شقق مفروشه بـ1500ريال !
 

http://www.aleqt.com//a/small/cb/cbd..._w400_h260.jpg

خلوها تعشعش :icon20:... على بالهم شققهم تطل على نهر السين ولا الرين :j-4:
=====


حسوفتن عليهم القرش .. سياحة البليله والذره المدوده ! غلا وحر ولا مقومات سياحية

يلي يبي بلده تزدهر بالسياحة الداخلية لازم يرفع مستوى الخدمة ومراقبة صارمة للأسعار وتوفير الخدمات الترفيهية هناك الكثير من الأسر التي ليس لها القدرة على السفر للخارج وحرام السفر للداخل بهذه الأسعار والخدمات :mad:

صدقتي حرام
اللي مالهم قدره على السياحة الخارجية اقعدوا في بيوتكم .. وقيمة كلفة السياحة الداخليه حطوها بيد عيالكم اشتروا لهم اي بود ,اجهزة لاب توب, جوالات ,
ولا تحطونها بيد هالمسعورين !

سجلت ارتفاعاً في الأسعار بنسبة 40%

أجور شاليهات الشرقية تكسر حاجز ال 4 آلاف ريال في الليلة ولجنة السياحة تصفها بالطبيعية


http://www.alriyadh.com/2010/07/16/article544134.html

لو هو شالية في هولندا ولا سويسرا !
4000 الاف وحر ورطوبة! هذي والله العقوبة

الاسبوع القادم الاجازة الرسمية ، والله يستر من الاسعار

1500 ريال .. ويش بقيتوا لنا !!

السلام عليكم
مرحبا الف والشقة بالف
والله اني متحفظ على لجنة السياحة السعودية حنا بلد السياحة فيه دينية فقط لاغير والا الطائف والباحة وابها ما تصلح الا لاهلها لان السياحة من مقوماتها الاساسية وجود السكن الي بمتناول اليد مو غلاء فاحش وعلى جو الله يعين رطوبة والا حر الرياض الي يقلبك حربا من كثرت الشخابيط الي بوجهك لكن قالها لورنس (شوربة وخل)
السياحة لازم تكون من مقوماتها الاساسية السكن وجود المتنزهات الخاصة بالعوائل والعزاب حتى لا نكيل بمكيالين لان طبيعة بلادنا التدين والحشمة والدليل اخواننا الخليجيين ما يحبون التمشيات الا عندنا لاننا شعب محافظ والعادات والقيم لها عندنا مقام كبير والا صح تبوك فيها اثار وحائل والقصيم بس وش تفيد فيه والجو حار لازم يكون هناك تنوع مع الاستفادة من عطلات الربيع لاهل نجد والرياض لان اجوائهم روعة اكثر من المنطقة الجنوبية بالشتاء لان عندنا بالمنطقة الجنوبية البرد برد مو لعب علشان كذا تنتعش تهامة المنطقة الجنوبية لان جوها معتدل بس مافيه مصطافين لان الفترة قصيرة لا تتعدى الاسبوعين
بعدين الجشع وعدم وجود تسعيرة في فترة الاجازات وعدم وجود ماء لان اهم ماعلى امانة عسير يعبون السد علشان المصيفين والشقق الوايت بميتين وانت طالع الى الف ريال هذا ينعكس سلبا على الاصطياف وايضا عدم مراقبة اسعار المطاعم والسوبرماركتات ووووووو و واو كبيرة عدم وجود ثقافة سياحة زي بلاد اوربا وامريكا ومصر والخ
فعندي امل من الله ان ابو متعب يصيف بالجنوب مرة واحدة على الاقل ويشوف بدل المغرب وانا متأكد حاجات واجد بتتعدل
والله من وراء القصد

السلام عليكم ورحمة الله وبركاته
انا غاسلة يدي من موضوع السياحة الداخلية ..حنا عندنا سعار قسوة حسد شفط دم .
يوم إني قريت خبر ال4 آلاف قيمة ليلة فالشرقية بالشالية قلت عادي لقيوا لهم ناس تدفع وتطاطي روسها لهم والا لو فيه جدية الكل يرفض هذا العرض لو أيه... قال 4 آلاف
هذي سفرتني لبلد أوروبي نظيف والأكسجين تشمه في كل مكان وقوس قزح نشوفه من نظافة الجو .
تدرون قيمة ليلة في فندق في هذا البلد ب270 ريال تقريباً والفندق صغير بس خيال فوق الوصف الغرفة واسعة بتلفزيون بلازما وبطاولة طعام لشخصين وحمام صغير وآخر جاكوزي ومدخل به دولاب للملابس وثلاجة صغيرة وكلها نظيفة تلمع !!! ونافذة تطل على جبال خضراء تعانقها السحب . غير كذا التنزه في شوارع مسفلته حولك بساط أخضر وحدائق غناء ونهر يجري صافي والله إني أقول إنها جنة الله في الأرض..يجون حقينا يستغلون المواطن ويضحكون عليه ويقولون 4 والله حتى لو بألف ما آخذها..

قال سياحة داخلية ..ما فيه عندنا غير مكة والمدينة عمرة وزيارة غير كذا ..لا..لا..

لي تعليق على البعض اللي يقول أن العائلات المحافظة لاتريد السفر للخارج أنا شفت كثير نساء محجبات مع أطفالهم في الدولة الاوروبية التي زرتها وهم يتمتعون بالطبيعة .
حتى إن سيدة خليجية كبيرة في السن بعباءتها تقول لولد بنتها وهوشاب : ياولدي وينك ماجبتنا هنا من زمان والله جنة..
والسفر للدول المختلفة عنا ليس بدعة بل هو ضروري لتعميق الفكر ولزيادة الفهم وللاطلاع على حياة الآخرين .وهو ليس ضد الدين فالسفر له فوائد عديدة ..
الله يمتعنا بالصحة والعافية.

قالوها اخواننا المصريين: مين فرعنك يا فرعون؟؟ قال: ما لقيتش حد يردني!!!!
فلماذا تلومون المستسعرين ملاك الشقق و الشاليهات!!!
من يسافر الى الجنوب يقلبها رحلة لا ينساها طوال عمره... كيف؟؟
يشتري خيمة أو خيمتين "من ساكو يركبها الأطفال اذا حب" تكلفه حوالي 1000 ريال و يعيش في اجواء رحلات حقيقية و الحمامات يستعين بالحمام القماشي أو يخيم قريب من مسجد و يطبخ و ينفخ و يشوي
و خلو شققهم للقرود!!!
قال 4000 قال و الله لو سارق الفلوس ما دفعتها في اجار شقة و ليس خرابة

والله انك صادقه يا جمرة غضا التميميه حسوفه عليها القرش