المخازن الكبرى
السلام عليكم ورحمة الله وبركاتة
السالفة يا جماعة الخير البارح يوم الخميس ليلة الجمعة كنت بالمخازن الكبرى فرع الجامعيين وشريت حليب بيبي لاك للاطفال ولما جيت اشوف السعر ما حصلت السعر مكتوب علية ولما سألت المحاسب كم سعرة تفاجأت انة ببسعر 24.5!!!!!!! قلت لية؟؟؟ قال كل شئ مرتفع قلت الشكوى لله وانا طالع من المخازن كنت ابي شغلة من الصيدلية وطبعا زي ما انتم عارفين توجد صيدلية الحياة بنفس مجمع المخازن رحت للصيدلية وخذيت الغرض اللي ابغاة وبالمرة شيكت على سعر الحليب وهنا كانت الطامة الكبرى السعر 19.5 ريال طبعا خويكم ما كذب خبر شريت علبتين وطلعت على طول للمخازن واطلب المسؤل وقلتله ابغى ارجع الحليب قالي لية؟؟ واطلعله العلبة اللي منهم وعلبة ثانية من الصيدليه واقوله شف الفرق!!! المسؤل اسمة (ربيع) طبعا اول شئ تفاجأ وبعدين قالي عادي الصيدليات يعطونهم أسعار خاصة قلتله بس انا اول اذكر اني اشتري الحليب منكم بسعر مش اكثر من العشرين قالي بشوف واكلم المسؤليين قلت اقول جب فلوسي وخذوا حليبكم لا بارك الله فيكم ولا بحليبكم ومن الان لا للمخازن الين يتعدلون وبالمناسبة انا من زمان وانا شايل عليهم يقولون مقاطعة دنماركية وجبنة بوك بكل زاوية هذا والسلام عليكم ورحمة الله وبركاتة |
صحيح كلامك
كل واحد يضع سعر على كيفه الله المستعان ومشكور أخوي لى المعلومة |
المخازن الكبرى = يجب المقاطعه
المخازن الكبرى من جد تستحق المقاطعه
كرتون مياه الهدا (الاكواب) اللي فيه تقريباً 44 كأس سعره 21.50 ريال في المخازن اللي في الجامعيين نفس المنتج تجده عن اسواق التميمي الموجود في الفيصليه بسعر 17.50 ريال ... شوف الفرق.... و ايضاً سعر صدور الدجاج ساديا في المخازن 13.95 ريال و سعره عند الضاحيه الشرقيه في الفيصليه 12.25 او 12.50 ريال |
الله لا يسلم كل من يضيق على المسلمين
|
اقتباس:
آميييييييييييييييييييييييييييين |
والله كلهم كذابين . للعلم الريال صج طايح سعره بس اكيد عندهم كميات كبيرة (ستوك) . انا متاكد زودو السعر على الكمية القديمة والجديدية . يعني المخازن يبي يفهمنا انها يستورد بالدرزن :mad::mad::mad:؟؟؟؟؟؟؟؟؟ :mad::mad::mad: |
المخازن حرااااااامي
و إذا شريتوا منه تأكدوا من الفاتورة لأن الحساب ممكن يكون غلط و تلقاهم ماخذين عليك زيادة و على فكرة إحنا مرة تبهدلنا علشان نبدل لعبة بوحدة ثانية مع العلم اننا ما فتحناها لكن كانت هدية مني لبنت أخوي و طلع عندها مثلها و لما راحت أمها تبدلها و بالفاتورة طلعوا عيونها علشان يبدلونها يتعاملون مع الواحد كأنه يشحذ و يقولون الزبون دائما على حق |
ودك الواحد يستفيد من العروض وبس ...يعني ياخذ النشره الخاصه بالعروض ويشتري الشي اللي بيحتاجه من الموجود في النشره ويخزنه حتى لو ما كان يحتاجة في نفس اليوم..وطبعا هالكلام ينطبق على كل مراكز التسويق الكبيره مثل بنده والمخازن الكبرى وجيان و التميمي
|
فقط عرض الموجود تشتري منه والباقي لا زي ما سوي تبحث عن الافضل :)
|
اجل شلون المخازن مسوين حمله ضد غلاء الاسعار يضحكون علينا!؟:confused:
|
| الساعة الآن 03:51 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by