روكو انهبلت
 

رحت قبل اسبوع لمحل( على كيفك)ولقيت عندهم دفاتر روكو 6 حبات ب 22ريال يعني تطلع الحبه ب 4 ريال تقريباً وكل شي غالي ماصار ابو ريالين صار ابو ميتين اقل شي عنده ب 3 ريال سواءاً مسطره والا مساحه والا برايه (من الحاجات هذي)هذا طبعاً العاديه اما اللي تحمل ماركه على قولتهم مثل فلة ,لولو كاتي ,سبونج بوب.....وغيرها فهذي لها اسعار خاصه
أخذت منهم اشياء بسيطه منها دفاتر غير روكو لقيتها 6 ب 12 واخذتها لأن والله بزاريننا ما تفرق معهم لا روكو ولا غيره الدفتر ابو 100 ما يقعد اسبوع:D
رحت أمس لرامز لأني عارفته ارخص لقيت عنده نفس الدفاتر اللي شريت بس 7 حبات بدل 6 وب 10 ريال بدل 12وطبعاًالمساحات والمساطر والبرايات خذوخل اشكال والوان ببلاش خذ مثلاًمساحات روكو 20 حبه ب 7 ريال وابو ريالين يبيع الحبه 2 ريال يعني الكرتون يطلع ب 40 ريال وفيه انواع ثانيه كويسه وتنظف 30 حبه ب 6 ريال و5 ريال والمساطر الصغيره 15 حبه ب 5 ريال .وابو ريالين يبيع الحبه ب 2 ريال والكبيره 5 حبات ب 4 ريال بس اشكالها احلى من الصغيره وفيه حجم وسط 8 حبات ب 3 ريال وكذلك البرايات رخيصه وفيه الاصلي الالماني وفيه الصيني والله بعض الصيني عملي ويبري زين
وعندهم اشياء كثيره رخيصه مثل القصدير الاصلي 3 حبات ب 10
والصابون السايل (مذهله)5 لتر ب 10 ريال
وملين الاقمشه (مذهله)2 لتر ب 5
وغيرها كثييييييير انتم روحوا واحكموا بأنفسكم
وعذراً على الإطاله وآمل اني أكون أفدتكم وشكراً

رامز اسعاره اقل من غيره ..لكن ما اخذ منهم صوابين او منظفات او كريمات اخاف تكون مضره ...

جربتي الكتابة بانوع الغير روكو ؟ لان فيه انواع غير روكو لكنها سيئة الحبر ينتشر فيها او يطبع على الصفحة الثانية ..

الدفاتر اللي تجي بالحبه مش بالدرزن ولها غلاف مقوى عند رامز سعرها اقل بكثير من جرير وغيرها تلقينها بالمكاتب الحبه بـ 25 ريال واكثر وعند رامز باقل من نص السعر واكثر ...

بعض الأحيان مكتبة جرير أو العبيكان أرخص من محلات أبو ريالين
خذ على سبيل المثال البرايات و الأظرف أسعارها في جرير والعبيكان أرخص من أبو ريالين و كذلك الأقلام أصليه و جيدة و عند أبو ريالين تقليد و مغشوشة .

الله يعين أبو البزارين على مستلزمات المدارس
يالله إنك تعينهم يارب
مقاضي رمضان شرفه الله + مستلزمات عيد + مستلزمات مدارس = ؟؟؟؟؟ خلها على ربك يحلها

صدقت ..
جرير تمتاز اوقات ببعض اللوزام مثل لوازم الرسم عندهم اسعارها جيده وحتى اجهزة اللاب توب على ان البعض اشتكى منها الا انا اخذت منهم لاب توب توشيبا معاملتهم ممتازة وصيانه ممتازة جدا اذا انتهوا من الصيانه راسلوا مسج لك ..

البريات الافضل شراء البراية الكهربائية ووضعها بالبيت .. تغني لحد كبير عن البرايات العادية .. لكن طالب اول ابتدائي يبي له برايات وقلام يحط حرة انفصاله من امه ببري الاقلام :crying:
اقلام الرصاص اللي تعبا بسمم ممتازة وتنفع حتى لطلاب الابتدائي تريح من صجة انكسر القلم ,ابري القلم ..


فيه مكتبة اسمها الشعله اسعارها جيدة

والله يعين اصحاب الرواتب المتدنية وحتى المتوسطه مع هذا الغلاء هم مجبرين رغما عنهم على التوجه لمحلات ابو ريالين ؟؟ وهنا نقول لامشكلة بوجود محلات لابو ريالين اذا تمت مراقبتها فبامريكا محلات لابو دولار وببريطانيا محلات لابو باوند ولكن تبقى عيون الرقابة مفتحه عليهم .. اذن نحن بحاجة لرقابة شديدة على الاسعار ورقابة اشد على الجودة والسلامة ..

اخي الكريم/for positive saudi
اشكرك على الإضافه وجزيت خيراً

اختي الحبيبه / جمرة غضا اشكرك على المرور ولكن
بالنسبه للكريمات ما آخذ منهم ابد لكن الصوابين عندهم صابون اليدين السائل (مذهله)من سنين وانا استخدمه والله زين لليدين وللملابس الغامقه خاصه الشتويه
عشان ما تشهب ما اغسلها الا بالسائل
وعندهم ملين الأقمشه كم مره اشتري منه ممتازولا يبقع في الملابس
مثل بعض الماركات الغير مشهوره
اما الأقلام فيه نوعيه غير روكو بصراحه روعه وما تسيح اسمها roller tip pen
لكني بما ان بنتي توها في رابع اخذت لها حبر جاف انظف للدفتر اذا جت تكتب
وشكرا لك مره اخرى ودمتِ في حفظ الرحمن

هلا بك امل والم
صدقتي :) انا مثلك الثياب الملونه والشمغ والعبيات وحتى البلاط والرخام ما استخدم له الا الصابون السائل .. مثل ماقلتي فعلا يعطي لمعه ويزهزه الالوان ولا تشهب الثياب
جربي جوالين الصابون السائل الكبار تلقيناها عند محلات البلاستيك مثل الغيث ..
عندك الليمون والتفاح والصابون الوردي ,,
شركة الاثير صابونها ممتاز جدا
الجالون الكبير اذا فرغتيه بجوالين اصغر يطلع لك 6 جوالين
وسعره مايتعدى 60 ريال 65 ان كثر واوقات اقل تحصلينه بـ 50 ريال ..

الله يخليها لك :)
ويعطيك العافية

مشكوره حبيبتي /جمرة غضا
وأشكرك على نصائحك التي أثرت المنتدى
ولا زالت واستفاد منها الكثيرون
لا عدمناك ولا عدمنا مرورك الجميل
لك كل الحب والتقدير