مشتهي ماكدونالدز، مشتهي كنتاكي ... تفضل بالدخول
 

انظر ماذا تفعل ماكدونالدز مع الدجاج
http://www.mccruelty.com/

وهنا كنتاكي
http://www.youtube.com/watch?v=PFgbHK6yP2g
http://www.kentuckyfriedcruelty.com/

أليس هذا سبب كافي أن نقاطع ماكدونالدز وكنتاكي؟

يا ليت فية شبية ماكدونالدز بالرياض
ماكدونالدز عربي اصيل!!!سعودي الاصل والفصل والطبخ والاكل!!!

حسبي الله عليهم ونعم الوكيل

الطازج عندهم تشيكن برجر حلو وامن
_________________________________________
وفيه بشارع الزبير بن عوام حي الروابي مقابل كلية المعلمين
محل سعودي ويدار بايدي سعودية يعني اللي يطبخ سعوديين شباب لكن مجربته حتى الان
شفت اعلاناتهم واسعارهم مميزة وعروض حلوه منوعه روست برجر شورما نقانق سمك حاشي دجاج روبيان
اسمه برجر روست
تلفونهم
4156615
........................................

هذه تعد أمر عادي عندهم ولا ما كان سمحوا بالتصوير ، لكن الفضايح الله اعلم بها

مشكور محمد

ماخفي كان أعظم !

اللي يبي بديل رائع للأثنين بالرياض .......

بديل كنتاكي وماكدونالدز..... أسم المطعم (( مزار ))
مع الأسف ماله الا فرعين واحد بالملز والثاني القريب عند بيتي على شارع العروبة جنب العثيم

اللي يجربه يدعي لي.... عنده همبرجر بأنواعه وخصوصآ دجاج مشوي روعة واللحم أحسن من ماك
وعنده ساندوتش دجاج بخبز صاج بديل (( تويستر )) من كنتاكي، وألذ منه.

ولعشاق البروستد عندهم عادي وحراق ((ممتاز)) وطعم (عندي) أفضل وأنظف من مخلفات الأمريكان.

كل هذا عند مزار، ماصدقت أطيح فيه ((للزنقات اللي هم عيالي)) الله يصلحهم.

يامسلم كل واحد يطبخ بالبيت وخلاص .
مافي بديل للمطاعم الا طـبـخ البيت .
وخلي أكل المطاعم للظروره القصوى.
أي المطعم مهما تقول وتمدح فيه يعتبر ((وسخ)) الموقع والعماله .

الله يحفظك ياخالد1 اجبت فاجدت ....ياجماعه والله مادري وش العجيب او اللذيذ بطبخ هالقذرين

الله يجزاكم خير ..............
وقبل ماتشتري من المطاعم وتاكل // فكر من اللي طبخ لك الاكل واين ومن اين اشتراه ؟؟؟
اوسخ الناس هم عمال المطابخ .وخصوصآ في جده

الوجبات السريعه مشكله والله واضرارها كثيره ولي تحفظ على بعض مكونات الاطعمه فيها
وبالذات في عمليات الذبح للدجاج او البقر
واتذكر مره لما كنت في بريطانيا حصلت لي فرصه زياره مصنع لذبح وتغليف الدواجن وشفت كيف يذبحون الدجاج وقرفت مره
يمسكون الدجاجه ويربطونها واقفه بسير كهربائي ثم تمر على صندوق بوسط هالسير لما تدخله الدجاجه يجيها صعق كهربائي ثمن تمت ويكملون الباقي