$ $ فـــــ التوفـير ــــن $ $
فـــــ التوفـير ــــن * قـيد كل المصاريف الثابتة لك شهريا على ورقة _ كالفواتير أو ايجار البيت ، راتب الخادمة ، بنزين السيارة ، مواد غذائية _ واخصمها من مجمل دخلك.. * والمتبقي... اخصم منه 8 او 10 بالمئة للصدقة.. وتذكر انه ما نقص مال من صدقة ، و أن الله يربي الصدقات . * الباقي معك... اخصم منه 40 بالمئة للتوفير.. * وما يتبقى في الأخير.. مخصص للمصاريف غير الثابتة .. من لبس أو سفر أو ترفيه ،أو حالات طارئة مثل اصلاح السيارة أو علاج .. الخ *** الى هنا تكون صرفت من دخلك على الضروريات ، و تصدقت ببعضه و وفرت جزء منه .. والباقي هو بيدك فتصرف فيه بحكمة . / \ / لن تخرج من الموضوع بخفي حنين اذا كان دخلك في الحضيض ومافيه أمل توفر :D في ظل هالغلاء الفاحش .. فلا أقل من أن تتعلم الطريقة التي تساعدك في تقسيم دخلك بشكل يحفظ لك الحياة الكريمة طوال الشهر ، ويجنبك الحاجة للإقتراض الذي أوله حرج وآخره هم :( والله يوفقنا واياكم :) . |
اقتباس:
لكن إذا الراتب 5000 .. يعني 5000 - 1500(أجار) - 1000(مواد استهلاكيه) - 800(راتب خادمه) - 500 (بنزين) - 400 (تلفونات) - 200(كهرباء) = 600 ريال باقي من الراتب .. 60 ريال صدقه .. يعني 600 - 60 (10% صدقه) = 540 ريال هو الباقي من الراتب .. على قولك 40% توفير .. يعني 540 - 216 (40% توفير) = 324 ريال باقي من الراتب 5000 اللي هو راتب شريحه كبيره من المجتمع ... وش رايك هل يكفي للي تفضلتي به .. أنا أعتقد 7500 ريال كبدايه يمكن يتحقق ما أشرتي إليه .. وش عاد اللي رواتبهم أقل من كذا وش يسوون .................. |
اخوي كاش .. أعرف ان كثير من الشباب ما يقدرون يوفرون في ظل تدني الاجور وارتفاع الأسعار .. لذا ذيلت الموضوع بهذه الملاحظة اقتباس:
وهنا ... الله يخلف على التوفير :D لكن فيه شيء مهم :rolleyes: أحيانا ننفق على المواد الأساسية فوق حاجتنا بدون ما نحس .. مثلا .. بعض الأزواج اذا طلبت زوجته غرض من البقالة.. يجيبه ويزيد عليه غرض ثاني اذا موب أكثر مع ان الزوجة ما طلبته !! و البعض يتقضى وهو جايع .. وهالشيء يخليه يشتري مواد غذائية غير ضرورية لأنه ما استطاع مقاومة إغرائها له والجوع يسيطر على تفكيره . وأيضا لاحظت ان الإشتراك في توصيل الطلبات من البقالة يزيد من الصرف بدون حاجة بشكل ما نحس فيه . والبعض يشتري أكثر من نوعين من الخبز يوميا .. مفرود وصامولي وتوست وأحيانا خبز بالسمسم أو .. أو .. واللي يصير انه يؤكل من نوعين او نوع بينما الأنواع الثانية تفسد .. أو ان كل نوع يؤكل منه كم حبة والباقي يخرب .. فالأفضل هنا شراء نوع او نوعين بالكثير .. وممكن نستبدلها من فترة لاخرى .. أيضا البعض عنده خادمه بدون حاجة ملحة .. فاذا راتبك يادوب يكفيك .. وقادر تمشي حياتك بشيء من الحكمه بدون خادمة .. فليه ما تستغني عنها وتوفر فلوسك وتربح راحتك . . |
والله ياسحابه كلامك جدا مقنع للي راتبه فوق السته او سبعه
بس يبيله ناس تصمل على خطه يحطونها لشهر كامل اما ابو خمسه الاف مااعتقد انها خطه توفير يمكن نقولهم خطه تنظيم الراتب علشان ما تسلفون اخر الشهر طيب ابوالفين او 3او 4الاف يبيلهم خبيراء باقتصاد يحطون لهم خطه علشان يعيشونهم نصف الشهر بدون سلف اقتباس:
|
مقاطعتهم .. هذا هو اللي بغيت أوصله في الموضوع .. خطة للتوفير للبعض وخطة لتنظيم الدخل للجميع .. طبعا عـدا ابو ألفين و3 و4 .. هذولا الله يعينهم .. وأكيد هم أكثر حكمة منا في الصرف على الحاجات الأساسية وعساهم يلحقون بعد . الله يرزقهم ولا يحوجنا لغيره يااارب . . |
| الساعة الآن 05:07 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by