إنتبهوا من شركة المراعي
السلام عليكم أخواني وأخواتي الأعضاء والزوار
اليوم وجدت ان شركة المراعي رفعت سعر الجبنة السائلة 0.5 ريال وكانت بـ 5ريال وأصبحت بـ 5.5 وزن 140 جرام , بعد ما رفعوا سعر الزبدة 1 ريال وأصبحت بـ 4 ريال وكانت بـ 3 ريال وقبل هذا 2 ريال وزن 100 جرام , واكيد أنها رفعت باقي منتجاتها , وعلى طووووول رجعت الجبنة من عند المحاسب , ووجدت العديد من المنتجات وبما انني مقااااااااااطع من زماااااااااان المنتجات الدنماركية وجدت جبنة بوك وكأنني لم أرى هذا المنتج , ( للتذكير بمقاطعة الشركات الدنماركية والهولندية والشركات اليهودية مثل دانون المتعاونه معها شركة الصافي ) وأخذت من منتج اخر. وهذه دعوة لمقاطعة شركة المراعي , لآن الشركات الأخرى لم ترفع السعر كما فعلت المراعي , ومن اليوم لن أشتري من منتجات المراعي ابداً . ونتذكر شعارنا الوحيد المقاطعة هي السلاح بعد ما غسلنا ايدينا من وزارة ( التجار ) أقصد التجارة , و( حماية التجار ) عفواً حماية المستهلك , ودورها الغـــــــــــــــــــــــــــــــــــــــــــــــ ـــــائب , الكـــــــــــــــــــــــــــــــــــــــــــــــ ــــــــاذب |
عاد الاجبان تضيع عندها من كثرها :)
من رفع سعره خلوه على الرف منتص ! شركة بريزيدن منتجاتها ممتازة واسعارها معقوله جدا وتقدم عروض ممتازة (جبن مالح , شيدر, سائل , موزاريلا, مثلثات والخ ) |
اقتباس:
صدقتي , خلوه على الرف ( نخليه على الرف لين يغبر وتنتهي صلاحيتة ) اسعدني مرورك , ولك الشكر على جهودك |
والله الجبن اللي يجي مع مويه وحبة سوادء افضل بمليون مره
|
اسعدني مرورك اخي امير
|
اقتباس:
ما يشبعون من الدنيا اعوذبالله من جشعهم هالتجار الواحد عنده خمسمية مليون شركة ويرفع السعر كانه محتاج ...الله لا يهنيهم بدنيا واخره كانهم متفقين على مصنا |
اتصلت على رقم الغش التجاري اللي هو ( 8001241616 ) يعنيييييييي قلت خلني اجرب . . المهم رد علي واحد وقال :- الموظف : كيف اقدر اخدمك ؟ انــــــــــا : ابغى ابلغ عن شركة المراعي لأنها رفعت سعر الزبده الحجم الصغير بنسبة اكثر من (30%) بمقدار (1) ريال . الموظف : يعني انت تبغى تبلغ عن بقاله رفعت السعر ؟ انــــــــــا : لا عن شركة المراعي نفسها لأن السعر ارتفع في جميع المحلات من الشركه . الموظف : طيب اعطيني اسمك ؟ انــــــــــا : تفضل . الموظف : طيب اعطيني اسم الحي اللي تقع فيه الشركه واسم الشارع . انــــــــــا : اسم الحي واسم الشارع !!!!!!! انــــــــــا :والله ما اعرفه بس الشركة غنيه عن التعريف يا اخي ومعروفه لديكم ومعروف موقعها وليست بقاله في حي مثلاً عشان تستفسر عن موقعها فاعتقد ما يحتاج يتوفر لديكم اسم الحي والشارع عشان تحددون مكانها . الموظف : انا عارف بس ضروي من هذي المعلومات اسجلها في الجهاز لأن السستم ما يقبل البلاغ الا بتدوين هذه المعلومات . أنــــــــــا : يالله ماشي احصل المعلومات وارجع اتصل عليكم . الموظف : حياك الله . هل احد يعرف اسم الحي واسم الشارع للشركه . |
اقتباس:
يارجل يحسبون حتى بالجراااااااااااااااام تخيل الزبادي كان 180 جرام الآن نقصوه 10 جرام ليصبح 170 جرام حسبي الله عليهم |
اقتباس:
مادام قال لك السستم أعرف إنها تصريفه , ماشاء الله عندنا إذغ ارادوا التصرييييف قالوا السستم عطلان , السستم ما يقبل . |
اقتباس:
هذا دليل ان الضعف في السستم من أصله ! طيب وش المشكله لو خلو السستم يقبل بدون اسم الحي والشارع للشركة https://www.mqataa.co/vb/images/icons/icon10.gif |
| الساعة الآن 06:47 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by