واصل العالمي ...طل
 

مدري ايش اقول عن خدمة واصل العالمي غير انها حتى الآن ......خرطي فاضي

اشتريت قطعه كهربائية من امريكا و لأن البائع ما يشحن للسعودية قلت ياواد جرب خدمة واصل (عنواني في امريكا) و بالفعل اعطيت البائع العناون بالكامل كما ارسل لي من قبل (خدعة):blush: العملاء في واصل و كما هو معروف لدينا امانة و حسن خدمة من قبل الأجانب:clap_1: فقد وصل البريد الى (عنواني المزعوم) في يوم 4-6-2010 و انتظرت ان ألأخوان في واصل يتصلون علي و لكن سكتم بكتم قلت ياواد اتصل عليهم يمكن يكونوا نايمين اصحيهم و يشوفوا ايش الهرجه, صحوا الأخوان و طلبوا مني رقم المتابعه اتصلت على البائع وما قصر الرجال اعطاني الرقم و الشركة في نفس اليوم اللي طلبته مع فارق التوقيت, اتصلت على (الواصليين) و اعطيتهم المعلومات, قالوا نرفع لك طلب (تعلموا من الإتصالات) قلت طيب و برضه انتظرت على ان احد يتصل و لكن هيهات هيهات , رجعت و اتصلت عليهم قلت لهم ياناس ايش الهرجه ترى السالفة طولت قالوا يمكن علشان عندهم (ويك اند) انتظر لك يومين قلنا برضة يمكن, و اليوم لي 8 ايام بعد وصول الشحنة الى عناوني في امريكا شيكا بيكا و برضه ما يأست اتصلت عليهم و ردوا قائلين نرفع فيها تحقيق , قلت طيب بعد التحقيق قالوا ماندري, قمت دخلت على موقعهم و حطيت شكوى منمقه لعل و عسى اجد من يسمع

بصراحة ماكنت واثق في هذي الخدمة علشان كده ماجازفت غير ب 43 دولار كتجربة لم يكتب لها النجاح الى الآن و مع ذلك ماراح اتركهم ابدا, و اذا استجد شئ ان شاء الله اديكم خبر.