طفلاي يعانيان من التأتأة
 

السلام عليكم ورحمة الله
عندي ولدين الاول مازن عمره 7 سنوات والثاني فارس وعمره5 سنوات يعانون من التأتأه بدت المشكله لولدي مازن وعمره مايقارب الاربع سنين كان عندي صديقه ولدها في نفس عمره يتأتأ فكأنه بدأيقلده فكنت اعصب عليه واقوله لاتتأتأ الى ان صارت عاده رغم انه كان يتكلم طبيعي بعدها صار اخوه من فتره يتكلم مثله ويتأتأ بقوه احيانا يعلق على الحرف فتره ويرجع اويعيد الجمله اكثر من مره عشان يكملها مازن بدأت الحاله تخف احيانا وتزيد احيانا وفارس اكثر منه بشويه مع العلم انهم يمصوا اصبعهم الاثنين فهل له علاقه به ماادري نرجوا منك الموافة بلعلاج ولك جزيل الشكر

مرحبا اختي:
مرحلة اكتساب اللغة هي بعد الولادة مباشرة الى عمر 4 سنوات
(الاكتساب الاساسي للغة)))
حتى ان بعض فلاسفة التخاطب في أميركا يقولون ان اكتساب اللغة يبدا قبل الولادة!!!! وان الام تشعر بذالك!!!!!
المهم بالنسبة لحالتك:
كان المفترض انك لما كان ولدك يقلد ولد جارك (اللي فية تاتاة) كان حولتيها للعبة فقط مو تنهينة ويقلد ويتصير الدعوى زي ((تووم وجيري)))
المهم
حاليا يحتاجون ابنائك اي جلسات منفصلة لكل واحد جلسة لوحدة او تدريب لحالة (بانفراد))
واياك ثم اياك ان تقارني بينهم !!!!!
التمرين :
جبي سيارة له وقولي:
السيارة تمشي شوي شوي ((((((قولي الجملة ببيطء مع تحريك السيارة ببطء )))))))
السيارة تمشي بسرعة (((((( قولي الجملة بسرعة متوسطة مع تحريك السيارة بسرعة))))
التمرين لكل ولد لوحدة!!!!!!!! نقطة مهمة
اذا اتم التدريب بنجاح كافئة بهدية معينة او استيكر حلووو له وكملي التدريب...
اذا حسيتي انوو نجح التدريب معاه (اتوقع بعد 2-4 اسابيع)) بلغني وراح اعطيك التدريب الثاني
وشكرا

هلا بيك اخي وشكرا على ردك اريد ان استفسر عن التمرين كم مره اعيدها لهم في اليوم وهل حالتهم تعتبر صعبه لاني اخاف عليهم عند ما يكبرو هل سيكونوا كذه ام ستختفي منهم مع الايام ولك جزيل الشكر

اربعة مرات يوميا (صباح -ظهر مغرب ليل) موبس سيارة غير لاى كلمات اخرة مثل طيارة وغيرها...
حالتهم ليس صعبة بل فية حالات شديدة الصعوبة والحمد لله خفت بشكل كبيير...
تحياتي

السلام عليكم ورحمة الله وبركاته
اتيت لك من جديد انا مشيت مع التمارين والحمد لله بس من غير انتظام المهم ولدي فارس الحين بدأ يتأتأ بزياده له 3 ايام ولما يبغي يطلع الكلمه يفتح فمه بزياده كأنه بيتثاوب الين ماتطلع الكلمه والباقي الكلام يتكلم عادي وصوته عالي واسألته كثيره وكلامه كثير مما يزعجنا احيانا فنحاول نسكته وعلى فكره عندي مولود بعده عمره 6 اشهر الناس قالو لي يمكن غيره رغم انه يحبه مره ولامره حاول يأذيه ارجوك ان ترد علي بطريقة التصرف معه ومعاملته ولك جزيل الشكر

مرحبا اختي واسفين على التاخير .... هل اتبعتي التمرين خطوة بخطوة؟ ومازن ايش صار علييه؟

نعم اتبعت التمرين اكثر شي مع فارس لانه مابيروح المدرسه استغل الفرصه لانه لحاله بس مازن للاسف كذا مره بس سويت له التمرين مازن الحمد لله بعد دخوله للمدرسه احس انه خفت عنه التاتاه الان اكثر شي متعبني فارس ؟

بحسب ما اراه انوو حالة ولدك ليست تاتاة بمعنى )stuttering الاصح هو لدية سوء تعلم للتاتاءة acquired stuttering in language acquisition stageيعني تقليد لاخية في مرحلة اكتساب اللغة>>> وهذا يتطلب برنامج تتعاملي معاة في البيت بطريقة معينة (يصعب وصفها بدون رؤية الطفل) وباذن الله يزووول>>> سوال هل الحالة موجودة الرياض ??? واي مستشفى يتبع?

انا ماأتابع معه في مستشفى و نحن في جده هل تنصحني بمتابعته مع اخصائي واذا ماتابعت هل بياثر عليه وهل الغيره مثلا لها دور وهل حالته تعتبر صعبه ام وسط ام...... وشكرا تحملني دكتور من كثر الاسئله والله يجعلها في ميزان حسناتك ان شاء الله

والله للاسف لا اعرف في جدة الا مجموعة من الاخصائيات وسا اسال لك عن اخصائيات واجيب عليك لاحقا..
الغيرة لا علاقة لها باللغة او التاتاة بشكل مستمر........
تحياتي