احذروا مكتب الاختيار الامثل للاستقدام وعبد العزيز الحمود
 

السلام عليكم

ياخوان ياناس ياعالم الضغط فل والسكر فل

والمماطلة فل والخيانة فل وعدم المصداقية فل

والكذب فل والاستهتار بعقل المواطن فل

واللعب والاستخفاف بالمواطن فل

والدواير الحكومية في سباتها فل



اسف على كل اللي قلت لمن لاستحق هذا الوصف

المشكلة عندي
تقدمت الى مكتب الاختيار الامثل وهو الاختيار الاحمق بالنسبة لي
من اكثر من ستة اشهر على طلب خادمة وياسلام على الكلام الحلو والاستقبال الرهيب
حتى اني شعرت اني من ال VIP

هذا المكتب قعد يماطل فيني اكل هذه المدة ولم اصل معه الى نتيجة غير بكرة وبعده

مرة يقولون ان الخادمة توصل بعد يومين ومرة بعد اسبوع ومرة على الحجز
ولكن اللي فضحهم انجاز حيث دخلت على الموقع مستخدما رقم التاشيرة فوجدت انها لم تستخدم يعد لا والمشكلة الكبيرة انه متعامل مع اكبر محتال في مكاتب الاستقدام عبد العزيز الحمود حسب مواصلني من كثير من الناس لاني وجدت انه مفوضه على التاشيرة

شوفوا الكذب ياناس

المهم انا بصدد تقديم شكوى لكن ما اعرف اعبر وما اعرف اصيغ الشكاوي
ارجو من يصطيع يخدمني في هذا المجال ان يكتب لي على الخاص

لاني برفع شكوى للوزير وللامير
واذا دعت الحاجة للملك خل
مكاتب الاستقدام ينظر فيها

هنا عضو اشتكى من تلاعب مكتب استقدام .. قدم شكوى عليهم على مكتب العمل وامهل مكتب الاستقدام.. وبعد المهلة استرد العميل فلوسه والغرامة ايضا ..
https://www.mqataa.co/vb/showthread.php?t=24962


يعني من عنده حق لا يتركه يشتكي على مكتب العمل على المحكمه على الامارة الاهم ان لا يترك حقه يضيع ..

وبالمناسبة هنا كم عضو يشتكي من مكتب الحمود !
رد على كل اتهام لمكتب عبد العزيزالحمود بالخبر لأستقدام ‏(https://www.mqataa.co/vb/images/style.../multipage.gif 12)
وتعود حكاية مكتب الحمود للاستقدام ‏(https://www.mqataa.co/vb/images/style.../multipage.gif 12)
مكتب عبدالعزيز الحمود بالخبر
مكتب عبدالعزيز الحمود بالخبر ‏(https://www.mqataa.co/vb/images/style.../multipage.gif 123 ... الصفحة الأخيرة)

اهلا وسهلا بك في عالم الحمود للنصب والاحتيال اول شي طال عمرك رح مكتب العمل قسم التفتيش يعلمونك وش تسوي
وصف معانا وادع ان الله يحنن قلب بابا عبدالعزيز الحمود يعطينا فلوسنا

إخواني الأعزاء في منتدى مقاطعه السلام عليكم ورحمة الله وبركاته 000 أما بعد
فقد كانت لدي معانه شخصياً مع هذا المكتب للأسف
ولكن نصيحتي لكم ولكل من أراد خادمة ان لايتعامل إلا مع مكتب الخالدي للإستقدام والكائن بالخبر الجنوبيه ( الصبيخه ) لأنني انا تعاملت معهم وحقيقة تعاملهم جيد جداً وخلوقين وماعندهم كذب أو خداع مع إحترامي للمكاتب الأخرى وأنا هنا لا أعمل لهم دعايه فوالله ليس لي مصلحه إلا أن ادلكم على شئ يريحكم وودي انكم تستغنون عن الخادمات لأني انا الآن مستغني عن الخدامه صار لي سنه وأسال الله مايحدني عليها من جديد واللي عنده بنات يقدر يستغني عنهم من جهه بناته يتعلمن الطبخ والكنس وغسيل الصحون بكره وراهن زواج فيكونن جاهزات لخدمة الزوج والأولاد ، ومن جهة أخرى يفتك من وجود المرأه الأجنبيه والتقييد بالحركه يعني ماياخذ راحته حتى وهو في بيته ، ومن جهة أخرى يفتك من شر الخدم ومشاكلهن وعوار الرأس ناهيك عن السحر والملعنه وضرب الصغار وما خفي أعظم .

هذا وتقبلوا تحياتي وأأسف على الإطاله لكن من حر مافيني .

@ وسلامي لأختنا جمرة غضا التميميه @

ياجماعة غير المكاتب المشهورة لا تدور
لأنها تخاف على سمعتها ولها فروع كثيرة مو مكتب واحد ممكن يشيل عفش المكتب ويوديه لحراج ابن قاسم
انا مرة خدعني مكتب اسمه جاوة وطلع خادع ناس كثيرة باع عفش المكتب وهج بس لأنه ارخص بـ 500 ريال عن المكاتب الثانية

يأخوان على ماعندي من معلومة مكتب الحمود تم بيعه لأشخاص وانهم قاموا بشراء الأسم
فقط ....
معاناتي مع مكتب الدريس اللي في الملز خمس اشهر وفي الأخير خادمة عمرها 47سنه شكلي بجيب لها
خادمة ههههه
ايضاً مكتب ميمونه للاستقدام في الرياض خادمة حتى يحضرونها 7شهور والله فوضه ...

ولايهون مكتب النجمة الماسية في شارع السويدي العام ماطلوا بي 5 شهور زيادة عن المدة المقررة ويوم جيت اطالب بغرامة التأخير طفشوني كل يوم عذر المدير مسافر لاندونيسيا وبيرجع بعد شهر المدير، المدير في جده راجعنا بعد اسبوع حتى طفشت وتركتهم حسبي الله عليهم .

شكرا للجميع على المشاركة

وابشركم

الخادمة ............................
الخادمة؟؟؟؟؟؟؟؟؟؟؟؟؟؟؟
لم تصل بعد

يا صاحب هذا الموضوع .... وفقك الله

انا قدمت على مكتب الاختيار الامثل للاستقدام ... ونفس مشكلتك تكررت معي
أرجو أنك ترسل رقم جوالك على الخاص ... لنتباحث بالموضوع