الراتب طـــــــار // قصيدة ........................................ ...!!!!!
الراتب طـــار قصيدة متعوب عليها مانـي متابع للسيـاسة والأخبــار= ولا همـني أوباما ولافوز ماكـــيـن ولا همني وش قال حسني وبشار= وما همني لو زادوا الهند والصين وما همني لو سوق الأموال منهار= وماهمني لو كان خسروا ملايـين ماهمني الا راتبي ذا الشهر طــار= كله صرفته يوم خمسة وعشرين بعثرت مدخولي على يمين ويسـار= وقعدت وعيالـي نصفّـق بـكفــين 1300 عـلـى طـــول فــ إيــجــــار= و400 مصروف جوال في زين و 1150 في شــركـــة إعـــمــار= قرض ٍ أخذته وشفطـوه الشياطين و1100 تجديد وأتعـاب سـمــسار= عندي استمارة مطوفة حول عامين و400 فــاتــورة المــاء والأنـوار= حـتـى ولـو كـنّـا للأنــوار مـطـفـيـن وأمــا 800 بـســوي بها الــكــار= سـيارة ٍ جـربـا ثــلاث وثــمـانـيــن لا شـمـة الراتـب يجـيها كـما الزار= تنـفض مكيـنتها كما نـفض بوكليـــن وام العيال تـصـيح يا زوجي البار= هذا الشهر عندي في القصر عرسين احتاج انا فستان من عشرة امتـار= وأفصـله يا فـالح الـراي بـألفــــيـــن وأخر مئة بتروح في جيب كومار= الحارس الهندي عسى فـاله الشـيـن ويقـول ما تـكفـيـه للفـلفـل الحــار= زعلان يبغى فوقها زود خـمســـيــن وزادت معانـاتـي مع زود الأسـعار= أصبح مثل ما قيل طاق ٍ بطاقـيــــن أزمة مسـويها مــداهن وتــجـــــار= وراحوا ضحيتها الضعوف المساكين منـحاش من نـار ٍ وطـبيـت في نار= ويا ويل حـظ اللي وقــع بيـن نـاريـن وإن الجمل صابر على الضيم صبّار= وان طاح تكثر في جنوبه سكاكـين أبديت ما في الصدر من هم واسرار= بأقولها واخلي الخافي يــبـيــــن يا شيوخنا لا لا تغضون الأبصار صار= المواطن يشكي العسر والدين وانتم به ادرى ياطويلين الأعمار= بالله عليكم شوفوا الوضع بالعين -------------------- وسلامتكم من البريد |
نقرأ مشاركات كثيرة لكن مثل هذا الابداع والتميز وقوة التصوير صعب نجد. :thumbsup::thumbsup::thumbsup: https://www.mqataa.co/vb/uploaded/13104_01261512112.jpg |
صح لسان قائلها واعانه الله على وضعه الصعب
سلمت يد ناقلها |
مشكور اخي على النقل
بارك الله فيك |
صح لسانه
الله يصلح حالنا ويهدي تجارنا ... ينقل للقسم العام |
فعلاً الراتب طار
|
يعطيك العافيه اخوي خالد 1.:thumbsup:
|
صح لسانك ولسان قائلها
|
@وزوجي اذا طلبته قال كل شي طار - من وين اعطيك من وين من وين@
@اطلبي من الله يزيل الاعسار - وأن زال اشتري لك كل اللي تريدين@ طبعا هالبيتين من تاليفي المتواضع 0000 الله يرزق كاتب القصيده والجميع انشاالله0 |
اقتباس:
من كثر طلبات البيت الزوج ينهار --- وينشب في القروض والدين أكل واغراض وعلاج وايجار ---- من وين يوفر كل شي من وين الله يعين الجميع وتتحطم الاسعار --- وقتها كل غالي يرخص لزين |
الساعة الآن 12:52 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by