تجربتي الاولى في التقضي
 

السلام عليكم ورحمة الله

رحت لسوق الجملة بالربوة

حصلت المحلات اللي برا مثل الغيث والباقي على الشارع يفرق 5 ريال بصابون موبي السائل

يبيعونه ب 95 عن المحلات اللي داخل

اخذته من داخل السوق 20 لتر ب 90 ريال وشريت ملطف موبي 20 لتر ب 60 ريال يا بلاش


عن كل شهر اخذ 3 لتر ب 14 ريال


لقيت بنفس السوق محل يبيع كرتون قشطة الطائي ب 106 للكرتون اما كل المحلات لا يقل عن 116

طبعا انا تخوفت من فارق السعر وما اخذته قلت يمكن فيه سوء بالتخزين :wounded1: شرايكم انتم ارجع اخذه ؟



واخذت من محلات على كيفك لقيت مطهر ريحته حلوة اسمه ماس لكن للحين ماجربته ب 8 ريال بالصنوبر

وقريبه من ريحة درامر اللي كنت اخذ الكبير منه ب 49 ريال يارب يطلع نفس فعاليته

واخذت منهم مناديل رول للمطبخ اسمها مشوار عليها عرض 3 حبات كبار ب 18 ريال

وقبل كنت اخذ من شركة ثانية 2 ب 15 ريال وهذا كان ارخص اللي موجود بالسوبر ماركت



اخذت صابون بحر من الثلاجة العالمية 10 كيلو ب 41 ريال

باقي الحين اشوف بديل عن بامبرز لانه هلكني ويهمني طبعا الجودة

جربت بيبي جوي حلوة بس تسرب لو اخليه وقت اطول اما ميزة بامبرز لا


ابي اسألكم عن حليب البودرة ايهم افضل بيتي او الطائي ؟ سعر النيدو طاير مرة

حياك اختي ام سليمان .. ماشاء الله عليك يا ام سليمان هذي وهي اول تجربة :)

بشرائك المنظفات والبلاستيكات من المحلات المخصصة لبيع المنظفات والبلاستيك بتطلعين ربحانة فرق جيد

وشراء العبوات الكبير توفر لك مبلغ ممتاز (كلور ,صابون السائل , ملطف الاقمشة ) فيه جوالين كبيرة تطلعين منها تقريبا 7 جوالين متوسطه ..
مثل ما تقضيتي وشفتي فرق الاسعار :)
لكن موبي سعره 95 ريال ! اشوف سعره غالي فيه انواع ارخص سعر .. اعتقد اسمه الاثير ويجي منه صابون وردي واخضر واصفر ..


شخصيا حليب الطائي ما عجبني ..
--------------------

هذي انواع مجربة ,وعندي انها افضل واسعارها ممتازة


https://www.mqataa.co/vb/showthread.p...t=%CD%E1%ED%C8


وهنا انواع اخرى

https://www.mqataa.co/vb/showthread.p...t=%CD%E1%ED%C8

وهنا الاخوان جربوا نوع الحليب هذا ويثنون عليه

https://www.mqataa.co/vb/showthread.p...t=%CD%E1%ED%C8


وهنا حليب طويل الاجل يثنون عليه الاخوان
https://www.mqataa.co/vb/showthread.p...t=%CD%E1%ED%C8


فيه قشطة فريشكو ممتازة

مشكوورة اختي على التشجيع

وطبعا لاني حديثة العهد بهالامور وماعندي خلفية عن الاسعار لصعوبة التنقل كامرأة

لكن نسيت معلومة ما قلتها

امس كنت في محلات على كيفك لقيت موبي عندهم ب 85 ريال لكن خلاص شريت وصار درس لي

مع انه نفس المحل فيه اشياء اغلا من سوق الجمله

يعني بالمختصر ترخيص من جهه ورفع من جهه اخرى

لقيت ارخص لكن انا يهمني الجودة + السعر

مشكوورة على الروابط ماقصرتي

صدقتي يا ام سليمان الجودة والسعر هذا ما نبحث عنه دوما ..
مانبي نخسر صحتنا من اجل كم ريال نوفرها .. ولا نريد ان نستغل من التجار وياكلونا ..
لنجعل من التسوق رحلات استكشافيه لسلع جديدة علينا ...
الحليب والارز والقشطة والخ من مواد غذائية كل اربعاء اغلب الهايبرات تجدد عروضها التسويقية .. تصفحي مواقعهم وتخيري افضل العروض والاسعار

قشطه الطائي ماعليها طلب علشان كذا مرخصينها ماهو علشان تاريخها خوذي واحده ثنتين وجربيها ان عجبتك خوذي كرتون وماتخافي

نسيت اقولك اختي جمرة غضا

كانت من اولوياتي اني اشتري صابون اثير لكن ما حصلته

علشان كذا اخذت موبي

وصحيح اخذت حبة من قشطة الطائي واعجبتني كثير حسيتها بديل قوي للتاج

حتى الاهل قالوا كانها التاج

ماقصرتوا

يبقى البامبرز

اضطريت اشتري كيس لليل

وكيس بيبي جوي لباقي اليوم

معرررروووووووف محلات على كيفك رخيصة و جودة عالية
حتى ارخص من هايبر بندة
غير كذا يجي عندهم عروووض كم علبة مناديل او كم علبة صابون ....... بسعر مايتعدى 20