مصروف البيت وتجاربكم
السلام عليكم
دعوة للنقاش والاستفادة من تجاربكم مع مصروف البيت 1 -هل هو بيد الزوج أو الزوجة ام مشترك ؟ 2-محدد ومجدول أو بالبركة ؟ 3- أي بند من المصروفات ياخذ نصيب الأسد من المصروف بغض النظر عن الاقساط او الايجار؟ 4- كيف توفرون من الراتب؟ 5- وقت الزنقات اذا صادفت مناسبات متعددة بزمن قصير كم قريب يتروج او يسكن بيت او المواليد الجدد وهدياهم كيف تتصرفون ؟؟؟ ياليت تجاوبون عليها واللي عنده اسئلة اخرى يضيفها |
1 -هل هو بيد الزوج أو الزوجة ام مشترك ؟ مشترك . 2-محدد ومجدول أو بالبركة ؟ نص ونص والبركة تطغى دائماً 3- أي بند من المصروفات ياخذ نصيب الأسد من المصروف بغض النظر عن الاقساط او الايجار؟ تأمين المواد الغذائية طبعا ، مع شكري لتجارنا الاشاوس . 4- كيف توفرون من الراتب؟ لا يوجد مجال لتوفير ، وحنا قدرنا نلحق . 5- وقت الزنقات اذا صادفت مناسبات متعددة بزمن قصير كم قريب يتروج او يسكن بيت او المواليد الجدد وهدياهم كيف تتصرفون ؟؟؟ نبدأ بالأولويات ، واغلب الهدايا مبالغ مالية . مشكورة جمرة على الاسألة |
الزهيري هذي رؤوس اقلام مهب تجارب !!! القصه ان هالشهر اختين من الاقارب الدرجة الاولى :) سكنوا بيوت يعني لازم النزاله تكون مثل بعض وتكون مكلفة شوي وبعد وحدة ولدت :) ومالنا من فترة مخلصين من هدايا الزواج :( والله لو الواحد وش قدرة راح ينزنق وش السواة ؟؟ |
اضافة اسأله :-
ولا أحد يختشي ترى الوضع عادي ما أحد يعرفك .... س1/ كم دخلك الشهري ؟ س2/ كم عدد افراد اسرتك ؟ |
الله يهديك :) اجاباتي حسب الاسألة، ويش تبيني اجيب من تجربة على (هل المصرف في يد الزوج أم ... ) وبعدين لا يكلف الله نفسا إلا وسعها ، حنا سبب هذي المشاكل ، بعض الضغوط التي تواجه الاسرة سببها العادات السلبية التي تجذرت في المجتمع ، وقد الغيت الكثير من العادات السلبية في المجتمع ( طبعا الاقرباء والمعارف ) الذي اعيش فيها ولكن كانت لها ضريبة كبيرة وهي الغضب عليّ من الجميع ، ولكن مع الزمن تفهم الجميع الأمر واصبحوا ينتقدون بعض العائلات التي تقوم بمثل تلك السلبيات . ويبقى لكل مجتمع عاداته وتقاليده واعرافه ، لا استطيع الخوض فيها لأنها خطوط حمراء عند البعض |
اقتباس:
لأنها خصوصية ، ولا تفيد الموضوع تلك الفائدة المرجوة . |
اقتباس:
اقول انها توسيع للآخرين ومن باب التعاون على البر وعادات جيدة يعني الواحد طالع من عمار بيت وخسائر زين ان اهله يساعدونه لكن الشين انها تجي بوقت واحد |
احب ان اضيف تجربتي المتواضعه في المصروف
في الحقيقه اني استفدت من موجه الغلاء التي مرت بنا في اعاده الحساب مع نفسي وضروره تغيير الطريقه التي اعيش بها فلم يكن يخطر في بالي ان من الممكن ان تحدث موجه غلاء بهذه السرعه كما حصل . فلم يكن تفكيري المادي يتعدى الشهر ولا ينزل الراتب الى وانا خاوي الجيب فقررت التغيير واشتريت دفتر وقلم فلا اشتري شيئ الا يتم تسجيله وكل اسبوع اقوم بتصنيفها مثلا تكلفه الاكل من المطعم في هذا الاسبوع واخر الشهر اعمل الحساب الشهري وكنت اعيش كما كنت حتى اعرف الخلل وطبقت هذه الطريقه لمده ثلاث شهور متتاليه حتى عرفت مكمن الخلل فكان منها اكل المطعم فقمت بتحديد عدد المرات التي اشتر فيها من المطعم في الاسبوع وكان منها ايضا الاماكن التي اشتري منها رافعه اسعارها وحاولت جاهدا ان اذهب الى الاماكن الانسب سعرا وزبطت الامور معي الحمد لله والان مع بدايه السنه الجديده قررت ان التزم بنفس المصاريف وهذا سوف يجعل عندي فائض في الدخل وسوف اعمل حساب جديد لتحوييل الفائض مع استلام الراتب حتى التزم بلذي قررت .(حتى لوكان ريالا واحد )كان علي قرض من البنك ووفقت في عمل جمعيات حتى اكتمل المبلغ وسددت القرض ووفرت اقساط سنه انا اولى فييها مع انها لم تكن سهله فقصرت على نفسي واولادي ولاكن انتهى القرض وسوف اعوضهم ان شاء الله على تعاونهم معي والحياه تجارب |
اقتباس:
|
1-هل هو بيد الزوج أو الزوجة ام مشترك ؟ أم العيال تتصرف الله لا يخلينا.. "قعيطيّة" :p 2-محدد ومجدول أو بالبركة ؟ بالبركة والله 3- أي بند من المصروفات ياخذ نصيب الأسد من المصروف بغض النظر عن الاقساط او الايجار؟ مواسم بصراحة، مواسم يطغى عليها مصروف المواد الغذائية ومواسم ملابس ومواسم مقاضي مدارس ومستلزماتها.. ماهنا بند ثابت :confused: 4- كيف توفرون من الراتب؟ 40% من الراتب خارج المصروف الشهري وفي حساب بنكي خاص لايوجد له بطاقة صراف حتى ما أظطر وأسحب منه، وسأظل على هذا دائماً وأبداً ان شاء الله الين أشتري بيت بحول الله :D 5- وقت الزنقات اذا صادفت مناسبات متعددة بزمن قصير كم قريب يتروج او يسكن بيت او المواليد الجدد وهدياهم كيف تتصرفون ؟؟؟ بصراحة هذي حالها من زمان.. اللي يجينا نغبيه ما نستخدمه ونهديه بها لأوقات << هاكين على الجماعة :p كل الشكر جمرة غضا |
| الساعة الآن 07:55 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by