جرير مرة أخرى
 

السلام عليكم
أدخل بالموضوع طوالي
لاني بسافر قررت اشتري لاب بيبي 10بوصة سهل اشيله بشنطتي
فرحنا لجرير
وشفت جهاز ال جي عجبني شكله وكان سعره 1599ومواصفاته جيدة ومكتوب انه 2قيقا
طلبناه وكنت قبل لاشتري اقول لاخوي انتبه للمواصفات انا ما عندي خبرة كبيرة وجرير لهم سابقة في تغيير المواصفات وعلمته بسالفة الرجال اللي انتشرت في المنتديات والايميلات
المهم رحنا للكاشير ننتظر الجهاز قالهم اخوي ممكن تشغلونه قالوا ممنوع قال بس طالعة عليكم اشاعة :zy:قالوا الناس تصدق الاشاعات وتنسى الشي الزين اخوي حبيب التفت علي وقال فشلتينا:060:شوي ويوصل الجهاز قلت شف المواصفات المكتوبة على الكرتون وهنا الطامة صار واحد قيقا قالهم متاكدين نفس اللي معروض قالوا ايه قال اجل وش هذا هنا ارتبكوا واللي اعطانا الجهاز اختفى وقالوا ما لنا ذنب اصلا العشرة بوصة ماتجي الاواحد قيقا وهنا خطا من الادارة هي اللي دخلت البيانات
قال اخوي ما فيه 2قيقا قالوا لا
قال اجل خوذي السامسونغ وش لك بالشكل وعندك غيره وهذا ما خذته للتصفح وفري قروشك وهم قالوا زيه بيغطون فضيحتهم:zx:خذت سامسونغ ب1199ورحنا وحاسبنا ويوم وقفنا عند الكاشير الخارجي اللي عند باب الخروج علشان الضمان الا وينادون اخوي وقالوا انتظري سلموني الجهاز وجلست انتظر قالوا هالحين يجي ابوكم لان كاني معي ولد اختي :Dقلت طيب
يوم طلعنا قلت وش يبون قال خافوا يوم دروا اني كاشفهم وان ذي وظيفتي شفافوا وظيفته يوم كتب البيانات في ورقة الضمان والاوراق اللي عطوه وقالوا حنا موظفين مالنا دخل وانت نسيت تحفينا بك وركزت على الشين:mad:
المهم رحنا البيت وخليت اخوي واختي يضبطون السامسونغ طلعت به مشكلة لوحة المفاتيح رفضت تشتغل وحتى يوم جربوا الفارة ما في فايدة
رجعه اخوي الصبح وغسل شراعهم وقال تتلاعبون وخلوه يجلس عندهم لحد ما يصلحون قال انا مو موظف عندكم وراي عمل يوم ملوا ويبون يغطون فضيحتهم عطوه ال جي اللي كنا نبيه واكتشفنا انا مواصفاته مخالفة وقالوا له ادفع الفرق قال ما استفدت
قالوا لا ادفع الفرق وبنعطيك اقيقا اضافي وبتاخذه بالمواصفات المكتوبة والقيقا مجانا
يعني شفتوا النصب كاتبين عليه 2قيقا وهو واحد قيقا وسعره مسعر على انه 2
رقوا الجهاز ودفعنا الفرق وخذناه من ورا خشومهم بالمواصفات اللي هم يخدعون الناس بها
وهنا قلت لخوي شفت ترى ما ظلمناهم والاشاعة صدق شف وش سووا معنا:blink:
حبيت اعلمكم باللي صار معي
وانا اكتب لكم من الجهاز اللي شريته منهم:lol:

الله يخسهم وان شاء الله كل فلس ياخذوه بالحرام يكون سحت عليهم وبور

آمين

والله قمة الإجرام ..... و للأسف الفساد مستشري في البلد وكل واحد على كيفه .... واللي ابي أعرفه وش مهمة وزارة التجارة ؟!!!!!!!!!!!!!!!!!!
واللي قدرت أستنتجه من كل اللي قاعد يصير إن وزارة التجارة تتاجر بأرواح المواطنين وجيوبهم ولمصلحة التاجر الفاسد ..

ما حولك أحددددددددددددد:wounded1:
شكرا لمرورك

اختي الكريمه اي شخص يبي ينصب من حقه؟؟

مافيه قانون يحاسبه

اذا كان الجهاز اللي في بالي معالج اتوم وياتي بـ واحد قيقا بايت رام من غير سي دي روم
وسعره مابين 1100 الى 1150 وممكن تزودي الرام وذلك بتغير الرام ون جيجا الى 2 جيجا لان به فتحه واحده فقط السعر اللي دفعتيه كان من الممكن ان تزيدي 150 ريال تقريبا وتاخذي مواصفات احسن من ذلك من شركة ايسر على العموم مبروك عليك الجهاز :)
نقطه هامه : الجهاز لا يحتوي على سي دي روم في حالة شراء قارئ مع ناسخ خارجي انصحك بشركة دانسات فلديها قارئ وناسخ باسعار جميله ومناسبه بحيث يبلغ سعر الجمله 190 ريال :)
لا اعلم كم يكون سعر البيع في المحلات

شكرا للكاتبه على هذا الموضوع الجيد
كلامك ياخ ااسامه صحيح الا بالتوصيه بايسر انا اشتريت2 لابتوب ايسر وطلع فيها عيب مصنعي في المذربورد اي اللوحة الاساسية ولما طلبت اصلاحه من الوكيل اعتقد "بدل" لم احد اي تجاوب منهم وحاولت عن طريق محلات التجزئه ومحلات الصيانة وكلهم قالو مايصلح ابد وانتهى بي الامر الى رميه بالزبالة تكرمو

بالنسبه للسعر مقابل الاداء فهو الافضل اما المشكله اللتي صارت معك فـ اكيد انه فيه عيب مصنعي لكن الغريب انه لماذا لم يتم تغير الجهاز لان عليه ضمان سنه فـ عند شراء اي جهاز عليك ان تاخذ فاتوره من المحل حتى تضمن حقك
وطبعا انا لا ادافع عن شركة ايسر ولن اقول انها الافضل بالعكس يوجد ما هو افضل
وبنظري وعن تجربتي افضل شركة ولكن للاسف لاتتوفر في اسواقنا هيا alienware
وهيا احد منتوجات شركة ديل فهذه الاجهزه تاتي بمواصفات قوية ..
وشكرا على المداخله والله يعوضك بجهاز من شركة alienware :D بدل الايسر

مادري متى بيعقلون جرير ويوقفون حركات الاستغفال