موسسة تعطي ضمان ولا تنفذه على اجهزتها
 

السلام عليكم
اخواني هذى ما حصل لدي في منزلي والله ما اذكر الا ما حصل مع موسسة تبيع اجهزه منزليه مضروبه وتتعذر باعذار واهيه عن عدم تحمل مسؤليتها واما قصتي فهي كل الاتي
لقد تم شراء مكيف اسبلت 30 الف وحده من موسسة حمد المنيع من فرعه رقم؟؟؟
وبعد تركيبه بحوالي خمسه اشهرفقد اشتعلت النار فيه دون سابق انذار وبعد الابلاغ الدفاع المدني ولكن الحمد لله كانت النار في الجهاز الخارجي للمكيف وكان المكيف لا يعمل اي لم يكن شغال وبعد الاتصال على الصيانه ومطالبتهم بالضمان تم بعث الفرقه وقال المهندس الاول ان العطلحصل في الجهاز ولازم يقول الوكيل بتغييره وبعد ذالك ارسلت الموسسه مهندس من الاداره وبعد الكشف قال الخلل من التركيب مع العلم ان التركيب من الموسسة لكن لم يسجل في الفاتوره التركيب وبعد عدة محاولات تم الوصول الى صاحب المال او على قولهم الشيخ ابراهيم المنيع وبعد التحدث معه تخيلو ما ذاكان رده لقد قام بعد التحدث معه واعلامه بماحصل وقال والله بالحرف الواحد انت من اشعل النارفي المكيف لا اله الا الله والله ان هذى لشي عجيب ايعقل ان اشعل في بيتي واسرتي وبعد عدة محاولات معه قال انت مالك عندي اي ضمان وقال اعلا مافي خيلك اركبه وبعد هذى كله تم الاتصال على المهندس الذي ركبه وقال انا تابع لموسسة المنيع وهو مصري الجنسيه وهذى قصتي مع العلم ان قد كلمت مدير خدمات العملاء عبد الله التميمي وهو اتهمني نفس التهمه لكن على قول المثل اذا كان رب البيت لدف ضارب فشيمت اهل البيت الرقص
ولكن حسبي الله ونعم الوكيل ولكن لن اترك حقي وسوف اعلمكم بما يتم لاحقا
ارجوووو ان لا يحذف موضوووعي

عوضك على الله ويستمر مسلسل التنصل من الضمان لأنه لايوجد عقوبه تردع الضامن ولا تعيد للمستهلك حقه:zy:

أصلا مكفيات المنيع إللي اسمها (هام) والله تقول شبك حمام ما هو اسبليت
الله يعوض عليك ولاجديد في الضمان لدينا لأجل هذا اشتر من دون ضمان وريح راسك ووفر فلوسك

هذى صووووره للمكيف بعد الحريق

الله يخلف عليك
هل راح تشتكيهم ؟

ايش نوع المكيف ؟

وابراهيم المنيع اذا كان قال كذا , الله يحرمه من ريح الجنه !
اعلى مافي خيلك اركبه , الله يركبك ابليس واعوانه على قلة ادبك وطولة لسانه , بس يا اخي الكريمه ودك نصيحتي ...
الشباك ركبه من اي مكان , بس السبيلت لا تروح إلا لشركات خاصه , والله تتعب اذا رحت عند المفرقين هذولا , عندهم عمال يتعلمون على بيتك ...
والأهم من كذا اسألهم عن جنسية العمال الي عندهم , اذا كانوا بنقاليه اعرف ان رجل الأعمال انسان جشع وطماع ويرغم بالربح دون مقابل ...

وانت غلطان الف انك تكلم رجل الأعمال والله , كيف تكلمه وتتوقع منه انه ينصفك ؟ انت صاحي ؟ هذولا شلة حراميه يطرد ورا الريال لين صار كبير وراعي محلات , وانت جاي تطلبه كم الف ؟

كل رجال الأعمال حراميه , وللأسف بعض الناس بطيب نيه يروح يشتكي عند الكبير يتوقع انه ينصفه من الموظف الصغير ....

وتطيح فوق راسه ....

روح طلع تقرير من الدفاع المدني , واشتكيهم عند الغرفه التجاريه وسوي الي تقدر عليه ...

وترا العيار الي مايصيب يدوش , خذها قاعده عندك , اما تجلس وتنام في بيتك وتقول الله يسامحهم وانا مقدر اسوي لهم شي وهذولا كبار ومش عارف ايش , والله انهم ماينامون الليل من خوفهم من القضايا والمحاكم والشكاوى .. وكل يوم والثاني يحس انه بيطب عليه واحد من الي نصب عليهم ...