعنيزه ماعرف فيها
بس عندهم بحيرة العوشزيه ابداع
الى اللقاء

مشكور على الموضوع

بالرياض عليك بيت الشواية
بالقصيم عليك بالباسل
بالشرقية عليك بـ شرنبي (اسعارة غالية)
بجدة عليك البيك

اشكر الأخ / لا للخداع على كتابة هذا الموضوع :

وأحب أن أخبرك بأنني أنا صاحب مطعم مذاقي وأحييك على شجاعتك في طرحك للموضوع

ولكن أخي الكريم الفاضل : هل تخبرني عن أسباب حقدك على مطعم مذاقي الى هذه الدرجة ؟؟؟؟؟

اذا نحن مقصرين معك في شيء فنحن متأسفين كثيرا عن هذا الخطأ

واذا نحن غالين على حد قولك فأتمنا أن تقاران سعر وجباتنا مع أسعار وجبات المطاعم الأخرى وليكن مثال :
التورتيلا : سعر الوجبه 11 ريال تحصل على تورتيلا مع بطاطس ( مافوليب ) افضل نوع مع ببسي ماكينه أبو ريالين كل هذا وتقول غالي ؟؟؟

واذا حنا سارقين الوجبة على حد قولك فالوجبة موجوده عند ( هرفي - صب واي -............) والعديد من المطاعم
يعني جت على مذاقي انه سرق


هداك الله يااخي


واذا عندك اي ملاحظات على المطعم هذا ايميل المطعم
my-taste@hotmail.com

كما اشكر ادارة المنتدى على محاسبة كل شخص يكتب خلاف الواقع

حياك اخوي .... وشي طيب حضورك .. سؤال كم مربحكم تقريبًا في الوجبه (اريد نسبه % )
لا أحد منا يتمنى لأي تاجر الخسارة ...لكن نريد سعر عادل لنا ولكم

ه