انستي عزيزتي .. تريدين ان تنحفي او تسمني ..تفضلي
في كثير من منتديات البيع والشراء اعلانات عن النحفاه والرشاقة وتخفيف الوزن وتكبير الصدر ومايحتاج تكبيره ....... في وقت قياااااسي ! وكذلك العكس ...!!! في احد الاعلانات يقولك ينقص لك 6 كيلو خلال اسبوع !!!!! ( حشا لو كانت عملية شفط ) وهالنوع من الاعلانات اكيد مر عليكم في المنتديات او بعض القنوات الفضائيه المشكله يقولك مرخص من هيئة الدواء والغذاء ... وهي ماتدري وين هئية الدواء فيه الاشياء الطبيه مثل هذه يجب ان يكون تصريحها من وزارة الصحه بتصريح رسمي ولو سألت عنه تجد الجواب لديهم طبعا الشاي ارحم من هالخلطات اللي ماتدري وش بداخلها من بلاوي وهناك من البلاوي ايضا الكريماااااااااااات المعجونه والمسحوقه مع كرتوزونات وبلاوي كيماويه من دول شرق اسيا لها مضار على البشره هالحين المكياج الغير اصلي يسوي مشاكل فما بالك في كريمات مصنعه بالبيت بالبركه وعلى كتاب معين !!! عموما انا انصح الاخوات اللي يبيعون مثل هالاشياء ان يتقوا الله في الناس وليسوا محل تجارب وعقول الناس ليست مخفه كما انصح المشتري ان يتاكد ميه بالميه من مصدر المنتج وماهي محتوياته بالضبط واين تصاريحه اذا كان يدعي البائع انه مصرح له بالبيع من جهه حكوميه بالسعودية كتب ذلك للنصيحه العامه وشكرا |
ما قصرت يامقاطع القاطع لكن من يسمع من يعي من يستوعب ؟؟ رح شف العطارين وزحمة الحريم عندهم تقول ساحرينهم اللي تبي شي لمعالجة الشيب واللي تبي لتخفيف الكرش واللي تبي وصفة للحمل واللي تبي ولا تدري وش تبي احيانا اطالع شريط قناة بداية واضحك يا ان بعض الحريم مدمغات واللي وقع الفاس بالراس قالوا ياليت اللي جرا ماكان |
اقتباس:
مقاطع فعلا مقاطع تخبر الدنيا ومشاغلها :) على قولتك العطارين عندهم تشوف بلاوي واعجبتني جملتك اللي تقول واللي تبي ولا تدري وش تبي ههههههههههههه اما قناة بدايه يسموونها قناة الموسوسات :) مع احترامي للعاقلات :) |
هههههههههه عز الله انك جبتها قناة الموسوسات ماقد جيت للبيت الا اسمع ماشاء الله صوت المشائخ ملعلع وام عبدالله مساكه قلم وورقه وتكتب من هالوصفات وهالخلطات اللهم ياكافي وكل حرمة تخرط على الثانيه |
ايه ذكرتني بالمسلسل الكويتي القديم
حسينوه يوم يقول هات منقار هدهد وعين ديك ونمله عرجاء واخلطهم ...............هههههههههههه فعلا بعد هالسوالف أمنت بالمقول اللي تقول: كل صاقط له لاقط وهالحريم يوم تشوف كشختها وشهادتها تقول وش هالبروفوسوره ويوم تدخل بالتفاصيل وتشوف التفكير تقول يالله المستعان ويبن مناصب بالبلد :) ايه هين :) |
| الساعة الآن 08:08 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by