شركات التأمين ومماطلاتها مع العملاء " تجاربكم وملاحظاتكم "
السلام عليكم ورحمة الله وبركاته انضم لمنتدى مقاطعة الأخ فهد الموركي وهو صحفي بجريدة الحياة مهتم بشؤون المستهلكين " قضايا التأمين " بصفة عامة سواء تأمين السيارات أو التأمين الصحي وغيره ندعو من لديه مشاكل ومماطلات مع شركات الـتأمين ذكرها هنا مع الأخذ بالإعتبار أن يتطرق إلى 1- إسم هذه الشركة؟ 2-ماسبب المماطلة هل هو ناتج عن نقص الأوراق أم هي مجرد مماطلة فقط بدون أي سبب ؟ 3-كم تبلغ مدة المماطلة ؟ 4-الرجاء تزودنا بالإثبات إن وجدت المماطلة هنا أو على "الخاص " ---- أعضاء وزوار منتدى مقاطعة ... لم يأسس هذا المنتدى لينشر التوعيه للمستهلكين ولا ليعلن المقاطعة ضد الجشعين فحسب بل ليكون ملجأ لكل مستهلك وقع عليه ظلم التجار.. لكل مستهلك استضغف من قبل التجار .. لكل مستهلك غرر به .. هدفنا حمايتكم |
انا لم يحصل لي ولله الحمد ما يتطلب الذهاب لهم ولاكن الكثير من الأصدقاء يشتكي منهم
وهناك من لا يصله مبلغ التأمين لسياراته إلى بعد 4 شهور من الحادث وبعد ما يقوم صاحبها بأصلاحها بنفسه ورغم هذا لا يصله إلى نصف المبلغ في افضل الحالات |
انا حصل لي موقف مع شركة الأهلية لتامين التعاوني
ولكن بعد تسليم اوراقي لهم وعدوني بعد اسبوعين وفعلا قدمت اليهم ولم انتظر سوى 30 دقيقة واستلمت اوراقي وكذلك دفعوا لي المبلغ كاملا ولله الحمد |
شركات التأمين دمرها المرور الذي يلقي عليها اي حادث بدون تدقيق ...
ناهيك عن جرائم التأمين مثل حرق السياره قصدا ليتم تعويضه لسبب او لآخر .. الشركة اللي تفتح عندنا خسرانه . |
جمرة غضا
اعتقد انة خانك التعبير بعض الشئ وذلك فى حكمك المسبق بمماطلة شركات التأمين كافة ووضعك لها فى قفص الأتهام واصدرت الحكم وهو اتهام شركات التامين وتبرئة الطرف الآخر صاحب العلاقة . انا هنــا لااتهم احد ولا ابرئ احــد . ولكنى اعلم الكثير بل الكثير عن اطراف العلاقة جميعا وهم شركات التأمين والعملاء سواء افراد او شركات أوادارة المرور ا و وكالات اصلاح السيارات . ارجو تقبل النقد بصدر رحب ولى عوده للتعليق على الموضوع . |
نرحب بالإستاذ الموركي في منتدى المقاطعه ونرجو الله أن يفع به وبكتاباته وجهوده
ولي تعليق بسيط حول شركات التأمين لدينا من الملاحظ عليهم عدم المهنيه في التخصص بمعنى أن الشركات العالمية لديها خبراء ومحققين ذاتيين في ما يندرج تحت مسئولية المؤمن وما يختص بمسئولية المؤمن له ولديهم وسائلهم الخاصة المتعاونه مع الجهات الأمنية الرسمية . وعندنا لا نرى شيئاً من ذلك البته ولهذا تجد المماطله أحياناً والتسويف تارة أخرى وتقديم أعذار ليس لها على أرض الواقع أي تبرير .فقط لتطفيش المستفيد أو عدم صرف المبلغ المستحق بالكامل . ولا يوجد لدينا وسايل إدارية واضحه للفصل في مثل هذه الأمور وإن وجد فالقليل منا يعرفها أو لديه المقدره والصبر في المتابعة والمطالبه إلى النهايه . وهذا ما شجع الشركات المشار إليها بالتجاوزات لمعرفتها التامه ببواطن الأمور واحوال المواطنيين . إحترامي |
اقتباس:
اخي الكريم أعتقد أن الفكرة والهدف من إدراج الموضوع لم يصل لك بالشكل الواضح أنا لم اكتب مقال واصدر به حكم على شركات التأمين باجمعها وبعدها اغلقه... بل هذا موضوع مفتوح يعرض به كل مستهلك "عميل" للشركات تجربته ومماطله الشركة مع وضع الإثبات لذلك .. وهذا أقل حق للمستهلك على منتدى المقاطعة .. حق له ان يعرض مشكلته ونحاول أن نجد لها حل اقتباس:
|
بسم الله الرحمن الرحيم الأخوة الكرام في منتديات مقاطعة لي تجربة ثرية في موضوع تأمين السيارات مع أبو جميل ( عبداللطيف جميل أو المتحدة للبيع بالتقسيط سمها ماشئت ) ولدي كل الوثائق التي تثبت تلاعبه بحقوقنا وللأسف إشتكيت للشركة وأعطوني رقم ولافائدة:mad: إذا أبرزت كل مالدي فبم يعدنا صحفينا الكريم ؟! أرجو الرد لأذكر قصتي من المعاناة مع أبو جميل لتكون عبرة للجميع :( وشكراً |
موضوع حلو و مهم...
لي قريب يعمل في شركة تأمين و قد حكى لي الكثير من القصص عن عمليات النصب التي تتعرض له الشركة التي يعمل بها و غيرها. و في المقابل نرى و نسمع العديد من الحكاوي من عمليات النصب و المماطلة من الشركات و عن الشركات التي فتحت أبوابها و أخذت أموال الناس و عند حدوث مطالبة لديهم لم يجدوا لهذه الشركات أي أثر. لذلك أعتبر هذا الموضوع فرصة عظيمة لتوضيح أين الخلل بالضبط .. هل هو من الشركات أم من الزبائن و العملاء و أقصد بذلك النصابين منهم الذين يأكلون أموال الغير بدون حق. |
مشاكل شركات التأمين كانت في السابق عندما لم تكن تحت مظلة مؤسسة النقد
واللي اعرفه الآن ان اي شخص لديه مطالبه على شركة تأمين و ماطلوا بحقه يقدم شكواه لمؤسسة النقد ولكن يوجد شركات تأمين نصبت على المواطنين ثم اختفت مثل ميثاق و ساسر |
لحمد لله لم يحصل لي ما يحوجني لهم
بسم الله الرحمن الرحيم السلام عليكم جميعا //// انا ولله الحمد والمنه لم يحصل لي ما يحوجني لهم ولكن نسمع من الاصدقاء والزملاء عن تلك المشالك مع شركات التأمين وللاسف الشديد عندما تأتي للتأمين تجد بجوار المرور عشرات المكاتب وكل مكتب يمثل اكثر من شركه وعندما تطلب منهم الاعتماد من المرور والترخيص لهم تجد اسم شركتهم ظمن قائمه الشركات المعترف بها من قبل المرور وعندما تأتي وتبحث عن الشركه بعد الاشتراك معها لم تجدها وقد اصبحت شيء من الماضي فنرجو منكم التنبيه على ذالك .......ز ونأمل التطرق لغلاء الاسعار الت لم تنخفظ الا شيء يسير وبطيء لم تتفاعل كما تفاعلت عند الارتفاع.... تقبلو ارق تحيه |
شكرا لكي اختي جمرة غضا
انا موظف احدى شركات التأمين انا هنا لست مخولاً بالدفاع عن شركات التأمين في الاونه الاخيره وضعت مؤسسة النقد اشتراطات لأي شركه تريد العمل في السوق السعودي الان اصحبت شركات التأمين تعمل بشكل صحيح مع وجود اخطأ وهذا طبيعي قياساً بعمر التأمين عندنا مشكلتنا فيه افراد هداهم الله يحاولون اللعب على شركات التأمين اما بتزوير الاوراق او بأي عمل كان وعندما تتحق الشركه من سلامة الاوراق ترفض المطالبه بتاتاً ثم بعد ذلك تجد هذا الشخص ينشر ويكتب عن هذه الشركه انها نصابه وحراميه اعتقد انتهى زمن العشوائيه منذ وقت بعيد الشركات تعمل على اسمها وسمعتها في السوق حبيت اضيف نقطه من يريد ان يأمن فليتوجه الى اقرب فرع ... فرع ... فرع لشركة تأمين <<< كررتها 3 مرات لأن اكثر الناس تأمن عند مكاتب في المعارض او المرور ...واكثر هذه المكاتب تقفل بعد مده ؟؟ واضيف نقطه اخرى بحكم عملي في الشركه فنحن نستقبل يومياُ مجموعه كبيره من الحوادث ويتم تعويضهم بالكامل ونرفض بعض الاوراق والاسباب كثيره اللى مؤمن عندنا عطى سيارته لولده اللى عمره 17 سنه وصدم فيها <<< هذا ما يعوض لان عمره اقل من 21 سنه وبعضها بسبب انتهاء رخصة السير للمؤمن له وبعضهم يعكس شارع ويصدم واحد هذا ما يعوض لانه ارتكب مخالفه من مخالفات المرور والتأمين لا يغطي مخالفات المرور كذلك قطع الاشاره وغيرها من المخالفات ..!! عندما ترفض شركة التأمين الاوراق فهذا لا يعتبر انهم حراميه ونصابين ولكن لعدم نظامية الاوراق ..!! او لأي سبب ما ..!! هناك اسباب كثيره |
يعطيكم العافيه على الموضوع المهم
وانا لم يماطل في حقي ولاكن ماحصل لي هو عباره خداع لنا من بعض الشركات التي تستغل ضعف انتباهنا وقلت التركيز وعدم قرائة الشروط بالخط الابيض الصغير الذي يكاد ان لا يرى .. قبل سنتان من الأن حصل حادث لسيارتي من نوع تايوتا كامري مديل 2005 والسياره كانت مستخرجه عن طريق الاجار المنتهي بالتمليك وهو ماحصل بان قدر الله ان نتعرض لحادث وان انتهى في الاخير في الحديد ولله الحمد ولاكن بعد ماجلسنا ندفع ثلاث سنوات شهرياً 1650 ريال لم نحصل على تعويض فقط 6 الاف ريال ولا صلحها بنفسك الصراحه انصدمت كيف تامين شامل على السياره واصلحها بنفسي الي اكتشفته بان السياره فعلاً ملك لهم وهي باسمهم والتامين فقط يغطي ماقمت باقترافه ولاكن لايشملك اي شي صحيح اعلم بان السياره لازالت ملك لهم ولاكن 59.400 ريال الي دفعتها راحت عليا كذا واسترجعت فقط 6000 اي ان مجموع خسارتي وصلت إلى 53 الف ريال وهي اكثر من كذا ولاكن حسبتها في 3 سنوات فقط .. طيب ليش يكذب تامين شامل يصلح السياره وفي الاخير يوم كان الحادث جامد صلحها بنفسك ولا خذ 6000 ريال وضف وجهك :) هذا ماصار لي ولله الحمد إلى ألان مقاطع شي اسمه تايوتا ومحرم على اخواني بعد ويله الي يتعامل معهم النصابين هذوول .. تحياتي لكم |
الله يكفينا الشر
|
موقفنا مع الحرامية للتأمين التعاونية بعد أن تعرضت سيارتنا لحادث قالوا لنا المرور إذهبوا إلى المركز ببريدة أمام مطعم الداجن وجامع الراجحي وخوذوا أكبر خدعةرحنا وكان فيه ناس كثير متذمرين من المماطلة وصفينا معاهم من بعد صلاة التراويح حتى الساعة 2 ص وبعد فترة يمكن يومين أو بالكثير أسبوع تحول مكان المكتب إلى صيدلية وإلى يومكم هذا منذ 4 سنوات وحنا مالنا قبيل إلا الله سبحانه
|
بالبدايه السلام عليكم ورحمه الله وبركاته موضوع شدني بصراحه كثير واشكركم على هالموضوع المهم بغض النظر عن تأمين السيارات والحوادث ... انا بما اني اعمل في مجال التعقيب ولدي عمالة وعندي الخبره بالخوض في الدوائر الحكوميه بالقصيم بالتحديد مدينة عنيزة يتفاجا الناس دائما عند تجديد الاقامه على حسب النظام او بمعنى اصح على حسب مزاج الحاسب الآلي التابع للجوازات ان يرفض تجديد الاقامه الا بعد تأمين صحي للعامل .... نقول آمنا بالله ونستعين بالله ونبي نروح نأمن للعامل الشكوى لله مع العلم انه له تأمين في التأمينات الاجتماعيه .. فل نفرض ان العامل باقي بانتهاء الاقامه 7 ايام وتنتهي لما اروح للتامينات التعاونيه ردهم لي التأمين راح يفتح الجهاز بعد (من عشر ايام الى خمس عشر يوم ) يعني خلصت الاقامه في اليوم السابع والمهله ثلاث ايام .. يعني باليوم العاشر لو ما اخلص الاقامه بتنزل غرامه للعامل وهي 500 ريال طيب انا وش ذنبي اذا نظام شركات التأمين هي اللي منها سبب التأخير ؟؟؟ وهذي نقطه مهمه جدا انا ما ادري ليش بمدينه عنيزة يجلس من عشر ايام الى خمس عشر يوم طبعا اتكلم عن مدينه عنيزة بالتحديد لاني اجهل المدن الاخرى ... وياجماعه الخير ناس واجد اكلو من الغرامات وهي التأخير بسبب تأخير التأمين الصحي للعامل وهذي نقطه مهمه جدا وعانا منها الكثير . وشكرا لصاحب الموضوع ولي عوده |
- إسم هذه الشركة؟
شركة الاهليه للتامين التعاوني 2-ماسبب المماطلة هل هو ناتج عن نقص الأوراق أم هي مجرد مماطلة فقط بدون أي سبب ؟ السبب مماطله عشان مايدفعو لي الفلوس يتحججون باعذار واهيه كان المبلغ الي ثمنه المرور وثمنه الوكاله 9000ريال قطع واصلاح وراجعة المرور يوم الاربعاء وقالي تعال السبت قلت لهم سيارتي اصلحها قال ايه صلحها وهذي ورقة الاصلاح وبعدماتصلح طالب التامين وصلحتها وراجعة التامين وقالو ليه تصلحها مالك فلوس عندنا وهددتهم اني باشتكي لمؤسسه النقد وافضحهم في الانترنت وقالي موظف تعوذ من بليس وجاب لي شاهي وقال وش رئيك نعطيك 4000ريال وخلاص لانك لو اشتكيت لمؤسسه النقد مارح تاخذ حقك المهم وافقت قلت شي احسن من لاشي وقلت باخذ حقي وبشتكي اتصلت على مؤسسه النقد وقالو ياحبيبي فيه ناس مقدمين لهم سنتين مابعد جاهم رد تبي نحطك معهم في السرى ؟؟؟؟؟ قلت لا شكرا وسلمني على المؤسسه وقلهم ناموسية كحلي 3-كم تبلغ مدة المماطلة ؟ شهر ونص 4-الرجاء تزودنا بالإثبات إن وجدت المماطلة هنا أو على "الخاص " ماعندي لاني سلمتهم كل الاوراق قالو اذا تبي فلوسك سلمنا كل الاوراق والله على ماقول شهيد المهم ياشباب اي واحد يصير له شي لايصلح السيارة والا يصورها ويحتفظ بكل قطع الغيار يخليها في شنطة سيارته واذا لفو ودارو هددهم بمؤسسه النقد والتشهير في المنتديات وسلامتكم |
الله على الظالم
والموضوع والفكرة طيبة اتمنى فضح المتلاعبين والتشهير بهم |
من الصباح وانا رايح العمل يعني اكبر توريطه
وانا طالع من شيشة البنزين يعني لاسرعه اجا مصري موظف شركه ويضرب السياره وما مشت بعد الضربه المصري الو كلم كفيلو 5 دقايق وهو في الموقع راح المصري وهو المتسبب ومشت حياته طبيعيه وانا انتظرت المرور لما وصلت ودخلنا في دوامة الحوادث مرور والأهليه للتامين الي بعد 5اسابيع ماعجبها مخطط الحادث وتبي يكون 50%50% ومره ثانيه دوامه وكلفني الاصلاح 5000 ريال والتامين ماطلع الله وكيلك الا بعد 6شهور من المماطله وكل موظف يرميني على غيره وفي الاخير 3850ريال حسبي الله ونعم الوكيل |
السلام
صار لي مره موقف كنت اسير في الطريق وفجاة انحرفت سياره امامي بسرعه شديده تاركتني وجهاً لوجه مع صبه في وسط الطريق الهاي وي وهو الطريق الدائري الصبه في منتصف الطريق تقريبا عبارة عن مربع اسمنتي بدائي ربع متر في ربع متر يمتد منه سيخ حديدي المفترض انه يحمل علم او اشارة تنبيه المهم ليس عليه شئ دخلت الصبة تحت السياره وسبب مشاكل و الحديده ضربت مقدمة السياره الشبك على الكبوت وقفت على جنب وطالعت الصبه وجدتها وحيده في وسط الطريق وبعيدا عنها صبة اخرى مثلها غير واضحة المعالم والسبب هو وجود شركة مقاولة سوري المقاول يركبون نخل في وسط الطريق ولكنهم بعيد عن الصبه بنحو 1 كم واتى بعد نصف ساعه ولم يكن عنده اي وقت لي قام وضف عفشه وصباته وصحت فيه ورجل المرور يسمع قال لي اتركه مالك شغل فيه قلت كيف هو السبب قال انت مؤمن سيارتك صح قلت ايه قال خلاص انتظر قمت اتهاوش مع السوري واوريك ويصير خير وما الى هاذا الكلام في اخر شئ ناداني رجل المرور طبعا السوري راح وعماله ماعاد فيه الا الخلاء قال المرور خذ الورقه وعلى شركة التأمين قلت شلون وش دخل التأمين قال تبي تصلح سيارتك ؟ قلت نعم قال : خلاص رح لشركة التامين قلت طيب والمقاول هاذا والتعدي على الناس قال الشركه راح تصلح سيارتك وانت الحمدلله وقام يصرف وركب الدوريه و راح سحبت السياره ورحت للتأمين وصلحوا سيارتي ب 18 الف ريال ماقصروا شئ يقهر كلما اتذكره لاني مادافعت بالشكل الكافي عن شركة التأمين |
مجهود مميز واضافه مميزه للمنتدى بارك الله فيكم
|
بالنسبه لشركات التأمين الخاصه بالسيارات حصل لي سابقاً حادث وكان المخطي يحمل تأمين وتم اعطائي تقرير وخطاب للتأمين الخاص بالمخطىء وكلفت سيارتي بمبلغ 2500ريال ولكن اخبرني موظف التأمين قال لاتصلح السياره الا بعد الموافقة عليها من قبلنا وقلت ليش قال يمكن نأخذ صوره للصدمه ويمكن نعارض على المبلغ المحدد من المرور ولاناخذ بكلامهم يعني معامله رايحه جايه بين المرور والتامين عشان تطفش بس الحمدالله قالوا المبلغ قليل مايحتمل المماطله . واشكركم على اهتمامكم لصالح المواطن
|
انا صاري موقف مع ميثاق وهو اني لما ذهبت للمرور عشان اجدد الرخصه في عنيزه قالي رجل المرور هذا التأمين لا نعترف فيه واظطريت في نفس اليوم اني اسوي تأمين جديد واخلص اموري وطلعت الرخصه الزبده كنت اعمل في الرياض ومن القهر دورت شركه ميثاق لين لقيتها ودخلت عليهم وقصيتلهم السالفه قالي الموظف وبكل بجاحه كيف قريه صغيره ما تعترف في التامين حق ميثاق وفي الرياض يعترفون فيه قلتله انا مالي شغل يعترفون فيه في الرياض ولا عرعر انا مادمت داخل حدود المملكه المفروض الجميع يعترف فيكم الا كان مشاكلكم واجد والناس تشتكي منكم وما تعطون الناس حقهم قالي ادخل للموظف المسئول عن تأمين السيارات قلت ندخل من كثره ويوم دخلت واثر الرجال من اهل عنيزه والله البلشه قلت ياخوي وش تسون انتم تلعبون علينا قالي وبكل برود شف التأمين حق الرخصه زي علبت الببسي اذا فكيتها لا يمكن ترجعها وانا جاي برجع فلوسي وطلعت ما اخذت ولا ريال لكن الله لا يحللهم ولا يبيحهم وليس القصد في الملغ ولكن انهم يلعبون على الناس وناهيكم عن المماطله في ارسال بطاقة التأمين......وتعرفون ليه مرور عنيزه مايعترفون فيه عشان الشركه ما تسدد وتماطل يعني اخذين الدعوه نهابه من جيوبنا
|
بسم الله الرحمن الرحيم
هذه المعاناة التي سأرويها لكم بالتفصيل ارجوا من الاخوة المشرفين والقراء السماح لي بالاطالة لكشف الاعيب وخدع شركات التاجير والتامين على المواطن المسكين ياللي تدافعون عن شركات التامين ويا موظف شركة التامين الرجاء قراءة هذه المشاركة البداية: اخ لي اشترى هوندا سيفيك موديل 2006 من شركة تسمى شركة الامثل بنظام التأجير ومنتظم بالسداد ومن اروع مايكون يوم وهو جاي من خط ينبع (السريع) الى مكة ويطلعله وانتم بكرامة كلب ابن كلب ويدخل تحت السيارة (حادث دهس يعني ) :crying: اخوي وقف على جنب والحمد لله على السلامة الركاب سليمين ولكن السيارة تشر مويات من الرديتر المهم جا امن الطرق وكتب في تقريره (دهس حيوان سائب) وجات سطحة وحملنا السيارة بـ (200ريال) الى البيت :thumbsup: ركزو القصة ما زالت في البداية فتحنا اوراق السيارة فوجدنا ان شركة الامثل متفقة مع التعاونية للتأمين على تأمين السيارة تأمين (شامل) من ثاني يوم كلمنا شركة التعاونية على الموضوع فقالوا اذهبوا الى مرور مكة واعملوا تقرير بالحادث وجيبوا كامل الاوراق الى مكتب التعاونية ونحن نقوم بالباقي ( حتى الان كلام سليم) ذهبنا الى المرور ومعانا تقرير امن الطرق فسألنا مهندس المرور المحترم بكل برود وين السيارة؟ قلناله السيارة عند البيت قال لازم اشوفها قلناله ليش ؟ هذا تقرير امن الطرق عندك قال لازم اشوفها واصر :mad: ونزولا على رغبته الكريمة قمنا بتحميل السيارة على سطحة من البيت الى المرور بـ(150 ريال) ركزوا معي يا شباب توه بدأ الاكشن المهم بعد المعاينة سوينا تقرير المرور وورقة الاصلاح وما يتبعها من مرمطة في اسياب ادارة المرور وبعد 60 توقيع و 50 ختم اكتملت الاوراق ولله الحمد قلنا هاه وين الحين قالوا السيارة على الوكالة مباشرة والاوراق على مكتب التعاونية للتامين (قلنا جميل جدا) رحنا على مكتب التعاونية للتأمين ومعنا الاوراق مكتملة ونتفاجأ بالسؤال السخيف اللي يرفع الضغط وين السيارة؟ قلنا راحت الوكالة؟ قال ليش ما جبتوها عندنا؟ قلنا ليش؟ قال عشان نصورها؟ قلنا وحنا ايش عرفنا ؟ المهم وبعد حب الخشوم وافق الموظف انه يتنازل ويروح للوكالة ويلتقط الصورة التذكارية للسيارة ومتى؟ بعد اربعة ايام قلنا ما يخالف (صلو عالنبي يا شباب والصبر زين) ذهبنا بعد ذلك للوكالة عشان ندخل السيارة ونعرف باقي الاجراءات واستقبلونا اهل الوكالة بالترحاب وقالوا يحتاج نكشف على السيارة ونشوف كم تكلف ومن ثم نرفع التكاليف للتعاونية لاعتماد التصليح وبعدين نبدا نصلح قلنا حلو:thumbsup: وتقعد السيارة في الوكالة اسبوعين وتطلع تكلفة التصليح 24000 ريال:blink: (وهذا كلب اجل كيف لو.........؟) المهم رفعت التكاليف للتعاونية وبعد اسبوعين اخرين جاء الرد برفض اصلاح السيارة لان التكلفة مبالغ فيها طيب والعمل قالو خذ السيارة وقدرها برة عند ورشتين بما لا يزيد عن 10000 ريال وذلك بعد اخذ موافقة من شركة الامثل بالتنازل عن اصلاح السيارة في الوكالة (شهر كامل عشان يقولوا لنا السيارة ما نقدر نصلحها اجل لو بيصلحونها كم يقعدوا؟؟؟:wounded1:) المهم جبنا الموافقه من شركة الاعفن عفوا قصدي الامثل وقلنا للوكالة هيا هاتوا السيارة قالوا لا هوا دخول الحمام زي خروجه قلنا ها وش عندكم قالو رسوم تقدير (300 ريال) ونعطيكم عليها فاتورة تاخذوها من التعاونيه بعدين :think: قلنا ما يخالف وجبنا سطحة بـ ( 200 ريال ) عشان تشيل السيارة المهم راعي السطحة ابو رفق قال ( صديق فين ورقة تقدير) قلنا ماعندنا قال ( انا مايقدر يشيل سيارة لازم ورقة من مرور) قلنا اجل خلي السيارة وبعد ما نجيب الورقة (والله يا جماعة تعبت اكمل لكم القصة بعدين اعذروني على الاطالة ) يتبع.............................................. .................................................. ................ |
انا لدي قصه مع شركه التعاونيه للتأمين
بسم الله الرحمن الرحيم السلام عليكم ورحمه الله وبركاته ... وبعد قصتي طويله مع التأمين وطرفها الثاني شيخ المعارض اولا الحمدلله على كل شي انا تعرضت لحادث الله يبعد عنا الشر وعنكم اجمعين كنت في شارع رئيسي والطرف الثاني قادم من شارع فرعي نجم لتخطيط الحوادث قال الطرف الثاني عليه الخطأ 100% الان سيارتي مع الصدمه من الجنب ضرب الكفر اليسار في الرصيف فصار تلف ودمار من الجهتين من مقصات وجنبيات واذرعه وغيرها شركه نجم ارسلتني لورشه معينه فيها مختص فني تابع لشركه نجم وقدر الصدمه حوالي 3000 ريال وكتب لي اسماء القطع التالفه وتسعيرها من الوكاله رحت سعرت القطع وطلع سعرها 8600 ريال قدمت اوراقي لنجم مع التسعيره وطلع المجموع 11752 ريال وهذا هو التقرير http://i174.photobucket.com/albums/w...i/09b4b95c.jpg ارسلوني للتأمين والتأمين طلب مني معاينه السياره وتصويرها احضرت السياره بسطحه وعلما ان هذه هي المره الثالثه احمل السياره بسطحه وبعد تصويرها ومعاينتها من قبلهم مع انه يوجد سي دي في صور من شركه نجم وقالو لي راجعنا بعد كم يوم واتصل على الرقم المجاني لمتابعه المعامله المهم راجعتهم وتفاجأت انهم قالو لي لازم ترسلها لشيخ المعارض يعين قيمه السياره علما انها موديل 2008 كيف اوديها شيخ المعارض وبعدين هو ماراح يشوف القطع التالفه اللي داخل هو بس راح يشوف اللي في الخارج المهم وبعد مشاورات قررت اني اوديها له مع اني مش مقتنع وديتها له وعاينها وقلت له هذه تسعيره القطع بغض النظر عن تسعيره الصدمه قال لي انا مالي شغل بالقطع انا اسوم السياره بس قلت له خير المهم بعد ماكتب الاوراق والفواتير وحطها في ظرف سألته وقلت له كم سعرتها قال لي فقط 4000 ريال قلت له ليش قال هذه تسعيرتي يعني طيح ونزل 8000 ريال عن تصليحها الاصلي اللي يكلف 11752 ريال المهم انا ماقدمت اوراق شيخ المعارض للتأمين على طول رحت وقدمت شكوى ضدهم عند مؤسسه النقد العربي السعودي والحمدلله اني عن طريق الصدفه اخذت نسخه من الاواق كله قبل تسليمها للتأمين لتفادي اي خطأ والحمدلله استفدت منهم في تقديم الشكوى لأن التأمين رفض يرجع لي الاوراق اللي سلمتهم اياها مع السي دي المهم بعد ماقدمت الشكوى لمؤسسه النقد العربي السعودي وقالو لي هل هم عطوك ورقه تفيد بسبب الرفض قلت لا فقط قالو لي ودها شيخ المعارض المهم صار الحين شهرين على السالفه يوم كنت اشتكي وقالو لي احنا جالسين نخاطب الشركه التعاونيه للتأمين ونعطيك خبر بعد 22 يوم واذا ماوصل قرار راح يكون بعد 10 ايام او اكثر والحين انا لي 3 شهور متعطل بدون سياره واعمالي واشغالي كلها طارت ولا حسيب ولا رقيب على هذه المماطله من شركه التأمين السؤال يقول هل سوف استلم حقي كامل من التأمين ام استلمه ناقص كما سعرها شيخ المعارض هل ستقف مؤسسه النقد معي ام ضدي في القرار وإلى من سأشتكي او إلى متى سوف انتظر لاحول ولا قوه إلا بالله |
شركة اياك ( سلامه )
صدمت شهر 8 وجيتهم بكامل اوراقي قالوا مانستلمها منك الحين تعال بعد العيد وابشر جيتهم بعد عيد الفطر قالوا تعال بعد عيد الاضحى وجيتهم لاكن دون جدوى سالتهم ماالسبب قالوا ( عندنا زحمه والناس كلها مأمنه ) مماطله 6 شهور واخرتها رميت السياره عليهم ومشيت لانها نظام تأجير * نصيحه * لا احد يتعامل مع شركة تأجير مخرج 10 لان هذا تامينهم غير مماطله الشركه وتلاعب الموظفين من واقع تجربه وشكراً |
بعض الناس يقول نتعامل مع شركات التأمين بعقلانيه وووو
اي شركه تأمين تحس فيه خلل بسيط تهرب من المسؤوليه في دفع المبالغ المترتبه عليها ونرجع لقصص الاخوان نجد المعامله تستغرق شهور |
اقتباس:
اخوى العزيز يقولون اذا عرف السبب بطل العجب وشركة تاجير ملك صالح ملائكة الى هو رئيس مجلس ادارة سلامـــة . وعلى فكرة والله ثم والله ثم والله ثم والله ان شركــــة تأجير هذى أسواء شركة فى العالم واكبر حراميــة . نصيحة لوجة الله ياخوان لاتهمكم دعاياتهم اقسم بالله انه مايوجد اسواء منهم فى العالم |
| الساعة الآن 09:50 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by