التجارة السعودية "كاسروا " و رأس الخيمة تغريم للتجار !
قبل كم يوم مسؤول بحماية المستهلك التابعه لوزارة التجارة يعلق على غلاء اسعار الاضاحي بـ يا المستهلكين كاسروا !! هل الدولة وظفت وتدفع رواتب عشان يطلع مسؤول ليقول لنا كاسروا !!! هي مسؤوليتهم فقط بتوجيه النصائح الذهبية للمستهلكين ! الآ لهم سلطه على التجار ؟ اذا كا كذالك فما الفرق بينهم و وبين جمعية حماية المستهلك ! وزارة التجارة لما لا تجبر التجار على وضع قوائم للاسعار على حسب الوزن ! شوفوا راس الخيمة وش يسون ! موظفين دائرة التنمية الاقتصادية براس الخيمه ماقالوا كاسروا ! بل نزلوا للاسواق وغرموا التجار اقتباس:
هنا التصريح الذهبي "كاسروا " اقتباس:
كاسروا يا الربع ! شدوا عليها بالنواجذ !!! |
حسبي الله عليهم
|
اقتباس:
لا يا مال ان شاء الله الكسر اللي يكسر هالكراسي اللي ما انتوا راضين تزحزحون من فوقها . هذي هلحين نصيحة ولا فضيحة . أنتم وكالة حماية؟ ولا وكالة نصح ؟ كلمة (كاسروا) هذي تعني الاتكالية (توكيل شغلهم للناس) وتعني العجز والكسل عن أداء واجب ما يجي الا بالسنة لمرة واحدة وهي مراقبة أسعار الأضاحي . وتعني الجبن والانهزامية والتقوقع لأنهم ما يبون الناس تجي تشتكي عندهم في حال تجاوز الأسعار للمعدلات المعقولة اذا حددوها للتسهيل على المسلمين بأداء شيئ من دينهم ، هذا آخر شئ يبون يشوفونه . ينهمّون وينغمّون اذا شافوا مستهلك جاي يشتكي . نقول لهم الرز غلا ، يقولون غيروا عاداتكم ، خلوا الرز وكولوا تبن . نقول أسعار المواد الاستهلاكية غلت بشكل فاحش ، يقولون لا تملون عربات التسوق . طيب وانتم أجل يا وكالة الوزارة لشئون (كل مين إيدو إلو) ، وش يعني وجودكم ؟ يضرهم لو تفضلوا بتحديد مدى معين على الأقل للأسعار تأخذ بعين الاعتبار بالنسبة للأضحية : النوع والوزن والسن . ويرسلون مراقبين الى مجالب البيع ، كلها عددها محدود أصلاً في كل مدينة وأيام عملهم محدودة بهالشهر الفضيل الله لا يتفضل عليهم . حسبي الله ونعم الوكيل . قال كاسروا قال . |
اما كاسروا والله لو نقدر ننتخب غيرك كان كاسرنا بس انت مفروض علينا عسى الله يكسر حظك في الايام المباركة انت ومن لقنك الكلمة الي زي زجهك
الحين من تغيير عوائد الغذاء للمواطن الى كاسروا الله لا يبارك فيكم والله احس ان مسئولينا دراستهم كانت بحراجات النسيم مو درسات اكاديمية زي باقي الدول |
ياناس بهالايام فضيلة ادعوا لهم بالهداية
يالله ان تهدي تجارنا ومسؤولينا وتسخرهم لنا :( ........................................ شكل مسؤولينا شافوا ام خماس وام سعيد واقتنعوا بمفعول المكاسره :p http://www.youtube.com/watch?v=iaz6oh6fR4A |
امانه الرياض مشكورة تطلق مؤشر لاسعار الاضاحي ...
على حسب الوزن ,,وتلزم الشركات المنظمة للمؤشر على التقيد به وحاطه رقم للتبليغ http://adha.alriyadh.gov.sa/default.aspx?id=30 |
الساعة الآن 03:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by