البناشر يرفعون اسعار تغيير الزيوت الدبل
السلام عليكم
من قبل فترة ومن يوم بدا مسلسل الارتفاعات الكذابة وانا اشتري كرتون زيت تويوتا من موزع الزيت الاصلي كرتون فية 24 حبة واخذة 210 يعني تطلع العلبة 8.75 ريال مع العلم انها عند البنشري 13 ريال وكل ما ابغى اغير الزيت اخذ اربع علب واروح البنشر يغيرها 5 ريال السعر المعروف من قديم الزمن الا هذا الاسبوع مريت عليهم كلهم واذا هم كلهم متفقين صار سعر التغيير 10 الى 15 ريال يلعن ابو النصب هية كلها فكت صامولة حتى يتفظى ويخرج كل الزيت ويرجع الصامولة مكانها ما يبي لها اختراع حتى يوصلون السعر 15 ريال يلعن ابو الطمع يابو يمن لاكن مو غريبة من امن العقاب اساء التصرف صارت فكت الصامولة وترجيعها 15 ريال لية عموما قلت طز فيكم واروح واسفط السيارة قدام البيت وارفعها على طرف رصيف واغيرة بنفسي ماخذت الشغلة 5 دقايق وبيتي اولى 15 ريال للمعلومية كثير من الاخوان لايعرفون ان قيمة الزيت لاتتعدى 8 الى 9 اريال عند الموزع مستودع الزيوت نفسة اللي ياخذون منة البناشرويبيعونة باظعاف سعرة من حسبي الله عليهم من 13 الى 15 ريال للعلبة الواحدة ويمكن بعض الانواع تزيد |
انا اشهد انك ذيب
|
اقديت وبيض الله وجهك
ولو كلنا سوينا كذا غير ينزلون السعر وهم مايشوفون الطريق |
عافية يابطل هذه الطريقة ولا بلاش بلا الفخفخه الا مالها داعى
|
بيض الله وجهك لو كلنا سوينا كذا ان كان عرفوا المشاحم يغيرونه بريالين والمنه للزبون
|
كفو ... والله ذيب
أنا أول من يصلح مثلك وياليت الناس مثلك عشان يعرفون أهل البناشر أن الله حق |
كلامك صحيح 100% اخي الرحال2222 انا من يوم عرفت السيارات وانا اشتري الزيت من محلات الجملة في جده وانا مستغرب كيف اغلب الناس تشتري الزيت بسعر زايد حوالي 80% او 90% واحياناً دبل وانا كنت اشتري كرتون زيت فوكس سوبر جي تي ب 185ريال فيه 24 علبة ويطلع علي سعر العلبة بحوالي 8 ريال او اقل مع العلم ان العلبة كان يجي عليها تسعيره من الشركة ب 14 ريال او 13ريال ماني فاكر يعني عند البنشري ما تقدر تكاسر لان السعر ثابت ومسعر من الشركة وانا كنت انصح جميع اصحابي ومعارفي واللحين اغلبهم مايشترون الزيت الا بالجملة والتغيير عندنا في جده من زمان انا اعرف انه بعشره حسب علمي او يمكن عشان انا اغير الفلتر مع الزيت دائماً وعندي السيارة مصفحة من الاسفل واظطر مره اغير الزيت شفط ومره من الصره ولكن بعشره ولو يــنـطـبع ما ياخذ غيرهـا ........ المهم يا شباب اشتروا الزيت بالجملة أوفر لكم بكثير سامحونا على الاطالة بس هذا اللي صاير يا جماعة وشكراً اخي الرحال2222 على الموضوع . |
بيض اللة وجهك ..
واللة انى من زمان أغير الزيت بنفسى قسم باللة فى البيت . وعلى فكرة اخى الكريم ولا يهون الجميع شريت كرتون زيت تايوتا من كيلوا 3 بجدة طبعاً 190 ريال مدرى سعرة كذا ولا انا شاطر زيادة اووووووى تقبلوا مرورى ولكم منى ارق التحايا:o:o |
لا حول ولا قوة الا بالله العلي العظيم
يا جماعة فين محلات الجملة هادي بالضبط اللي في جدة .. وايش اساميها اللي يعرف يخبرني لو سمحتوا .. وما اقول الا حسبي الله ونعم الوكيل |
كيلو 3 طريق مكه
اقتباس:
بالنسبة لمحلات الزيوت في جده طريق مكة المكرمة القديم كيلو 3 على اليمين وانت متجه لمكه خارج من وسط البلد وعلى اليسار في كم محل صغيره بس اسعارهم مرتفعة شوي وبالنسبة للأسماء كثير وعندهم محلات الكفرات والبطاريات والفلاتر وكلها بسعر الجملة ان شاء الله يكون الوصف واضح |
| الساعة الآن 05:25 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by