ابنى ٤ سنين لا يتكلم مثل سنه
السلام عليكم دكتور انا ابنى عندو ٤ سنين وزنه ١٣ كيلو هو كان اكله قليل بس اديتو فيتامين بدء ياكل شويه
مشكلته انو مش بيكلم زى الاطفال الى فى سنه يعنى بيكلم كلمات لكن مش بيحكيلى مثلا عمل ايه فى المدرسه وبحس انو مش فاهمنى يعنى بيفهم الاوامر مثلا اقولو روح ارمى دى يرمى هات مايه يجيب قول لبابا كده يقول صحى بابا يصحيه ولما يكون عايز حاجه بيقولى زى عايز يخرج ياكل يكلم فى التيليفون بس مثلا لما احكيلو حاجه حصلت كده بحس اوقات مش فاهم وساعات بيفهم بس هو بيفهم كويس بس مش فاهم الكلام معين وهو بيكلم بس مبيحكيش حكايات وبيعرف يعد من ١ الى ٥ بس بالفرنسى بس فى كلام ميعرفوش ويمكن العيب منى انا الى معلمتوش لكن الكلمات الى بنقولها كتير بيقولها وهو زحف بدرى على ٤ شهور ونصف ومشى قبل السنه مع العلم انا عايشه فى غربه فى فرنسا ومعنديش حد اروحلو فدايما لوحدنا وهو بيحب الكمبيوتر اوى وبيفهم فيه جدا وبيلعب الالعاب وكل حاجه لوحدو من عمره سنتين وبيكتب اسمه على الكيبورد لوحدو وهو بيحب الناس اوى وكل الناس بتحبه وبيعد يكلم ساعات اى كلام كده نفسو يكلم وكمان هو دخل المرسه هنا فى فرنسا واللغه مختلفه وانا يمكن مكنتش بكلم ماعاه كتير وهو لسه من يومين عامل عملية اللحميه وانابيب داخل الاذن انا عايزه اعرف ايه مشكلته يعنى فى حاجه فى الدماغ مثلا ولا هو حاجه ممكن تتصلح لو راح لدكتور تخاطب وممكن ودانه كانت ماثره على كلامه وفهمه |
اسفه الكلام بايظ شويه لانى معنديش كيبورد عربى
|
بسم الله ,,, نبدا بتحلييل اللهجة والحالة معاَ: (امزح)
اقتباس:
سوال : هو عايش بين اطفال عرب ؟هل هو يتكلم لغتين؟ متى تم اجراء وضع انابيب داخل الاذن؟ ما سبب وضع الانابيب؟ هل لدية اخوان او اخوات في البيت؟ كيف يطلب في البيت ؟ يعني اذا يبي حلوى او يبي اي شي كيف يتواصل معاكم؟ |
السلام عليكم دكتور*
هو عايش بين اطفال عرب ؟ لا مش عايش مع اطفال عرب هل هو يتكلم لغتين؟ يعنى ساعات كلمات عربى وساعات فرنسى متى تم اجراء وضع انابيب داخل الاذن؟ من اسبوع ما سبب وضع الانابيب؟ هل لدية اخوان او اخوات في البيت؟عندو اخ عمره ٧ شهور سبب وضع الانبابيب لانه كان عنده اللحميه وعملتلو ماء فى ودنو فحطوها علشان الماء يطلع وهتقع لوحدها بعد ٦ شهور او سنه ان شاء الله كيف يطلب في البيت ؟ يعني اذا يبي حلوى او يبي اي شي كيف يتواصل معاكم؟ بيطلب عادي مثلا عايز ياكل بيقولى عايز اكل شوكولاته مثلا بيتواصل معانا عادى بس اوقات بحس لما اقولو عملت ايه فى المدرسه زى مش فاهم شويه يعنى مبيحكيش معايا شكرا اوى دكتور |
اقتباس:
كل اللي ذكرت هي تقلل في اكتساب اللغة.... ليس لابنك اي مشكلة في الدماغ ....حسب ما ورد لي من معلومات منك ابنك لدية تاخر لغوي لكن يتم قياس هذا التاخر لدى اخصائي تخاطب..... ليتم تحديد هذا ما اذا اكان تاخر خفيف (بسيط) او حاااد)) وشكرا |
شكرا لك اوى دكتور
ممكن سؤال كمان لو سمحت مثلا لو طلع عندو تاخر حاد ممكن يتعالج او لا ومش عارفه اروح لاخصائى تخاطب فى فرنسا وهو بيفهم بالعربى اكتر شكرا لك اوى اوى دكتور |
التاخر الحاد للغة لها علاج تاهيلي يسهل كلما قل عمر المريض.....
وكلما زاد العمر زاد تعقيد العلاج .... بالنسبة لابنك.... 80% لا اتوقع انو يكون لدية تاخر حاد لانووو بعمر 4 سنوات+ يقول "عايز اكل شوكولاتة" يعني ان الولد يستبعد من مرحلة "الحاد" لهذا العمر وشكرا |
merci awi awi
|
يا هلا
|
الساعة الآن 11:31 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by