شايفيننا مجانين...
قبل يومين كنت مواعد واحد ويوم تأخر علي بالحضور بدأت أمشي بالسيارة حول المكان و التفت عن يساري و أشوف مكتوب اعلان شقق تمليك قلت فرصة للتفرج ويوم تفرجت طلعت وأنا أقول في نفسي ( شايفيننا مجانين على هالأسعار للشقق ) شقق تصل فوق 300،000 ألف ريال والعمارة فيها أكثر من 20 شقة والشقق صغار جدا" ثلاث غرف وصالة ودورتين مياه فقطططططط وش رايكم نكون حقانين ؟ الشقة اللي ب300،000 ألف ريال الجدار اللي على اليمين أنت وجارك شركاء فيه والجدار اللي على اليسار أنت وجارك الثاني شركاء فيه والسقف أنت واللي فوقك شركاء فيه والأرض اللي تحتك هي سقف للي تحتك والجدار اللي خلف في إخر الشقة برضوووووا مشترك ومايبقى لك إلا العفش حقك بقك وبعد كم سنة ترمي العفش !!! ويقولون ب300،000 يعني يالعقاري بعت الجدار لأربعة أشخاص أو أكثر أسألك أين الحق ؟ . . مخاويكم المملوح |
و ما خفي كان أعظم.
|
صدقت يا أخوي abuhisham ما خفي كان أعظم . ومن الشيء الخفي في الشقق - وهي - معروفة بس للتذكير : 1- مشاكل الماء اللي ما تنتهي وأي واحد ساكن في عمارة يعرف وش معنى مشاكل الموية فما بالك بعمارة فيها ما لا يقل عن 20 شقة. 2- مشكلة (الله يكرمكم) الصرف الصحي اللي ما تبين إلا بعد كم سنة من السكن 3- مشكلة الجيران اللي ما لك أي يد في اختيارهم 4- لو صار فيه مشكلة عندك في السباكة أو في الكهرباء قابلني لما يوافق جارك إنك تجيب عمال في بيته عشان يصلحونها. |
اقتباس:
لكن هم شافونا محدودين :( واستغلوها :mad: العقاريين استغلاليين .. ويحلفون إن البناء كلف عليهم:rolleyes: .. وربحهم قليل :(يغرون المشتري بتشطيب الديلوكس والجدران والتمديدات الله اعلم مابها من غش:mad: ... ومثل ماقلت يبني جدار عن جدارين والسقف عن الارض :confused: وبالاخير يصيح ان الشقة كلفته 290 الف وربحه بها 10 الاف :mad: لكن مصيرهم يصدعون :cool: ومن هنا نقول نريد من الدولة ارجاع السكن الحكومي "اسكانات شقق وفلل" باقساط ميسرة طويلة الأجل |
نحتاج يا جمرة غضا
لمقاطعة شقق التمليك المبالغ في سعرها ؛ وغير المنطقي . ربي سعدك |
أنت وجارك
أنت وجارك كمان مشتركين في الأصوات ليلا ونهارا وزين الغرف الصغار واصوات عيالك وعيالهم يخرم أذنك طول اليوم - أنتبه لاتضرب مسمار لأن جارك يحسبك تبغى تتجسس عليه . |
اجل مخطط القصر بالرياض يقصدون عليك الشقه 25 سنه تدفع 10 % والاقساط 2900 تقريبا ( على ما اعتقد
) واحسب يا حاسب 870 الف ريال قيمة الاقساط ويييييييييييييييييين |
ومن هنا نقول نريد من الدولة ارجاع السكن الحكومي
"اسكانات شقق وفلل" باقساط ميسرة طويلة الأجل يا ليت يسوونها كان ترتاح العالم وكلش يرخص زي اول |
باكو مجوووود هدد اضافاتكم أثرت الموضوع وإن شاء الله تجي شركات تستغل الفرصة وتنشيء شقق وفلل بأسعر المنخفض من الحديد وتلقى الكل مع عائلته سعيد ويله يا العقاري بع اللي عندك بلا طمع ؛ قبل ما تحط إيد على إيد |
أعرف عدة أشخاص من زملاء و أقارب .. كلهم تملكوا شقق لفترة ثم باعوها ليتخلصوا من همها و هم العيش فيها.
كل المشاكل تهون أمام مشكلة الجيران .. ممكن كل إللي في العمارة يتفقوا و يكونوا متعاونين إلا واحد .. يجيب القرف لكل إللي في العمارة. و الله يعينك يامواطن. |
| الساعة الآن 07:22 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by