كاشير العثيم الغشاش
حدثت معي هالقصه يااخوان والله على مااقول شهيد في فرع العثيم اللي مقابل مسجد عتيقه السالفه ومافيها جوني ضيوف من الطائف في وقت متأخر من الليل وقلت اروح اشتري لهم بطانيات والحفه المهم كل المحلا ت مقفلة مافي الا العثيم رحت خميت كم بطانيه وعصير نادك <<< مقاطع المراعي وكرتون مويه يوم جيت للكاشير كان معي ولد عمي صغير في عمره خليته مع الاغراض ورحت اشتري دجاج يوم جيت وهو يحسب في الاغراض طلع الحساب 540ريال كان معي شبكه ومن اراد الله ان يكشف خبث هذا الكاشير الحرامي ماطلع فيه المبلغ المطلوب قلت بروح صراف سامبا اصرف معي كم صرافه فيها حدود 200ريال المهم رجعت مره ثانيه قلت ماعندي الا 250 ريال نقص الاغراض حتى توصل المبلغ الموجود معي المهم لخبط شوي الحرامي مابقى الا وسادة ولحاف والعصير والدجاج وكرتون المويه وطالع السعر 300 ريال عرفت ان الموضوع فيه لعب قلت يالحبيب الاغراض ماتوصل هالسعر جاء المشرف حقهم قعد يحسب في الاغراض من جديد المهم وصلت 240 ريال قلت ياخي حرام عليك الله تسويه وانا مو اول واحد تسوي معه هالحركه رد علي بكل وقاحه قال والله ماكسب العثيم الا انا قلت الله لايسامحك كنت مظطر اني اشتري من عندهم دفعت السعر ومشيت يوم انا طالع والا كاشير يناديني يقول هديتك هديتك قلت وش هي والا جايبلي شوربة كويكر وعلك نوفا قلت مسوين بترشوني قال اقول احمد ربك قلت بعد تسرقون فينا ولك وجه ترد انتهت السالفه وصف الكاشير الحرامي لأخذ الحيطه والحذر منه اسمه الشهري ودب وقزم وتوه صغير في سنه يدبل السعر لاجاء يقراء الباكورد عشان ياخذ الزياده لا سامحه الله |
حسبي الله عليه الواحد لازم يتابع معهم
|
مارح يجني خير شكرا على التنبيه
|
الله لا يبارك فيه حسبي الله عليه ..
|
اخي الحبيب ما يقدر يأخذ ولا هلله ...
لإنه يحاسب على الفواتير بالهلله فجهاز الكاشير يعطيك نسخة و يبقي نسخة في الجهاز و عند انتهاء وقت المحاسب يقفل الجهاز و يوخذ ما به من نقود و يجب ان تكون مساوية للمخزنه في الجهاز و التي يطبعها المسئول عنه ويكون في آخرها المجموع الكامل لجميع الفواتير ..... واذا كان هناك نقص فعليه تكملة المبلغ ... عرفت الحين ليش بس السعوديين يعملون محاسبين آلة (كاشيير) النقص عليهم و يواجهون الجمهور المساكيين بالنسبة للكويكر فهي من حقك فهم يعطون لكل فاتوره مجانا : 200 ريال كويكر 250 ريال فيمتو 750 ريال علبة تانج 2.5 كيلو للعلم فقط .... |
والله أنا دايماً يصير معي في العثيم وهايبر بندة الدمام
وإذا وصلت البيت أراجع الفاتورة إلا مضيفين أغراض ما أخذتها ما أراجع وقتها لأني دايم أترس السلة يوم أوصل الكاشير أحط الأغراض قطعة قطعة للسير حق الكاشير وهو طبعاً يحسب وأنا ما أشوف أبي أراجع بعد الحساب بس الناس ماسكين سرا وراي ما أقول غير حسبي الله ونعم الوكيل |
حسبي الله عليه الواحد لازم يتابع معهم
|
ان بعض الظن اثم
|
لازم نتثقف ويكون عندنا وعي طلب فاتورة لكل غرض يتم شراءه ثم التدقيق فيها وعدم التهاون بحجة كثرة الاغراض او ان الاخرين واقفين في السرى خلفي ينتظرون لانه في الاول والاخير انت الي راح تاكلها وتدفع الفلوس من جيبك انت مو اي احد غيرك
|
راح اقول شئ يمكن ناس يقوولون انت فاضي
اشغل اله حاسبه في الموبايل وكل شئ احسبه الشغله بسيطه ماتحاج تعب عشان تعرف المبلغ الي عليك قبل توصل الكاشير |
| الساعة الآن 06:24 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by