ساكن بالرياض وابي حليب خلفات اصلي وين احصله
السلام عليكم كيف احصل حليب خلفات طبيعي مابي من ذوليك حقين الثمامه الي يعطون نياقهم ابر مدره للحليب لان هذا حليبهم مايفيد ... وين ألقى افيدوني الله يرضى عليكم |
سلام عليكم .,,,,,,,,,
تجده لدى محلات بساتين القصيم في حي المروج في علب مغلفه سعة لتر 5ريال. |
زين الخلفات وهو توه محلوب :)
خذ من الصمان تشوفهم وهن يمشن بالبر تتحرك مهب محجرة واذا جاء الربيع أزين وأزين تتغذا من الربيع مهوب شعير ولا رودس |
أشرب سفن آب ترا يمدحونه ...هههههه
يمكن رماح هي اقرب شئ للرياض ...ماادري بس يااخي من يضمن هذا الحليب لازم يتبستر ...الامور هالحين كلها كيماويات إلا ناقةً لك تشرف عليها بنفسك وعندها ملف تطعيمات وفحص صحي |
اقتباس:
ابي الطازج من ................. الى المائده هههههه على العموم مشكور على الرد |
اقتباس:
بس ويني وين الصمان انا ابي يوميا اقحن ثااااااانكس على الرد |
اقتباس:
رماح مشوار وانا اخوك انا ابي امزمز ودي بناقه بس المشكلة مالي خبرة في الشراء ووين احطها عن قولت غشيم ههههه مشكووووووور على ردك الحلو |
أنا اقولك وين تحطها
فيه حسب معلوماتي القديمه مواقع شبوك في سوق البل او حولهم سودانيين عندهم شبوك ويشرفون عليها يعني تحط عندهم الخلفه وهم يعتنون بها على اساس تدفع لهم مبلغ شهري بسيط واعتقد ايضاً ان فيه شبوك بعيده عن السوق ايضاً مكانها نظيف وفضاء ويمكنك متابعة فحوص الناقه وكل شئ لتوفر البيطريين هناك طبعاً انا ماجربت ..بس سمعت فيجب انك تكون على اطلاع قبل اتخاذ القرار |
اقتباس:
انا بصراحه ودي يكون الموقع بعيد عن السوق مثل ماتفضلت على العموم بيض الله وجهك ومشكور على انك افدتني في معلومات كنت بحاجه لها . |
نصيحة
اذا تبي حليب خلفات طازج وامام عيونك تعال عندنا جنوب الرياض حي العزيزية - طريق الخرج القديم بعد صلاة الفجر خله يحلب لك الناقة طازجججججج.... ومجرب الاسعار : الكيس 20 ريال |
| الساعة الآن 02:40 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by