من إيميلي .. قطع الغيار عندنا تباع بأربعة أضعاف سعرها الأصلي !!!!!
 

كما وصلني بالإيميل....




قطع الغيار عندنا تباع بأربعة أضعاف سعرها الأصلي !!!!!


منقول طبعا




بما ان سيارتي امريكي وكيلها بالسعودية الجميح اضطر كما يضطر غيري لشراء قطع غيار السيارة منهم
طبعا احتجت قطعة لسيارتي وذهبت لهم وقال سعرها 1600 ريال بعد الخصم
ولان الميكانيكي لم يكن متاكد
قال روح الوكالة اضمن لك
حين ما دخلت السيارة لديهم رفضوا قبولها بحجه الزحمة
جاوبت ان يجب عليهم قبولها وذلك لانهم الوكيل الحصري لها
قال المصري اللي في الاستقبال انه راح تتاخر
قالت عادي شهر شهرين ثلاثه انا مو مستعجل عليها ، عندي سيارة ثانية
بعدها بيوم اتصل علي الفلبيني عندهم اسمه اكينوا وقال شغل يدينا 4500 من غير القطع
طبعا انا عارف انهم يردون اطلع سيارتي لانه ماحد فحصها ولا يدرون حتى مشكلتها ايش
المهم رفضت وقالوا ادفع 250 قيمة الكشف
قلت معصي سيارتي على حالها في الموقف ولا احد قرب منها ادفع لكم 250 ليش
طبعا حين ما شافني جاد وقلت ماراح ادفع ولا ريال والسيارة مفتاحها معي وراح اجيب الشرطة الان تعمل محضر ان السياره في مكانها ولم تدخل حتى الورشة
قال خلاص طلعها مانبي شي
المهم رجعت لورشة وقال شغل يدنا 200 ريال
واعطاني رقم القطعة
هنا اكتشفت استغلال الوكالة
رجعت لهم ابي نفس القطعة اللي قال لي سعرها 1600 ريال
اعطيتها السوداني اللي في قطع الغيار
قال سعرها 3700 ريال
قالت ليش كان سعرها 1600 ريال قبل يومين
قال هذا السعر الجديد من الشركة
تركتهم وطلعت
وقلت السالفة لواحد قال لا يهمونك هات رقم القطعه وانا اجيبها لك
هذا رقم القطعة ( AC93176626 )
دخل موقع على الانترنت وداخل رقم القطعة وهنا اكتشفت كيف صار الجميح من اصحاب المليارات
سعر القطعة واصلة للسعودية من 10 الى 15 يوم با ( 233 دولار ) 874 ريال فقط لا غير الاصلية كما بالصورة
https://www.mqataa.co/vb/uploaded/715_01287573010.jpg

وهذا سعرها من موقع ثاني



https://www.mqataa.co/vb/uploaded/715_11287573010.jpg

وهذا اسعار التقليد او ما يسمى عالمي وهو صناعة امريكية ولكن ليس اي سي دلكو لا يتجاوز سعرهم 90 دولار
https://www.mqataa.co/vb/uploaded/715_21287573010.jpg


https://www.mqataa.co/vb/uploaded/715_01287573161.jpg

طبعا قلت خلاني اشوف اسعار باقي القطع اللي سبق اشتريتها منهم
مراية السائق في الوكالة 3300 ريال
https://www.mqataa.co/vb/uploaded/715_11287573161.jpg

سعرها واصلة للسعودية لا يتجاوز 500 ريال كاملة وبالوكالة 3300 ريال

حساس الاوكسجين بالوكالة سعره فوق 600 ريال والحقيقي لا يتجاوز 105 ريال
https://www.mqataa.co/vb/uploaded/715_21287573161.jpg

فحمات فرامل ( قماشات ) هذي سيرميك العادية بالوكالة سعرها فوق 550 ريال للامامي وهذا

https://www.mqataa.co/vb/uploaded/715_01287573277.jpg


http://www.carpartswholesale.com/
وايضا يوجد مواقع تبيع قطع غيار مستعمله ورخيصة جدا ومضمونه
طبعا الكثير يسال ايش الضمان ادفع فلوس ويمكن ما توصلني القطع
الجواب
الدفع يكون عن طريق paypal وهو موقع مشهور وان لم تستلم القطع تستطيع بكل بساطة الدخول موقع paypal
ورفض العملية وهم يتكفلون بمخاطبة البائع ان يرسل لك القطع او يرجعون لك كامل المبلغ لبطاقتك
وحتى لو قالوا مثل التسليم خلال 15 يوم
ومر 15 يوم ولا استلمت القطع تخاطب موقع paypal وهم يخاطبون البائع بان يخصم لك قيمة الشحن او يعوضك عن التاخير
طبعا اي شخص عنده شك بالموضوع
يشوف قيمة اي قطعه اشتراها من الوكالة ويبحث عنها بالموقع ويشوف سعرها كم واصلة للسعودية


منقول من الإيميل.

موضوع رائع !!

وفقك الله لكل خير

أسأل الله أن يجعل ما قدمت في ميزان حسناتك

فعلا كلام صدق

وانا مجرب على قطع غيار فورد

رحت للجزيره وسألت عن المراية الجانبيه وقالو لي سعرها 950 ريال بعد الخصم

وقزازة المراية ب250 ريال

والله شي يضحك ... اقول للموظف ترى المراية الجانبيه مجرد جرم فيبر وداخله ماطور بسيط يحرك القزازه مافيه اي تقنية او اختراع ... قال ترى عطيتك أقل سعر

أما القزازة فسعرها غالي عشان تعطيك رؤية أكبر ماهي زي حقت حقون القزاز

المهم ضربت الباب

وبحكم خبرتي المتواضعه في shoping online التسوق الالكتروني

دورت في 4 مواقع في أمريكا واخترت موقع واشتريت منه

المرايه مع قزازتها وكلفتني مع شحنها حدود 500 ريال

................................

الخلاصة: هل المراية اللي انا اشتريتها ورق ؟
هل قزازة المراية اللي انا اشتريتها عادية ؟ او محدبة ؟
هل انا اشتريتها من مصدرها؟ والا الوكالة يعني هم اللي صنعوها؟
هل هم راح يشترونها بـ500 ريال جملة زيي ؟ أو بكم ؟

ـــــــــــــــــــــــــــــــــــــــــــــ

نصيحة نابعة من تجارب وخصوصا في مجال السيارات - قطع السيارات - اكسسوارات السيارات

لا تشتري على طول

ابحث .. ابحث .. ابحث

وهذا رابط للمراية من نفس الموقع اللي كتبه الاخ abuhisham

http://cpwstore.carpartswholesale.co...versal:0)&sv=0

عازل لسيارة عادية سيدان بـ1200 ريال لا وعليه عرض بعد ... واشتري رول كامل يكفي 4 سيارات بـ1100 ريال



التجربة خير برهان



لو الكل يسوي زي كذا ... انا متأكد ان جميع الوكالات بتنزل السعر غصب عليهم لو عرفو ان المستهلك الان صار فاهم .. وخصوصا في عصر التقنية والاتصالات الفائقة..

مين كان يتوقع انه بيقدر يبحث في 3 أو 4 شركات ويشتري منها ويحط بيانات العنوان للشحن ويدفع ويتابعها الين توصل لمدينتة وهو جالس على مكتبه..

الناس على نياتهم على طول يدفعون
لازم الكل يعرف عنهم وعن التسوق الإلكتروني
معقولة صار الغرب أكثر أمانة مننا

تمت التجربة
بصراحة ما صدقت
تهورت قلت اروح لأودي a8 2010
فلتر البنزين
في الصورة
http://dc05.arabsh.com/i/02189/cjegp3cj6xe0.gif
199.545106 ر. س


بعديت رحت لفلتر زيت لاند كروزر 2010



http://dc05.arabsh.com/i/02189/jl7rjand8har.gif
26.355014 ر. س

بعدين رحت لفلتر زيت حق أحد سيارات لكزس 2010


http://dc05.arabsh.com/i/02189/43bewanlec0v.gif
18.825010 ر. س

تهورت مرتن ثانية رحت لفلتر زيت حق أحد سيارات كاديلك 2010


http://dc05.arabsh.com/i/02189/0hqhd04icqv4.gif
41.415022 ر. س

وما ادري عن ربعنا هنا كم يبيعون القطع
مرة اخرى نقل موفق

ولله ماتدرون بكرا يمنعون قطع الغيار من دخولها السعوديه ابو جميل وربعه

لاحول ولاقوة الابالله

المهم خلي قطعهم تبور عندهم طالما الانترنت متوفر

والله بس كاسر خاطري الناس المساكين الي يدفعون مايعرفون شيء

حسبي الله عليهم اكليننا من كل شق وطرف

وشكرا لك يا اخي على الموضوع الجميل

كومبرس هوندا سفك في الوكاله 3000 ريال
في التشليح 750
في الموقع ب 1200

http://cpwstore.carpartswholesale.co...sons/77560.jpg

جميل جداً

خلونا نكسر هالجشع،،
1- فيزا انترنت ( تشحنها بالمبلغ اللي تحتاج )
2- حساب في فيديكس بـ 100 تقريبا مدى الحياه
3- تسوق عن طريق الانترنت، سلع مختلفه ومنوعه وارخص بكثير.

ياليت اسماء المواقع المضمونة والمجربة

أصبح التسوق عن
طريق النت ضرورة ولابد من تعلمها

موضوع مميز تشكر عليه وبارك الله لك وفيما كتبت نفع الله به.
شكراً

أسفين على التأخير
لقيت أنواع كثيرة

هذي الهوبات

هذي الأقمشة

حول العملة من هنا

بالنسبة للشحن والتوصيل ما عندي خلفية عنه

لاحول ولاقوة الا بالله السرقة عيني عينك هذا وحنا مسلمين !!!!!

ياليت من احد الاخوان يشرح طريقه التسوق الامن من النت في موضوع مفصل

الحقيقة ما اعرف ولم يحصل أن أتسوق بالإنترنت وانتم بمواضيعكم هذي تجبرونا فعلا بالنظر بالموضوع والبت بشراء القطع الثمينة بالنت
شكر الله سعيكم

نقل ممتاز ومهم ,,

هالوكلات فعلا ضاحكين علينا بس لازم نعرف للطرق الاخرى ونستخدمها ونترك بضاعتهم,,

حتى يتعاملون معنا بحرص وحذر "واهتمام".

تقبل مروري

ولا ننسى الاجهزة.. على الاقل قبل الشراء ادخل للنت وشف المواصفات والافضل لأحتياجك وقارن خاصة وان البائع عندنا يبغى يضربك :bash: ويبيعلك بنفس الوقت !!!!!!؟..او مزارع جاي يبيع الكترونيات!... يعني لو تقرا الي على الكرتون احسن لك


تكفى يالبائع خذ الفلوس بس عطني السلعه :as9: تراني منحد عليكم

تم فتح حساب لصندوق بريد عن طريق ارامكس aramex
الآن موقعكم هذا مضمون لأني دخلت على موقع الوكالة وحاولت اطلب لكن طلع لي الموزعين بالمملكة ولا فيه طلبات إلا عن طريق الموزع والموقع إلي في الموضوع يوفر لك كل القطع السؤال هنا هل جرب أحد منكم طلب عن طريق الموقع
http://www.carpartswholesale.com/
حبذا لو يعطينا التفاصيل مشكوراً وهل فيه مواقع ثانية نقارن لأني بحث في النت ولم أجد سوى المواقع المشهورة
والمواقع هي
amazon.com
ebay.com
bestbuy.com‏
مع التقدير

السلام عليكم لو سمحتم انا عندي سيارة سدرك ابفا لها قطع ابغا احد يعلمني كيف اطلب القطع وشكررررررررررررررا

ان شاء الله بحاول أنزل موضوع كامل عن الشراء من النت

نريد أن تكون تجربه فعليه منك بشأن القطع وتجربتك من صحة القطع هل هي أصليه أم لا حيث أنني بحث في جميع مواقع السيارات ولم أجد سوى موزعين غير شرعيين ولا نظمنهم مطلقاً
شكراً على التفاعل

اضيف بصفحة مقاطعه على الفيس بوك

تشكر ابو هشام

السلام عليكم ،،

انا سيارتي كابريس 2000 اس اس ،، دخلت الموقع واتصلت بالدعم الفني على الشات واعطيتهم رقم الشاصي وقالولي الرقم غير مسجل ،، يعني لااستطيع اشتري من عندهم قطع غيار لسيارتي .
علما بان لدي رقم قطعة من الوكالة وحاولت ادخل الرقم في الموقع ولم يتعرف علية ..
هل يجب ان تكون السيارة وارد امريكي مثل السيارات الامريكية اللي بالصالات . علما بان سيارتي شاريها من الجميح عام 2000.

شكرا

--------------------------------------

ممكن لان سيارتك مو موجوده في امريكا >>>> بالاصح ممنوعه

ولكن موجوده في استراليا وتحمل اسم شركه "" هولدن ""
اذا لقيت مواقع للسيارات الاستراليه تلقا اللي تبي
او انك تسأل الاعضاء اللي موجودين في موقع ss4ever
لا يتفلسف عليك احد اسألهم عن المواقع حقت قطع الغيار
اكيد يفيدونك

بالتوفيق لك

ليش هالمواقع الاجنبية والامريكية ما يعترفون بالباترول السفاري

هاذي المشكله عندنا بعض السيارات تلقى قطعها مثل الفورد

او ان اسماء السيارات عندهم فيه اختلاف بسيط

وبعض السيارات ما تلقى لها اصلا

الى انا متأكد انك اذا دورت تحصل في اكثر من موقع
وبرخص

وما يستفيد من هالموقع الى اللي عنده سياره مستورده من امريكا مع بعض القطع اللي تتوفر في المواصفات الخليجيه

الى والله اني اطاب المهتمين وضع افضل المواقع المعتمده لقطع الغيار

بعلم اخواني
:thumbsup:

قد تختلف بعض المسميات لديهم
مثلاً شفروليت - كابرس
تلاقي الكابرس مسمينه الغزاله Impala

بارك الله في صاحب الموضع

مين يساعدني وله دعوى بظهر الغيب اريد شراء رفارف امامي وخلفي وكلتش وفحمات نوع السيار باترول نيسان موديل 1998

لا حول ولا قوة الا بالله

المشكله فيه كم واحد يعرف للبيع والشراء عن طريق النت ولكن الاغلبيه ليس لها الا الله ما تعرف اي شيء عاد اغلب ربعنا الانجليزي ما اعندك احد

اللهم عليك بكل الوكلات اللهم خسرهم ودمرهم يا رب العالمين
حسبنا الله ونعم الوكيل

فعلا كلام صحيح وهذا المعمول به
لكن انا اواجه مشكله
وهي رقم القطعة
موتري يوكن دينالي 2006 وقالوا لي عندك المساعدات الأربع منتهية لازم تغيرها
طبعا الكلام هذا في ACDelco شارع الوشم لان الوكالة زححححححمه
المهم قلت كم تكلف قال كلها 7500 ريال
قلت أجل انا بجيب القطع قال بتكون عليك أغلى واحنا يعطونا تخفيض 30% وانت الكسبان لكن لو رحت انت بيكون السعر 7500 او اكثر قلت مايخالف بأمرك بعدين
وكلمت الوكاله ابي رقم القطعة قالي وش تبي فيه تعال واشترها موجودة
تحيلت عليه وقلت ACDelco باعطيهم ارقام القطع عشان يجون ياخذونها
قال لا عطهم رقم الهيكل وهم يعرفون يجيبونها ولا تتعب نفسك ((بس تعب جيبك)) ممنوع اعطيك قلت ليه قال هذي سياسة الادارة
قلت ياخي مثل ماهو من حقك تبيع بسعر مناسب انا كمستهلك ابي اشتري بالسعر الأقل ونفس الجودة
مو من حقك ماتعطيني الرقم
قال لا اسمحلي وسكرت السماعة

رحت على النت وموقع ACDelco وحطيت رقم الهيكل
وطلع لي قطع الغيار بالارقام حقتها بس المشكلة وهذا اللي خلاني اكتب الموضوع
انه طلع اكثر من قطعهة مناسبة لموديل ونوع سيارتي !!!!
بمعنى
طلع لي 5 انواع مساعدات امامية
و6 انواع مساعدات خلفية ..........أغلى نوع في المساعدات الامامية والخلفية واصل للسعودية بـ2800 ريال سعودي
ولكن
السؤااااال
كيييييف اعرف وش القطعة اللي في سيارتي عشان اجيب زيها
وبس
وعلى فكرة وديتها لمكنيكي وقلت ابي اعرف نوع المساعد ورقم القطعة
قال الرقم ماعرف بس النوع مساعدات هيدروليك في الخلف
ومساعدات حساس في الامام
((فسر الماء بالماء ))

شيء يقهر وين وزارة التجارة ؟ وين حماية المستهلك ؟
القطع تباع بأسعار مباااااالغ فيها وهم يتفرجون ويحمون التجار !!!!