أين نجد التمر السكري الرخيص كل كيلو مغلف ؟؟
السلام عليكم ..
محلات العطارة جالسين يتاجرون فينا .. السكري الكيلو مغلف بلاستيك على وشك أنه ينتهي بـ 15 ريال .. ومنها من يبيعه بعشرين ريال .. أبي أشتري سكري ويكون تاريخه له ثلاث سنين أو أربع .. هل أحدد يعرف محل أمين يبيع السكري أو غيره من التمور ؟؟ والله يجزاكم خير .. |
حياك بقايا انسان
مافهمت كيف له 3 سنوات (يعني مضى عليه 3 سنوات !!!!) حويل تقصد ؟؟ وأنت بأي بلد ؟؟ انا اعرف محلات في شارع الزبير بن عوام شرق الرياض بجوار عيال علي أسعارهم معقوله عندهم كنيز ومبرد ؟؟؟ |
عندنا بالقصيم وفي ( عنيزة ) بالتحديد تحصل الكيلو من 30 الى 45 ريال
طيب واذا ماخاب ظني تحصل بالرياض بنفس السعر لاكن ما اقدر افيدك بالموقع |
أسواق عتيقة ,, أسعار مناسبة للجملة ..
|
محلات العطارة جمعت بين البقالة والعطارة والمحمصة والصيدلية وما بقى إلا البنشر
|
انت وين ساكن يا بقايا انسان
حتى يفيدك الأخوان ؟ |
الله يجزاكم خير ..
أنا من سكان جدة .. أجد في محلات العطارة التمر بالكيلو مغلف بالبلاستيك وعليه تاريخ إنتهاء .. أنا ودي آخذ ثلاث كيلو سكري ويكون جديد .. يعني باقي له ثلاث سنين قدام صالح للإستخدام .. وسبب الشراء السفر عشان كذا بآخذ كمية .. وجزاكم الله خير |
للرفع والمساعدة .. :(
|
لا تروح بعيد أخوي،
عندك جمرة غضا ساكنة بـ محفر تمر سكري :) - - - خذ مكنوز أخوي، وأسأل عنه والتمر حافظ عليه ويدوم معك لأنه سبحان الله ما يخرب.. بس غريبه "3 كيلو" لـ 3 سنوات.. 3 كيلو تخلص بيومين عند القصمان.. |
إذا مسافر و ناوي الغيبة لفترة طويلة فأنصحك تأخذ من التمر المعبأ تعبئة مصانع و تغليفه يكون نظيف و لا تهتم للتاريخ كثير لأنك لو حطيته بالفريزر في بلد إقامتك راح يعيش معاك إلى ما شاء الله.
أنا عادة أشتري من التمر السكري الفرط (بحباته مهو مكبوس بدبس) بالكيلو و تاخذه المدام (الله يعطيها العافية) تغسله و تنظفه و تنشره كم ساعة على جرايد مغطاة بمناديل سمكية (حقت المطبخ) لين تنشف المويه منه بعدها تعبيه في أوعية أو برطمانات بلاستيك و على الفريزر عدل ... و كل ما أحتجنا تمر خرجنا منه على قدر إحتياجنا و ردينا الباقي في الفريزر .. و الحمد لله ماشية الأمور أخر حلاوة. وإذا عجبتك الفكرة أعلاه راسلني على الخاص أعطيك رقم واحد اتعامل معاه و أشتري منه دائما و لا نزكي على الله أحد لكنه إن شاء الله أمين و راح يعطيك شي نظيف. |
الساعة الآن 08:01 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by