مغاسل الرهدن اغلى من مغاسل الجبر بأكثر من اربعة اضعاف
 

كان معي ثلاث زوالي ( سجاد ) مقاساتها صغيرة لكنها حرير

ورحت لمغاسل الرهدن

شافها وقال ب 300 ريال !!!!

صراحة ذهلت من المبلغ

قلت ليه ليش يالحبيب ... اشتري جديد ارخص

قال لي سجادتين الواحدة ب 90 ريال والثالثة ب 120 لأنه مقاس اكبر

المهم اخذت الزوالي ورحت لمغاسل اخرى

ومن ضمنها مغاسل الجبر في حي الفلاح

قال لي ب 77 ريال !!

قلت له يا اخوي خل القطع الصغيرة ب 50 والكبيرة ب 70

قال لي يا اخوي الثلاث ب 77 ريال !!

تخيلوا

لا واعطاني خصم 7 ريال يعني صارت ب 70 ريال !!

يعني الرهدن يغسل الزوالي بأكثر من اربعة اضعاف سعر مغاسل الجبر

قال ايش قال يطلعها جديدة

اقول يالرهدن بلا بكش وكذب على الناس

اذا كانت البقع اللي في الملابس ما عرفت تشيلها كيف ترجع الزوالي جديدة ؟

تحياتي

اعرف ان الرهدن يغالي بالاسعار و لكن هالفرق الكبير ماكنت متوقعته ابد ..
تشكر ماستر على هالموضوع ...

ثوب شتوي ينغسل ب 18 ريال يعني كم غسله وكأنك دفعت قيمته يعني بالعربي
فصل ثوب احسن من تغسله

مشكور
 

السلام عليكم
كنه انا يوم رحت اغسل 2 زولية
و الله قالوا لي 400 ريال - الوحده 200 ريال لانها صوف
و الله كلمت المسؤل عندهم في المركز الرئيسي - حي الملك فهد على ما اعتقد -

النكته و الاتصال بهم مو علشان تخفيض

و الله مكلمهم اقول تكفون خلوا الزوالي عندكم و عطوني 400 ريال و ابسوي خصم
خلوهم 300 ريال

لا حول و لا قوة الا بالله العلي العظيم

الله يعطيك العافيه على الموضوع المهم واللي كنت ابي اتكلم عنه من زمان,,

لاني قبل سنه اشتريت شماغ بركر دان جديد,,

وجلست حوال اسبوعين قلت ابي مغسله زينه يهتمون بالشماغ لانه اول غسله له,,

مابطول عليكم.. المهم عطيتهم الشماغ(وكتبت على الفاتوره عنايه خاصه)

ورجعت لهم بعد يومين ,, وخذيت الشماغ,,

يوم ركبت السياره واشوف في الشماغ من ورى عند الختم مشعين من اثر

اللزقه اللي حاطينها عليها شاقين الشماغ شق,,

رجعت لصاحب المغسله:mad:قال مالي دخل هي تجي من المغسله كذا لانها ماتنغسل هنا,,

المهم خذيت رقم الادارة,, ومن واحد في واحد حتى وصلت للمسؤل عن التعويض,,

قالي بكل برود ياخي مالك حل الا التعويض,, قلت ذا اللي نبيه يالله وترى انا شاري الشماغ

بـ240 ريال قال اوكي جلس يحسب شوي قال نعطيك 29 ريال...!:jg1:وبشرط يكون معك

الفاتوره,,

قلت ماتقدر توصلها 35 تكفى:p..؟لاتستهبل يرحم امك وش قصدك,,

قال هالشرط مكتوب في الفاتوره

اذا مو مصدق اقرها وشف لان مكتوب التعويض فقط 12%

قلت حسبي الله عليكم,, وتركتهم والشماغ والله في الدولاب ابو اسبوعين

بسم الله

في المرة الجاية اذا جيت بروح للمغسلة ابتأكد من اسعار الرهدن واقارنها بالمغاسل الثانية في حال فعلا الرهدن نصابين ، ماكثر الله الا المغاسل عندنا تحياتي لكم

عادة يتم الغسيل بالمتر و المتر بـ 5 ريال !!

مافيه امل