إحذروو غسالات دايو الاوتو وديل 170
 

السلام عليكم ورحمة الله وبركاته

الاسبوع اللي راح كنت افرفر ادور على غساله اوتوماتيك

المهم بعد دوخه قررت على ال جي 7 كيلو بـ 1100

وقبلها قلت ابدخل اخر محل اللي هو شركة الباحه

ولقيت عندهم غساله دايو 10 كيلو بـ 1150

وفكرت وياليتني مافكرت قلت الحين ثلاثه كيلو الفرق بـ 50 ريال؟؟؟

وشريتها من عندهم وبعدها بيومين بالصدفه قابلت صديق لي يعمل في مجال الاجهزه الكهربائيه

طبعن مش مكتوب على الغساله السعه ولاشي اللهم الموديل رقم 170 وقلت له اني شريت غساله كذا وكذا قالي انت الحين شاريها على اساس انها عشره كيلو صح قلت له ايه وراني الفواتير ياجماعه انفجعت

الفاتوره من عند عبدالمحسن السويلم اللي هو وكيل دايوو نفس موديل الغساله طالع من المصنع في الاساس 8 كيلو :blink:

وتنباع في الاسواق على اساس انها 10 كيلو ومستحيييييييييييييييل يسجل لك في الفاتوره السعه التحميليه

المهم وبعد مهاوش مع الاداره في شركه الباحه استرجعت فلوسي ورجعت لهم الغساله واشتريت ال جي 6 كيلو وريحت دماااااااغي

المراد من اعلاه ياجماعه قبل لاحد يتهور في الشي اقروو الكتالوجات حق المواصفات تراه مهم جدا

واللي يبي اسعار منافسه للسوق بحق وامانه مالك الا محل على الضامن في شارع الخزان سابقا 18 حاليا قبل البنك العربي بالدمام

واللي يبي اسوي له توصيه خاصه لان كل الاجهزه الكهربائيه اخذتها من عنده

وسلامتكم

حيك اخوي
هل افهم ان بالكتالوج مكتوب سعه وبالفاتورة مكتوب سعه اخرى ؟

صحيح يا اخت جمره

واللي يبي الدليل يتصل على مؤسسة عبدالمحسن السويلم بما انه الوكيل المحلي لدايوو

ويسأله عن الغساله دايوو اوتوماتيك موديل 170 ويقوله كم سعتها واذا قالك عشره قوله بس الكتالوجات تبين انها ثمانيه
على طول راح يقولك صح هي ثمانيه

حسبي الله ونعم الوكيل

يشهد علي ربي اني ما اتبلى على احد بس السبب انه حرام الغش

ربي حسيبهم هاد غش تجاري
يا اخويا بلغ عنهم لا تسيبهم يغشو اخوانك المواطنيين

الله يبعد عنك كل جشع على هالتنبيه

الكتالوج يجي مع الغسالة وش الحل طيب نشتري همن نقرا ولا نقرا همن نشتري
والله ان التجار هبلو بنا :az9:

عشان وانا اخوك مافي لا رقيب ولا حسيب هل العماله اللي في الاسواق قاعدة تلعب ومكافة الغش معتياطها طناشه وتعرف كل شي وله سعره

حسبنا الله ونعم الوكيل على من يغشنا

استغفر الله العلي العظيم
من غشنا فليس منا
الف شكر ليك يا اخويه