احذرو سوبر ماركت السوسن بتبوك !!!!
 

السلام عليكم ورحمة الله وبركاته

سوبر ماركت السوسن هو سوبر 24 ساعه يقع في مدينة تبوك شارع ابو بكر الصديق (شارع السجن) بين حي المروج والورود

معاناتي معه ترفع الضغط

ما اشتري منه الا خبز لانه قريب مني جدا

معاناتي معه بدت قبل 4 شهور لما رحت اشتري اغراض لرمضان وانا اقلب الاغراض طاحت يدي على زبدة المراعي وكان عليها سعر 7 ريال مطبوعه من الشركه وارفع الزبده وقلبها علشان التاريخ القى تسعيره من المحل 9 ريال قلت والله لاخذها واشوف المحاسب وش يقول
يوم حاسبت ولا المحاسب يحسبها ب 9 ريال وانا اطير فيه ليش شايفني اهبل شوف التسعيره من الشركه 7 ريال قال انا اسف هذا جديد اشتريته ومشيت

بعد فتره احتجت اني اشتري للاهل فوط المهم رحت واخذت اولويز وعليه تسعيره من الشركه ايضا بـ3.95 يعني 4 ريال اخذت 3 ورحت احاسب قالي الحساب 18 ريال سألته ليه 18 ريال قال سعره بـ6 ريال وانا اصيح فيه واقله يا ثور هذا سعره من الشركه بـ 4 ريال ليه 6 قال برضه هذا منتج جديد وتوه جاي وهذي التسعيره القديمه

اخذت اغراضي ومشيت
البارح رحت ابي اشتري كرتون مويه 24حبه اكوافينا ورحت للمحاسب قال بـ15 وانا عارف ان سعره بـ11 ريال تركت الكرتون ورحت للسوبر اللي بعده واخذته بـ 11


فالحذر الحذر من هذا السوبر اللئيم الطماع

وراح تلقون بعده سوبر في محطة البندري اسعاره ما شاء الله تفتح النفس حتى العمال يعجبونك ومتفاهمين

اتمنى لكم التوفيق جميعا