لكل من يمتلك رنج روفر أو من يعاني من وكالة السيف
 

السلام عليكم جميعاً
باختصار شديد اللي يمتلك رنج روفر و يعاني من الوكالة و أسعار قطع الغيار و الصيانه أو عنده مشكله مع السيف للمحركات وكيل لاند روفر وجاكوار يتصل على الرقم التالي :


يا اخوان هذا شخص ممكن يوفر لك أي قطعة غيار تحتاجلها للرنج روفر و بسعر خيالي و قطع أصلية 100% و زياده على كذا إذا عندك مشكله في سيارتك الرنج روفر و ما تدري وش هي أو وين توديها أو تحس ان الورشه يلفون ويدورون أو ما اقتنعت بسعرهم أو بتشخيصهم للمشكلة دق عليه و لا تتردد و هو ان شاء الله بيدلك على الحل.
وللمعلوميه الرجال هذا لا عنده ورشه و لا محل قطع غيار وولد نعمه بس انه خدووووم جداًّ و يموت في شي اسمه رنج روفر و لا يستخدم الا هي و من كثر ما يتناشب مع السيف صار يطلب قطع الغيار لسيارته من بريطانيا ويطلب الدعم الفني من بريطانيا و يروح أطرف ورشه ويقوله ركب هذي و فك هذي و أغلب الورش يعرفونه خاصة اللي يشتغلون في الرنج روفر وإذا توهقوا يدقون عليه ويستشيرونه.
اللي عنده مشكله مع السيف يدق عليه و يقص له القصه كامله و هو يصيغ لك ايميل بالانجليزي على كيف كيفك و يرسله على ايميلك و يقولك انت فروده للايميل الفلاني اللي هو ايميل الشركة المصنعه في بريطاني و ما يمديك ترسله الا الاتصال جاي لك من السيف والا من دبي يحلون لك مشكلتك.
عذراً على الاطاله حبيت أن أفيد.


****************
حرر الرقم بواسطه جمرة غضا
ومن يريد الرقم بإمكانه طلبه من الأخ عبر الخاص

No Comment
:blink:

ومصلحته من ذلك :think:
فهمت أنه يستودر من الخارج قطع الغيار ..(هل بيستوردها لوجه الله و بدون مكسب أم بياخذ نسبة؟)
و الكل يستطيع أن يستورد اي قطعه غيار من مواقعهم عن طريق النت ..
وبالعكس استوردها انا أرخص لي من أن خالد يستوردها . أوفر عمولته :blush: غير أني أكون متأكده من مصدرها
ثانيًا اي شخص يرسل للشركة الام على طول الوكيل يتجاوب .. أي ان خالد ليس سبب لذلك :blush:
ثالثًا والأهم
المنتدى يخلي مسؤوليته عن أي اتفاق مع الأخ و لا علاقة له بأي أتفاق مع الأخ

أكيد بياخذ عمولته ولكن على حدّ علمي ان الأسعار اللي يوفر القطع فيها ممتازه و تفرق عن الوكيل كثيير وممكن انت تقدر تطلب من الخارج لكن بتتحمل مسؤوليات كثيره مثل طريقة الدفع و الشحن و خاصة ان أغلب مواقع البيع الأمريكية و الأوروبية ما تتعامل مع بطاقات إئتمان صادره من خارج أراضيها و خاصة إن كانت صادرة من دول العالم الثالث (على حدّ تصنيفهم) و بعدين الجمارك ممكن يمررون لك الطلبيه مره أو مرتين بعدين يبدأ الاستقعاد و الغرامات ولو شحنت شحن سريع بيكلفك بلاوي ممكن أكثر من قيمة السلعه بأضعاف بسبب وزنها.
و بعدين من واقع تجربة شخصية أنا راسلت شركة كيا في فترة انتقال التوكيل من الحاج حسين لشركة كيا السعودية و كان يرد علي بمراجعة الوكيل و انه لا يمكن الشحن ولا حتى البيع خارج نطاق كوريا الا عن طريق وكيل و حتى أن أحد الأصدقاء له تجربة مع شركة مرسيدس بنز و جاه نفس الردّ
وللمعلومية الموضوع هذا لمن قدّ يحتاج له فيه كثير ما عنده لغه انجليزية و ما يقدر يجيب أرقام القطع اللي يحتاجلها أو ما عنده استعداد يوقف سيارته على بال ما يبحث عن القطع و توصل له و أنا ما أشوف ان فيه أي مشكله ان الرجل يطلع عمولته لكن بالمعقول ولا يمكن ان كل شي نحتاج له نراسل الشركات المصنعه في آخر العالم على حبه أو حبتين
اللي بيتاجر الله يرزقه و احنا ان شاء الله من واقع هالحملة ما نحارب التجار أو التجارة مطلقاً احنا نحارب الجشع والاستغلال و المبالغة في الاسعار.

الله يبيض وجهه يقولون ياجمرة غضا ما يخدم بخيل

جزاك الله خير ...

فعلا نريد بديل للسيف ..

اجل تصدقون هدروليكـ .. رنج 2004 ب 7000 ريال وش عليه ؟؟؟؟

والله لو انه طيارة ... ؟

وين رقمة دزه .. والمفروض ينشر ولا يمسح الرقم ... لانه متسبب وله رزقه مثله مثل غيره ..

الحين نستخسر بعيالنا .. وهالحرامية نعينهم ؟؟

وعافاك الله ..

الفزززززززززززززززعه
 

مشكور اخوي على تعاونك
ودنا يتقفل السيف
الفزعه عندي مشاكل في السياره رايحه الفرامل والدينمو شوروا علي إيش الحل

اريد ميكانيكي ممتاز في جده تسون فيه معروف

وين الناس جالي أسبوع ما عينت أحد
فيه حل والا لا........................................
؟؟؟؟؟؟؟؟؟؟؟؟؟؟؟؟؟؟؟؟؟؟؟

أخوي الهندي أنا آسف على التأخير و رقم الرجال أرسلته لك على الخاص لأنه ممنوع عرضه حسب توجيه الاداره.

امتلك رنج روفر
 

الأخ الكريم أرجوا مساعدتي فأنا امتلك رنج روفر موديل 2008 ومن يوم أخذتها من الوكالة ويوجد بها رجة ادخلتها الوكالة اكثر من 6 مرات وغيرولي التواير وما زالت المشكلة موجودة ، ماذا افعل تعبت وكيل السيارات لدينا هو الطاير للسيارات في الامارات . أرجو أن لاتهمل رسالتي