رمضان+ العيد + المدارس :(
السسسسسسسسسسسسسسسسسسسسلام عليكم
صباح \مساء الخير اخواني واخواتي مثل مانتم عارفين الشهرين الجايات ظغط غير طبيعي على الراتب :wounded1::crying: وصرآحه بحثت عن موضوع يشبع حاجتي لم اجد قلت انا ابادر بالسؤال علكم تساعدوني ماهي خططكم للمتطلبات التاليه رمضان + العيد +المدارس ماهوالافضل والاوفر يعني وش تنصحوني فيه ابي خبراتكم السابقه وكل عضو يفيدنا بما في جبته كنت مفكر اخذ الاغراض الان بس اخواني بس يتعذرون انه في الوقت هذا ماهو موسم ولاتجي اغراض زينه من ملابس عيد وشنط مدرسيه غيرها نصائحكم لاهنتوا:thumbsup: |
هي فعلا فترة حرجة و صعبة على الجميع.
الحل الوحيد الترتيب و إستغلال الفرص و الإبتعاد عن الفشخرة الزايدة. * رتب أولوياتك * إستغل العروض المميزة و إشتري ما تحتاجه بدون إسراف * إبتعد عن الفشخرة و المباهاة و محاولة تقليد الغير بشراء الغالي مما لا تحتاج. |
اقتباس:
انسان خفايا اقتصد بقدر الإمكان واستغل التخفيضات ... تعمل تخفيضات بحدود 30 إلى 50% أي توفير مناسب.. لكن انتبه بعضهم يخادع بتخفيضات شف الموضوع يحتوي مواقع مميزة تعرض التخفيضات قبل التسوق مر عليها مواقع تخفيضات "هايبرات . اسواق .معارض . مطاعم . إتصالات . فنادق .خدمات طبية وغيرها " (https://www.mqataa.co/vb/images/style.../multipage.gif 12) ------------------------------------------ الآن الأسواق كلها مخفضة اسعار مناسبة جدّا .... خذ ملابس العيد من الحين مقاضي رمضان ! استغرب لهذه الكلمة ! ليه يختلف رمضان عن باقي الشهور ؟ ليه نحوله إلى استعدادات كبيرة وتقل بنواجه مجاعات وحروب ! المدراس لا يضر لو تقضيت منها من محلات أبو ريالين والشنط الهايبرات تعمل تخفيض عليها ...والمرايل يعينك كل سنة ترفع اسعارها :mad: |
يعطيكم العافيه ماقصرتوا
|
رمضان + العيد + مدارس = لابد التفكير قبل هذا بشهور . أستطعت شراء مقاضي العيد ومستلزماتها من ملابس وأحذية في شهر جمادى الأخرة مقاضي رمضان لا يدخل على بالي أستطيع شرائه في يومه ولا يحتاج إلى ميزانية . مستلزمات المدارس متوفرة بعضها من العام الماضي وأكمل مانقص منه يوم المدارس . |
** أولا : ليش كل سنه تصك هدوم و ملابس بالمبلغ الفلاني ..؟؟
قسم عندي خمس ثياب بس بصراحه ما ألبس كثير لها الان سنتين و الحين ماشه في الثالثه .. كأنها جديده و ما عندي نيه أفصل ( غسيل + كوي ) في المنزل و انتهينا .. والشمغ زي الثياب عندي شماغ و غتره و جديده و لله الحمد .. ليش الفشخره ..؟؟ ** الأكل لا تسرف ثم لا تسرف .. البعض يقول هالسنه بشتري اللي أحتاج ثم حده يطب في الأسواق ثم يهيم فيها و يشتري اللي يبي واللي ما يبيه و البزر اذا قاله ابغى كذا قاله خذ يا بابا ؟؟ وما يرتاح على الفطور الا اذا السفره مليانه و في الأخير نصف النعمه يرميها ؟؟ صحن مكرونه مع نص دجاجه + ماء + عصير + شوية فواكه + صحن حلى << أحسن فطور عندي بس المدام تحب تغير أخليها تغير على راحتها بس والله ما تتعدى هالأصناف ثم اتفرغ لعبادة ربك ** بالنسبه للمدارس و الأعياد الولد صغير ما بعد مشى نشوف اذا كبر و اصلحه الله و دخل المدرسه هوو إخوانه ( يا كريم ) بعدين نقولكم كيف بنتصرف معهم .. ** ترا الدعوه مو بخل لكن والله عاده خلاااااص .. ما أحب الفشخره مع العلم إني أهتم بمظهري لكن في حدود المعقول .. نسيت أقولكم إذا دخلت محل أبي أشتري غرض خصوصا الملابس أطفشهم و أفضح بهم بين الزباين حتى أخذ الغرض بالسعر المناسب ... << في شهر رجب يا ناس فستان للمدام نزلت سعره من 350 الى 230 ريال و أنا عارف انه كسبان لكن شي أهون من شيء ..!! و بالتوفيق لي ولكم ..... |
الملابس أستغل التخفيضات هالحين
ومقاضي رمضان خذ الأساسيات والباقي قبل رمضان بيتنافسون بتنزيل الأسعار والفيمتو أكبر دليل اللي يباع بريالين قبل رمضان:wavetowel3: أما لوازم المدرسة فالله يخلي رامز عنده أشكال وألوان |
عووووووووووافي للكل
|
| الساعة الآن 08:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by