منتدى مقاطعة

منتدى مقاطعة (https://www.mqataa.org/vb/index.php)
-   شركات الاتصالات (https://www.mqataa.org/vb/forumdisplay.php?f=40)
-   -   سرقوني الاتصالات @! (https://www.mqataa.org/vb/showthread.php?t=13954)

مقاطع من الجبيل 11-01-2009 02:10 PM

سرقوني الاتصالات @!
 
حدث يوم السبت 3 \1\2009 م
الساعه : 4:30 Pm

عندي شريحة سوا ( طبعاً بإسمي ) وصار لها اكثر من 4 سنوات ..
وذاك اليوم اتصلت على صديق معه شريحة سوا وهنا بالسعوديه بل بنفس المنطقه بعد
واخذت المكالمه حوالي ستة دقايق .

مع السلامه .... مع السلامه

حطيت الجوال بمخباتي ....... وانتم تعرفون طبعا سوا لما تنهي المكالمه يطلع لك كم خصموا عليك ... صح؟

المهم

طلعت جوالي بعد حوالي ساعتين ابي اتصل ( ودايم ماركز امسح هالرساله على طول )
هالمره طالعت إلا مخصوووم 70 ريال :eek: :eek: :eek:
متى صار؟؟؟؟؟؟
شلووووووون:eek:

انا خابر في جوالي 81 ريال واتفاجئ الا الرصيد 11 ريال فقط :(

صدق ماصدق .... معقوله تسويها شركة الانفصالات كذا عيني عينك .؟؟
لا مايسوونها .... لاني خابرهم بس يسرقون من الشرايح اللي بدون اسم

المهم قلت اخاف متصل دولي او ناسي او او مية عذر .
دخلت على السجل اشوف اخر مكالمه الا مكالمة خويي ابو 6 دقايق


اتصلت على طول باللي ينقعك نص ساعه ( طبعا حطيته على السبيكر ) انتظر سموه
وخبرته قال خلاص برفع لك خطااااب !!

قعد من ثالث يوم ماجاني رد

اتصلت على زميله الثاني
وقال ياخي ماحد رفع لك خطاااااااب :mad:
قلت انا وش ذنبي واحد يكذب علي وانا اصدق :rolleyes:

قال عطني الرقم اللي اتصلت فيه ........ الخ النصب والتحايل

المهم قال قال 24 ساعه ويكون المبلغ عندك بنرفع المعامله

قلت لاتصير مثل زميلك اللي قبلك ......
قال لا افا عليك .............

المهم سكرت وعلى هااااااااااااااك التسكيره

ومن ذاك اليوم لليوم والفلوس على وجهااا لاشفت اتصال ولاشفت رصيد رجع

*** وانا صراحه مرات بالسنه اشوف رصيد بطاقتي ناقص واقول لا يارجل تراك متوهم
او احد اخواني مكلم بجوالي ... ومادقق
بس للاسف طلعت نصبات

،،

الاتصالات
شلة مشلحه متجمعه
لا المشلح المحترم لالقاك بالطريق ومامعاك فلوس يعطيك اما هذولا لايعطون بل يسرقون حلال الناس ............ بعذر غلطة كمبيوتر

....
وليش هالكمبيوتر مايخطي ويحط بحسابنا رصيد !!!!!!!!!

عجبي

انصحكم بالانتباه من هالحراميه

سعودي غير 11-01-2009 02:15 PM

شرحك سرا اخوي
انا اعرف كم واحد مشترك في انترنت الجوال وشحنو بميه ريال لواحد قيقا وبيومين فصلوا النت عنهم يقولون خلاص استهلكت الميه ريال
والسواة والدبره قالوا اشحنو من جديد وراح تتفعل معكم الباقه المهم شحنو وبرضه يومين وانفصل ونفس العذر الاول
عاد واحد منهم اعجبني راح للادارة الرئسيه وسوى ازعاج وجلس لهم جلسه محترمه صح انها طولت بس اخذ حقه مع ان بعض المدراء اللي قابلهم قالوا مزعجدنا عشان ميه خذها وفكنا
لذا انا انصحل اي واحد لو له خمسه ريال مايخليها لو يطلعها من عندهم ويحرقها اهم شي يبرد حرته

قصيمي مغترب 11-01-2009 02:16 PM

اللة يكون فى عونك
انا مثلك كنت مسجل فى جود ونزلت الفاتورة والفاتورة بة 700 ريال رحت لمهم قلت انا مشترك بجود وشلون الفاتورة 700 ريال قالو من قال لك انك مشترك قلت انا مفعل الاشتراك بالرد الالى وقال لى لقد تم قبول طلبك
قالو ما صار شي طيب انا وش ذنبى ادفع الفاتورة عن طريق النصب

مقاطع من الجبيل 11-01-2009 02:17 PM

شكرا اخي سعودي غير

بالنسبه للاتصال بالانترنت انصح الجميع باستخدام شرائح موبايلي ولا يقربون الاتصالات لو تروح لكافيه

مقاطع من الجبيل 11-01-2009 02:24 PM

قصيمي مغترب ..... اثاريك احد الضحايا المليون


حسبي الله عليهم ونعم الوكيل

جمرة غضا 11-01-2009 02:31 PM

هذي الاختلاسات محد يجاريها بالنصب
اذا انت بـ 70 ريال ....حنا سنوا سنونهم واكلونا http://www.s77.com/3DSmile/18/Happy-023.gif
حولت سرعه الاتصال من 512 الى 1 قيقا ,, وادفع فاتورة 1 قيقا والسرعه ماغيروها من عندهم
ويطالبوني الا ادفع الفاتورة !!! ادفع شي ما وصلني !!
شكيتهم وماقصروا ردوا فيني ... اخر مرة اتصلت قلت دفع ما راح ادفع و ياليت تفصلون كل تلفوناتنا الثابتة والجوال ولا ابي منكم خدمة والفاتورة ماراح ادفع منها ريال وابتجه الى موبايلي .... ابد بعد نصف ساعه الا المشرف يتصل ويتاسف
وعدلوا السرعه و اخصموا المبلغ من الفاتورة الثانية
( يعني صدق ان سددت الفاتورة الغلطانين فيها لكن رجعوا المبلغ بعدين )

MoHaMeD1 11-01-2009 02:37 PM

شركة نصب الله يعيننا عليها

أحمد الخزرج 11-01-2009 06:16 PM

اشتكي لهيئة الاتصالات ولا تسكت عن حقك

m r . m e 11-01-2009 10:13 PM

وانا معاكم انصبت من شركة الاتصالات السعودية للنصب

اول ما طلعت خدمة dsl قدمت عليها جلسوا 3 شهور ولا وصلت الخدمة وطلبوني بتسديد 300 رسوم اشتراك طيب الخدمة ما وصلت ادفع لية لا ويقولون ادفع 40 ريال عن كل شهر رسوم خدمة الهاتف (رقم جديد)
يعني 420 ريال على الفاضي الغيت الطلب

و خليتهم زي ما هم وطلعت بأسم اخوي

الحزام انقطع 11-01-2009 11:36 PM

قلنا لكم ان
S T C
تعني Stealing The Customer


الساعة الآن 02:55 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by