وزارة التجارة " والمراعي " هام للجميع
 

السلام عليكم ورحمة الله وبركاته


أما أدهشكم سرعه وزارة التجارة في اتخاذ القرار السريع؟؟؟

أين وزارة التجارة عن الارز عن الحليب المجفف والسائل عن الخضار عن كل شئ ؟؟

أعزائي قراء موضوعي الاول في هذا المنتدى العملاق ...

إن مايحدث أمامك يخفي عما يدور خلفكم بمعنا اصح ان وزارة التجارة اصدرت هذا القرار بناء على اتفاق مع شركة المراعي ....؟

بتقولون لي كيف ؟

الان المقاطعه على المراعي بدأت قبل اسبوع تقريبا وشركة المراعي شافت الخساااير القوية عليها وانها لازم ترجع للسعر القديم لاكن كيف ترجع للسعر القديم ؟؟

هل يخرج رئيس الشركة ويعتذر للشعب ويقول اسف برجع السعر عشان الشعب يقول حتى اذا رجع ب 7 ريال ماراح نشتري منك عشان تتأدب الا بأقل من 7 ريال؟

شركة المراعي رأت أنه من العقلانية بعد هذة الخسائر واللبن الخايس اللي تعفن أنها تقلل السعر لاكن بقرار من وزارة التجارة عشان الناس خلاص مايقولون شركة المراعي خسرت من المقاطعة وينزلون السعر اقل من هذا بكثير


ارجو منكم المقاطعة الين يطلع رئيسهم ويقول خسرنا بسبب المقاطعة


وشاكر لكم

المشكله في لبن المراعي مجرد نكهة لبن والباقي بودرة

يعني وين خسارة المراعي والله ما هي خسرانه لو تبيع بريالين

سنستمر في المقاطعة ''

انا لا الوم شركة المراعي ولكن للاسف ان تكون وزارة التجارة دائما في حماية التجار فقد كشفت عن حقيقتها ومدى نفوذ اهل القرار فيها لدرجة اصدار القرارات وبثها على الفضائيات ولكن للظالم يوم ..........

حماية التاجر هي أول شي تقوم به والمستهلك غير مهم اذا لم يتكلم ان شاء الله يوصل سعر عبوة الحليب الف ريال ولما تدخلنا وقاطعنا صدر القرار بارجاع الاسعار ولا ادري لماذا لأجل هيبة الشركة ترجع لها عشان لا تقول انها تضخع للمستهلك المراعي ما زالت في غرورها وغيها