مطاعم بيت الشوايه .. ارائكم ؟
 

السلام عليكم ورحمة الله وبركاته ..

اخواني هل احد فيكم ذاق رز بيت الشوايه الذيذ .. بصراحه فيه ناس تحبه وناس تذمه والاكثر يحبونه :)

بسرررررراحه وجباتهم الي يقدمونها حلوه وفي متناول الجميع من ناحية كل اكلاتهم الي يقدمونه وكل فتره يطلع شي جديد من هالمطعم الرائع .. واشكر ادارته الناجحه والمتميز وكل العاملين فيه .. :)

بالنسبه للاكل نظيف ميه بالميه ويسونه قدامك واكلهم شهي ولذيذ من ناحية الرائحه والطعم ...;)

والسعر للحبه 20ريال والنص 10 والربع 6 ريال :D

ولاتفوتك المكرونه حلوووه مره والرز الاحمر

خدمات رائعه ..

لكن المشكله الي يعانيه الكثير وانا منهم .. الانتظار :confused:... لكن علشانهم انتظار ساعه علشان اكل اكل نظيف ... :p

ارائكم اخواني في هذا المطعم

تحياتي لكم

اخوكم :)

هلا بك
بيت الشواية ماعليه مطعم نظيف ولا أحد يختلف على نظافته وإحترامهم للعميل .
مسألة الطعم الناس أذواق عني اجده جيد جدا مرتفع :)
فيه مطعم طالع جديد في حي السلام شارع الزبير بن عوام اسمه شواية السلام
مأخذ نفس طريقة بيت الشواية ونفس الأسعار والرز وتنوعه لكن بصراحة الذ من بيت الشواية .
وايضًا كل شي قدامك موجود والمطعم يلق ويلمع من النظافة :)

شكراً على المرور ،،

الناس اذوق ..

اهم شي النظافه عندي والطعم .. وهذا احصله في بيت الشوايه مع اني عندي بعض التحفض عليهم لكن الله يوفقهم ..

ومن ناحية شواية السلام قبل لايفتح شفت لوحة وكل يوم امر من عنده واقول بكرا اتعشاء عندهم لكن النسيان نعمه (والله من كثر مطاعم الفلافل في هالشارع ) ههههه الواحد مايدري وش يبي لووول ..

وشفت محلهم واهو مشابه لبيت الشوايه وشكله حلو .. راح اجرب واشوف ...

تحياتي:)

مطعم راقي بكل شي فيه
نظافة ومذاق واحترام للعميل وسعر مناسب

حتى بعض الفروع صارت فيه سعودة للكاشير

من جد هذا المطعم يستاهل الدعم والاعلان

على طاري التشابهات مع بيت الشواية

فيه مطعم على الدايري الشمالي اسمه لهيب الشواية
مطعم ينافس بيت الشواية اللهم انه فرع واحد على مااعتقد

هذا تحصله في بيتك وأنا خييك..

وحنا يالسعوديين أغلبنا ما ياكل الا في هالمطاعم.. والا لو تركناها الا عند الحاجة لهم كان يترجونك تجي ويفتحون المخابي السرية اللي يطبخون بها أمامك ليطمئن قلبك..

ولكن إذا ما تسنعوا بنخلي مواعينهم تصدي :)

مع أطيب تمنياتي

المطعم جيد جداً من ناحية الاسعار والمذاق ، والان اضافو السمك الة القائمة علماً بأن سعره يعتبر ممتاز مقارنة بالغير بـ 13 ريال مع الارز، حتى اني مرة كتبت ملاحظة على الفرع اللي اتعامل معه وحطيت الملاحظة بالصندوق وتوقعت انه زي كل المحلات مايهتمون في ملاحظات العملاء ، لكن بعد خمسة ايام تقريباً اتصل على واحد مصري يقول انه من الادارة وناقشني في نوع الملاحظة ومن اي فرع؟ وبعدها بيومين اتصل شخص ثاني من ادارة المطعم وسئلني نفس الاسئلة ، وقال : هذا جوالي اذا فيه اي ملاحظة على المطعم كلمني.

ماعليه

من افضل المطاعم حالياً

بيت الشواية يعتبر مطعم نظيف وأسعار معقولة بس عيبه الزحمة ، أنا ساكن في المنصورة وعندنا 3 فروع لبيت الشواية ومع ذلك زحمة

لأخذ العلم فقط بيت الشواية تابعة للمنجم صاحب ثلاجة المنجم ووكيل دجاج دو وأجبان البقرات الثلاث ...إلخ

مشكور ويعطيك العافيه على المرور ،،
كلامك صحيح من ناحية النظافه والمذاق والاحترام ، اهم شي .. مو مثل بعض المطاعم ، الله يهديهم ،،
وصحيح الحين اكثر الفروع فيه سعوده الكاشير ، الله يوفق صاحب المطعم يدعم الشباب .. وسالة واحد شغال فيه وقال لي الرواتب 3000 الف ريال والتقييم ( البونص ) عليه 1000 ريال .. احياناً ياخذ 500 ريال واحياناً 600 ريال على حسب ادائك بالشغل .. ومن ناحية الراتب كويس .. الله يوفق الجميع
لهيب الشوايه الي بالشمال يشبه ويقلدهم لكن والله ماجربت اكلهم ..

يعطيك العافيه يابو عادل على الرد .. ،
اسعاره مميزه .. مو مثل الباقي يبون ياكلون الناس وياكلون من ظهورنا على محسوبياتهم .. الله يهديهم ..
ومن ناحية الملاحظات ، صحيح مثل ماتفضلت تجاوبهم سريع .. واسلوبهم محترم ومميز ،
شكراً على الرد . وانا من الدائعمين للمطعم

مع اني لاعلقه لي بالمطعم باي شي كان ...!

تحياتي :)