الله يعين
اقتباس:
الله يعينك ياأخوي.. انا نفس حالتك لاكن في البدايه .. اللي صدمني هرررب والغلط عليه 100% وعندي معلومات بـ رقم لوحته ونوعها بس. والحييين لي شهر ولا حصلت اي شي .. اراجع المرور يقول انت ليشش مسوي تآمين > رح طالب التعاونيه اروح للتعاونيه > يقولون لي رح للمرور.. المشششكله انا ابي اعررررف وش السبب الحييين ..< كلمت مدير فرع مخرج 10 بالرياض .. يقووول إذا تامينك سند بلس والغلط على الطرف الاخر 100% ..مانقدر نعوضك لازم الشخص نفسسسسه .. ^ طيب هنا السؤال انا ليييه مسوي تآمين ..؟ دافع فلووووس على الفاااضي لاوبعد تآميني شآمل.. وإن رحت للمرور اطالب بحقي من الشخص الاخر يقول التامين حناا مالنا شغل.. > طيب المرور رفض يجيب حقي!! والمرور يقول لي > التآمين هم اللي يطالبون الطرف الاخر بالمبلغ المرور وش وضعهم ..كل شووي مصرفيني ..ولي الحييين شهرر..وانا بدوون سيارة.. > بششششطح شويه بره الموضوع وتجيك الكلية ماتصرف المكافأت لناا احلى واحلى.. والله حاله هل البلد .. مااقوول الا الله يصبرنا على ماابتلانا فييييه..والله يكوون في العون ، وعون الجميع ان شاء الله.. اتمنى احد يفيدني بالموضوع هذآ..:wounded1: |
حياك اخوي والله يعينك
عفوا منك تم افراد مشاركتك بموضوع مستقل لكي تاخذ حقها من النقاش |
اقتباس:
يعني عندك رقم اللوحه واسم السياره والكل يماطل فيك لا وهذا بعد تأمينك شامل كيف لو تكون ضد الغير اللي اعرفه زي حالتك تحتاج انك تبلغ الشرطه لأن اللي صدمك هرب والمفترض ان المرور هي اللي تحضره بس دامها تماطلك مالك غير الشرطه واذا مانفع معك الله يعينك ويصبرك تشتكي في مؤسسه النقد العربي السعودي هم راح ينصفونك شوف هذا الموضوع راح يفيدك في الشكوى مثبــت: المستندات المطلوبه لتقديم شكوى لمؤسسه النقد العربي السعودي ضد اي شركه تأمين (https://www.mqataa.co/vb/images/style.../multipage.gif 1 2 3) |
اقتباس:
الله يحيك..ويحفظك ربي ماقصررتي والله .. |
اقتباس:
اخوووي.. انا كلمت المرور وقلت لهم جيبو اللي غلطااان علي وهو يدفع حقي.. قالو لاا > التآميين يعوضك والتآمين هم يطالبون اطرف الاخر بالمبلغ ..وعلى هذا النظام بس انا الحين ماعرفت سبب رفض التامين للتعويض.. اكلمهم يقول المطالبة تحت الاجراء ..< يعني انهم مابعد خلصوو.. وانا اول مره صدمت ..قدمت المطالبة وبعد خمس ايام تم تحديد موعد استلام الشيك.. بعدها كذا بشهر وشوي صار لي حادث مره ثانيه وصار رقم المطالبة اثنين.. مع العلم انو اول مطالبة هروب بدون اي معلومات.. والمطالبة الثانية فيها معلومات الهارب ..بس سحبوو علي.. انا اتوقع نظام التامين كذا اول حادث يعوضون الثاني يسحبون عليك .. انا ابي اعرف الى متى وحنا كذا والله شي يققققههههررر:mad: والحل < مدري وش هو للحييين :wounded1::wounded1: |
حل سريع وانا مجربه
روح للمرور وقول ان سيارتك انصدمت وهي واقفة لمرور غير الاول وقول انك عندك تأمين بس تبي ورقة اصلاح وكمل اجراءاتك عادي يمكن تاخذ اسبوع وانت ماخلصت معروف المرور وبعدها روح للشركة بورقة الاصلاح وهم يصلحونها بالقوة لكن لابد انك تدفع مبلغ اعتقد اذا اقل من موديل 2007 يكون 500 او 800 اذا موديل جديد بالتوفيق |
لا وبعد التامين الوهمي صدم اخوي بسيارة وعمره تحت العشرين قالوا ما له تأمين والغلط على الآخر طيب وش فايدة التامين
ومرة صدمنا حنا بالسيارة ورحنا فرع التعاونية وكان الفرع مسكر ولا طلنا حق ولا باطل حسبي على هالسرقات الي مالها داااااااااااااااااااااااااعي والله يعوضك ويعوضنا خييييييييييييييير |
الله يكون بعونك .. المسئولين غير مسئولين !!
مــ ـتــ ـا بــ ـع |
التأمين سرقة جيوب بالمعنى الصحيح ولا لو في نظام يلزم هالشركات كان ماتلاقي تهرب منهم لكن حسبي الله ونعم الوكيل
|
حسبي الله عليهم
|
| الساعة الآن 09:26 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by