العيش بدوله اجنبيه واضطرابات الكلام لدى ابنى
 

[RIGHT]بسم الله الرحمن الرحيم

اولا أحب اشكر الدكتور على مساعدتك وجزاك الله خيرا
ثانيا انا عندى ابنى 4 سنوات دخل المدرسة السنه دى مع العلم اننا عايشين فى فرنسا هو بيتكلم عربى فى البيت معانا بس طبعا مش بيتكلم كويس يعنى بيقول عايز اوفاحه يعنى تفاحه اكب العبيه يعنى اركب العربية بينطق السين والشين تاء كده و مش بيتكلم فرنساوى خالص بس أتعلم كأم كلمه قليلين آوى لما دخل المدرسة المهم انه فى المدرسة مش عارفين يتفاهمو معاه وكل يوم والتانى ألقاه مخربش عيل او عاضه ومره المدرسة اشتكتلى انه شخبط على الترابيزه يعنى وحاجات من دى انا حاولت مره أوديه للدكتورة تخاطب هنا لكن لما روحت كأم مره لقيتها لما بتوريله صور حيوانات بيقول أسمائها بالعربى وهى تقولها له بالفرنساوى فخفت يتلخبط فبطلت أوديه لكنه اتحسن معايا فى البيت شويه لانه ماكنش بيعرف يقول جمله من كلمتين دلوقتى بيعرف حتى لو ماكنش بينطقها بصوره صحيحه. انا مش عارفه اعمل ايه والله يا دكتور ياريت تساعدنى وهل لو نزلت مصر أجازه أوديه لدكتور تخاطب هناك

انا أسفه أنى طولت عليك ياريت ترد عليا ولك جزيل الشكر[/RIGHT]

مرحبا:
بالنسبة للحالة.....
كان من المفترض ان تقومي بتعليمه اللغة الفرنسية والعربية معا! ولو فعلتي ذالك لما عانيتي من هذة المشكلة
لكن حاليا هو سيعاني من ضعف في الللغة العربية بسبب عدم التواصل مع اقرانة بسبب اختلاف اللغة...
وكذالك سيعاني صعوبة في التواصل باللغة الفرنسية لعدم معرفته بها...
الحل:
يسجل الطفل في مدرسة عربية في فرنسا لكي يختلط مع غيرة وبعدها بستة اشهر يجب تقييمة مرة اخرى

شكرا يا دكتور